تسجيل الدخول

مشاهدة النسخة كاملة : قصيدة في هذا العيد

خالد الشماسي
28 - 11 - 2003, 02:38
إجتمعنا في شعيب دماث مستظل = وصار منزلنا على أول شعيب الخاتله
ضاربه سمار ما سال يا كود العبل = بين طلح وحمض والقشع زود وحرملة
ما نقصنا كود راعي لمركا مستقل = راعي الطالات والجود محد يجهله
وكل سيف باتر ما نشدنا لا حصل = عن بعيد الناس والي قريب منزله
والملازم لو حياته على وقت الجهل =كان غرق دم (------) ذرعان اجمله
والصتيمة تركي اليا ندبته في عجل = شاش مثل الصقر لا هد من يمنى هله
ما خذاني في هل الجود والطيب الزعل = أتونس لا ذكرت الفعول الأوله
جاهم العزام ما وجب إله الا الجمل = المعلم لا درست الوفاء والمرجلة
ما لها كفارة غير رد مشمعل = وكل شخص يرد عد البيوت المرسلة
أبو عمر
البدر
28 - 11 - 2003, 03:04
ابو عمر


لاهنت على هالقصيده الطيبه وبيض الله وجهك وصح لسااااااانك ملاييييييين عزالله انك حكمتها وتخيرت خوياك وننتظر رد راعي المركا والسيف وتركي كلهم شعار ويلزمهم اللرد .




والملازم لو حياته على وقـت الجهـل @ كان غرق دم (------) ذرعان اجمله

ان الله عطاك عمر شفت بعينك .



اخوك البدر
خالد الشماسي
28 - 11 - 2003, 03:14
هلا بك البدر نورت القصيدة بردك

لك تحياتي
سعد بن جراش
28 - 11 - 2003, 03:28
هههههههههههههههههههههههههههههههههههههههههههههههههه ههههههههههههه




صح لسانك يابو عمر







هذا عيدكم ياهل المدينه والله اللي ماعليه حسوفه



لكن ان شاء الله العيد الجاي عيدوا عندنا في ذيك الديار ومالك الا من يعوضك الا كان خوياك




بيردون عليك وبيصلحون مايمكن اصلاحه مع اني ماظنيته( يبي يشبها )




يابوعمر تراني امزح وخوياك اكيد جاء عندهم شغل فاعذرهم وان شاء الله مالك الا طيبة الخاطر
خالد الشماسي
28 - 11 - 2003, 03:31
أي مدينة الله يهديك



تحسب إن كلمة

شعيب الخاتله = شارع الستين


وأنا ترى ما نيب إلحالي بس المذكورين ما كملوا الحلقه الماسية وطبعا فرجتهم كبيرة .


لك تحياتي على المرور والمشاركة
عيسى السبيعي
28 - 11 - 2003, 04:42
الله الله يابو عمر
وعليكم السلام ورحمة الله وبركاته

جاهم العزام ماوجب إله الاالجمـل=المعلم لا درسـت الوفـاء والمرجلة
مـالهـاكفارةغيـرردمشمعل=وكل شخص يردعد البيوت المرسلـة
صحححححححححححححححححح لسانك ملاييييييييييييييييييييييييييييييييييييييييييييييي ييييين على هذ ه العيديه الطيبه
وانشاءالله يدفعون الكفاره
سعد بن جراش
28 - 11 - 2003, 06:12
بسم الله الرحمن الرحيم


اتمنى ان يعجبكم هذا الرد الذي حاولت ان اضيف به بعض البسمه على محياكم جميعا ً وخاصة اخي ابو عمر



