ياروحي

[جبر الغبيشان]

هذه قصيده لشاعر /جبر ابن ربيع الغبيشان




ياروحي زاد ابي عتابي
من حبن زاد ابه عجابي
من شانه برسل جوابي
وارحل واجمع زهابي

*عن حبن يفرض عليه*

اسمع كلامي ياغالي
لعلك ترحم بحالي
دنيا برحل عنها جالي
هاذ شي وقد طرالي

-*سامحني باوضاعي ذيه*

انت وسويت ابها عالم
تحرجني قدام العالم
من جروحك ماني سالم
من خوفي كني بك حالم

*ماحاولت ابعد بنيه*

الله عالم بالخفايا
وسط الضلوع الحنايا
اخاف تجينا المنايا
خلنا نذوق الهنايا

*ظنونك دايم وهميه*

ياليتك تعرف بحبك
وتخاف من الناس وربك
وتجامل منهو قد حبك
في حياته ماقد سبك

*يمدحك بصبح وعشيه*

وان سبك واحد قدامه
قام وتحزم بحزامه
ماعنده خوف وملامه
وهاذي هي اكبرعلامه

*دنياه ودايم شقيه *

ليتك تعرف الحقايق
والهن تسوق السوايق
لعيوني تماش الطرايق
لوتبوق ابها بويق

*غصبن عليهم سويه*

بلعان احبك ياروحي
لوتكوي وتزيد جروحي
غصبن علي انا ماوحي
بتجيني والا بتروحي

*هاذ حبي لك هديه*

اهديتك قلبي وصونه
وابغاها منك معونه
حافظ عليه هووغصونه
ادري قلبك ماهو دونه

*ارحم حالي الشقيه*

احب ديارك واوطانك
مع خوالك مع عمانك
مع اقرابك مع جيرانك
ياما حلى نطق لسانك

*ارحمني حالي منسيه*

اشكي عليك من بعد الله
ياماحلى ذيك الطله
جاملني وادمح لي زله
خلن يطلبها من خله

*حاول تعطيني حنيه*

عمانك سواو صتايم
وخوالك سواو حكايم
واخوانك سامو سوايم
ولويطير الطير الحايم

*سواوها لي قضيه*

اجبرني حبن قد جالك
من مجنون دايم هالك
لوتكرر في سوالك
غصبن عليه بصفالك

*غصبن علي وجبريه*

لاتسالني عن حبي لك
بتجيني والا بجيلك
داخل على الله ودخيلك
اجعل حبي هو حصيلك


*احوالي بعدك رديه*

علم من سوا لي فيها
لايبقى حاجه يرجيها
ادري يتعب مايجيها
ماهو كفو انه يحميها

*ينقص عن فعل الحميه*

به ناسن ماتسوى رجلي
كلمتني فيهم عجلي
وتقول جاملهم لاجلي
حتى لو لعيوني تجلي

*بتحط بقلبي جنيه*

يمكن لعيونك اجامل
لاكن ماجامل لي هامل
عند العالم ماهو كامل
من زين زويله لي حامل

*العداوه والكرهيه*

هاذ الزمان امتحني
وبحبك دايم يمحني
حكم الغلا والتمني
يسل السيف ويطعني

*كني جاني لي جنيه*

ياهو قلبي وطبه
لي قلبن دايم تلعبه
اما احفظه والا كبه
خله يقعد في مصبه

*وعروقه دايم ضميه*

ولي عذلني ياخواني
مادرى بالي قد جاني
قدام العالم يشناني
بهروجه هاذي يبلاني

*بلاه الله بلبليه*






هاذا مقطع من قصيده الشاعر/ جبر ابن ربيع الغبيشان



***ارجو ان تنال اعجابكم****
***واعذرونا على القصور***



**جبر الخواطر**

[خيَّال الغلباء]

أخي الكريم الشاعر / جبر بن ربيع الغبيشان السلام عليكم ورحمة الله وبركاته وبعد : صح لسانك وسلم نبضك وبنانك وإعتلا شانك على هذه الأرجوزة الجميلة والله يعافيك ويبارك فيك ويجزاك خيرا ويبيض وجهك عند مولاك يوم تبيض وجوه هذا وتقبل فائق الشكر والإمتنان مقرونا بجزيل المحبة والإحترام مع أطيب الأمنيات واسلم وسلم والسلام .

[جبر الغبيشان]

مشكور على كل حال وبيض الله وجهك

[مدغدغ الضبان]

][®][^][®][مشكووووووووووور يابن غبيشااااااااااااان مو غريبه عليك لانك من سااااااااااااس شعر][®][^][®][