تسجيل الدخول

مشاهدة النسخة كاملة : الى الاستاذ خال الشماسي وكل الشعار تجربتي الثانيه

آلهويدي السبيعي
29 - 04 - 2008, 13:48
السلام عليكم ورحمة الله وبركاته

الى جميع الشعار والفاهمين في القصيد...
هذي ثاني اطروحه لي بس ابي اتأكد من الوزن والله لا يحرمنا من توجيهاتكم ...


يا صاحبي ارجوك لا تبتعد عني وتروح

من سبب صدكم زاد همي وتعبــي

اجهدتني ولا بقى من بقايا الروح روح

وما لقيت من شخص يحقق مطلبي



ان كانها موزونه كملتها .... وشكـــــــــــــراً
عين الصحافة
29 - 04 - 2008, 14:22
الله يوفقك يالهويدى


وانا كذلك اطلب من شعراء المنتدى المساعده والتوجيه 0
آلهويدي السبيعي
29 - 04 - 2008, 16:02
الله يعطيك العافيه ياعين الصحافه ...
وننتظر الباقين ............
خالد الشماسي
29 - 04 - 2008, 18:17
هلا الهويدي


باقي ما ضبطت الوزن بس اذا تبي دروس انا مستعد



1) - تحفظ قصيدة ( ناقتي ياناقتي للشاعر ناصر الفراعنه )


2) - ثم تسجلها بصوتك وترفقها في مشاركتك هنا .


اذا قدرت تغنيها بنفس اللحن او مقارب له بدينا الخطوة الثانية .
آلهويدي السبيعي
29 - 04 - 2008, 18:57
هلا الاستاذ خالد مشكور وما قصرت

اما من ناحيت قصيدة الفراعنه حافظها وعارف لحنها منهو اللي الحين ما يعرف قصيدة نا قتي .

اما من ناحية اسجلها بصوتي وانزلها والله اني جاهل في الكمبيوتر عساني اعرف ادخل على المنتدى بس ههههههههه

(الحين وين المشكله حفظ قصيدة ناقتي مع لحنها ولا تنزيلها في المنتدى بصوتي )خخخخخخخ



ملاحظه الابيات اللي فوق شلتها على نفس لحن ناقتي واحس انها جت


مشكور ثانيه ومعليش اذا اتعبناك ....
خالد الشماسي
29 - 04 - 2008, 21:24
ضروري ان نحكم على مدى قدرتك على الإلتزام باللحن


اذا التزمت به في كل القصيدة .. فانت سيسهل عليك الباقي


سجل بالجوال

انقله للجهاز بالبلوتوث او بالوصلة والبرنامج اللي مع الجوال .


افتح مشاركة جديدة و اختر ارفاق ملف ستجدها اسفل المربع الخاص بالمشاركات عند الضغط على ايقونة الرد على الموضوع .


يعني حاول تعلم واستعن بالزملاء او الأخوان . لأن التسجيل مهم للشاعر :)
آلهويدي السبيعي
30 - 04 - 2008, 01:04
جاري التنفيذ .......

يعطيك العافيه ومشكور ...
غزاي.السبيعي
03 - 05 - 2008, 02:48
الاخ الهويدي السلام عليكم ورحمة الله وبركاته

الابيات ينقصها بعض الوزن ولكن المعنى واضح اذا بغيت تشيلها على شيلة ابو فارس في ناقتي ياناقتي
فلابد من التعديل فيي الابيات واعطيك مثال سوف اقوم ببعض التعديل على بيتك الاول للتوضيح

صاحبي ياصاحبي لاتصد ولاتروح@@@@@@@@@@@@@@@@@صدكم ياصاحبي زاد همي وتعبي
آلهويدي السبيعي
03 - 05 - 2008, 10:39
الاخ الهويدي السلام عليكم ورحمة الله وبركاته

الابيات ينقصها بعض الوزن ولكن المعنى واضح اذا بغيت تشيلها على شيلة ابو فارس في ناقتي ياناقتي
فلابد من التعديل فيي الابيات واعطيك مثال سوف اقوم ببعض التعديل على بيتك الاول للتوضيح

صاحبي ياصاحبي لاتصد ولاتروح@@@@@@@@@@@@@@@@@صدكم ياصاحبي زاد همي وتعبي



الله يعطيك العافيه اخوي غزاي ولا قصرت ...

انا الحين سجلت قصيدة ناقتي كامله شايلها بصوتي ولي 4 ايام ابغى انزلها للمنتدى ولا قدرت ما ادري وين المشكله , لكن ان شاء الله انها تنزل ونبدى الدرس مع الاستاذ خالد الشماسي وتزين الامور ...



مشكـــــــــــــــــــــــــــــــــــــــــور ....
خالد الشماسي
03 - 05 - 2008, 11:14
هلا بكم


غزاي شكرا ً لك وانت فعلا معلم


الهويدي


حمل الملف من هنا

http://www.sobe3.com/up
غزاي.السبيعي
04 - 05 - 2008, 15:58
الاخ الهويد شكرا لك على اجتهادك



الاخ الاستاذ/ خالد الشماسي اقولك ماعليك زود ومنكم نتعلم
ولدجابر
05 - 05 - 2008, 17:41
انشاءالله بتطلع شاعر يشار لك بالبنان دامك من الهويدي ماعليك يفرجها ربك


يعطيك العافيه على جهد وممكن نتواصل معاك من خلال الايميل واتعرف واتشرف بك اكثر ياولد العم
مديري
28 - 06 - 2008, 19:52
يالله اني طالبك ولا تخي اطلبي .

ان الهويدي يغدي شاعر ويصير افضل من ابو فارس قولو امين ":)