ياإله الكون ياللي لحكمه نمتثل = محكم ٍ في مُحكمه حكم ايا ت ٍ منزله

اعصم ابياتي عن العيب ودروب الزلل =ابتدي باسمك واثني واعيد البسمله

شاقني طاروق خالد وحبي للجدل = ولا انا ماني طرف في حدود المشكله

جيت اولعها واباطرد عن النفس الملل =علها تزهر وتنبت قفار ٍ ممحله

ولاستوت نيرانها والجوانب تشتعل = قلت انا ماني بأصلا ً طرف فالمعضله

ماهقيت ان فرحتك في عيادك تكتمل =في شعيب الخاتله لو تحاول تكمله

لو نباته مختلط بالخزامى والنفل =والنشاما تشعل النار ماهي مهمله

تكتمل فرحتْك بين الرفاقه والأهل= في مداهيلك لا واسعد من هي مدهله

في ديار سبيع يحتار وصفي والجمل = ماتوفي حقها والمعاني مجمله
خالد الشماسي
28 - 11 - 2003, 06:53
سعد بن ظافر بن جراش رد رائـــــــــــــــــــــــــــــــــــــــــــــــ ـع

ومجاراه ممتــــــــــــــــــــــــــــازة جداااااااااااااااااااااااااااااااااااااااااااااااا ااااااااااا

وينك عني كان بشتري بيوتك وبضيفها على قصيدتي بس اعرف ما تنفع .


لك تحياتي
بعيد النظر
28 - 11 - 2003, 13:22
السلام عليكم ورحمة الله وبركاته
كل عام وانت بخير

صح لسانك يابو عمر
وصح لسان ابن جراش
البدر
28 - 11 - 2003, 14:32
ابو ظافر


لاهنت على الرد الرائع وصح لسانك ملايييييييييييييين والحقيقه انت مبدع دائما يابو ظافر , سلمت لنا ودام هذا التواصل والتفاعل الجميل .


اخوك البدر
السيف
28 - 11 - 2003, 17:20
بيض الله وجهك يا بو عمر على القصيده الجزله والكلام الطيب

وصح الله السان سعد على هذه المجاراة الجميله للقصيدة

واخيرا اقول عيديه طيبه يا بو عمر

تحياتي
طويق
28 - 11 - 2003, 19:33
صح لسانك يا أبا عمر

قصيدة تستحق الإشادة

بعيدا عن المجاملات


ابن جراش

ليتني اشتريت أبياتك

ووضعتها باسمي


كان تنفع
مشعاب
29 - 11 - 2003, 01:08
صح لسانك يا ابو عمر

وعيدك مبارك وكل عام وانتم بخير جميعا


وهذا مشعاب يتمنى انك تعزمه في الرحلات القادمة
خالد الشماسي
29 - 11 - 2003, 01:48
صحة ابدانكم اخواني
بعيد النظر
البدر
السيف
طويق
مشعاب

زادت القصيدة بهجة وضياءا بردودكم لا عدمتكم
البحيح
29 - 11 - 2003, 03:09
صح لسان الشاعر ابو عمر والحقبقه قصيده جميله وتستحق التكفير من المعنيين وصح لسان الشاعر سعد بن جراش على القصبده الرائعه ولا بد ان يتحمل بعض الشرر اذا اشعلها




مع تحياتي للجميع الفارس
سعد بن جراش
29 - 11 - 2003, 04:14
بسم الله الرحمن الرحيم


اخي العزيز ابو عمر وجميع الاخوة الكرام

يسرني اعجابكم بردي ومجاراتي (ترى راسي ذالحين كبر جبل تين )


لكن مانا الا واحد من اخوانكم المبتدئين في بحورالشعر وفنونه وكلماتكم والقابكم




والله يحفظكم جميعا ً
خالد الشماسي
29 - 11 - 2003, 07:13
الفارس

هلا بك وزيارتك للموضوع والقصيدة زادتها بريقا وشرف

دمت لنا
ابن شطيط
01 - 12 - 2003, 01:02
الله الله الله عليك يابو عمر

ويااااااااسلام عليم يابو ظافر

قصيده ومجاره تستحق الإشاده ويحق لك يابو ظافر وبدون مجامله


تحياتي لكم

والله لايفركم
خالد الشماسي
05 - 12 - 2003, 16:31
ابن شطيط هلا بك

لك الشكر على المرور والإشاده


تقبل تحياتي