ياصغير مايكبرني لقب

[العويد]

يا صغيّر ما يكبرني لقب"=" وما يصغرني إذا انكرني صغير
ما خذينا الصيت من جمع الذهب"=" ولا نسابة شيخ او قربة وزير

كاسبينه من هل السيف الحدب"=" الجنايز كان ما جاك النذير

صيتهم نجم ٍ على رأسه لهب"=" سمعوا الصقهان به واجهر ضرير

بالوفا تاريخ أبيض ينتصب"=" لا حكوا بالحق حيين الضمير

ضيغمين للسناعيس انتسب"=" لابةٍ طلنا بها عرش كبير

عند حدك يا كثير الهرج تب"=" لا تمر النار وثيابك حرير

كان لك عز بذلي فتعقب"=" والله ألا تبطي وحبلك قصير

احسبنك من صناديد العرب"=" واثر ساترتك عباتك يا iiغرير

ما حسب للسوس زراع القصب"=" والقراده ما درى عنها البعير

ولو حسبنا للحسايف والتعب"=" ما بذرنا يا العصافير الشعير

عن هللك ابراي لله واحتسب"=" الرجال اللي مجاراهم عسير

من قريش المصطفى وابو لهب"=" والدغالب ما غشت عذب الغدير

للرجال من الرجاجيل العتب"=" والزكاة تحل في حال الفقير

لعنبو وقتٍ غدينابه حطب"=" تحرقه نار يثورها اجير

ما ألومك والزمن سوى العجب"=" هو بقى غير الكرامه بالجفير

ما أذل وراسي يشم المهب"=" لو بقى من شمر طفلٍ غرير

ما اهاب ولا يزلزلني غضب"=" الشجاعه ورث العاقل عزير

يا صغير ما يكبّر باللقلب"=" غير من هو كان من دونه صغير


رحمك الله ياطلال الرشيد

قصيده تحمل الكثير

[البدر]

اخوي العويد


لاهنت على نقل القصيده الرائعه للشاهر طلال الرشيد رحمه الله وهي بالفعل قصيدجه جميله تدل على شخصية طلال الرائعه .



اخوك البدر

[العويد]

نعم بالفعل هو كذلك اخونا وشاعرنا البدر

شكرا لك على معاانقتك هذي القصيده

تحياااتي لك

[الشامل]

تسلم يمينك يالعويد على نقل هذه الرائعه

والتي يسمونها مفخرة طلال الرشيد

[ابن شطيط]

رحم الله صلال الرشيد

فصيده تدل على عزة نفس وحفظ كرامة عائلته واهله

رحم الله ابو نواف

لاهنت اخي مذكر على


نقل القصيده


تحياتي لك

[ابو مترك]

رحم الله طلال الرشيد وبيض الله وجهك يالعويد على نقلها وعزالله انها قصيده تحمل الكثير الكثير

[العويد]

بن شطيط,,,

ابو مترك,,,,

صحت ابداانكم نياابة عن المرحوم الله يرحمه ويسكنه الجنه,,,,,

اللهم اغفر له ولجميع موتى المسلمين,,,

اخوكم,,,

[اخو شما]

يــا صـغـيّــر مــا يـكـبـرنــي لــقــب=ومـا يـصـغـرنـي إذا انـكـرنــي صـغـيــر


مـا خـذيـنـا الـصـيـت مـن جـمـع الـذهــب=ولا نـسـابــة شـيــخ او قــربــة وزيـــر


كـاسـبـيـنـه مـن هـل الـسـيــف الـحــدب=الـجـنـايــز كــان مــا جــاك الـنــذيــر



القصيده تعبر عن نفسها

[الشقاوي]

شكراً لك اخي الكريم على هذا القصيده
وبالفعل زي ماقال اخو شما
تعبر عن نفسها
لاهنت لاهنت لاهنت

[فيصل الجرباء]

مشكور أخوي على القصيدة للشاعر طلال الرشيد رحمه الله وكان يقصد فيها ال أبراهيم شقيق أرملة الملك فهد يرحمه الله الجوهرة ال ابراهيم ووصفه بالصغير بعد ما أعترض ال أبراهيم على لافتات مكتوب عليها سمو الامير طلال الرشيد وقال انه ليس امير حتى تصفونه بصاحب السمو والحق يقال والنعم بال ابراهيم والنعم بالرشيد والفضل لبروز العائلتين يعود للأسرة الحاكمة السعودية فابن رشيد كان خوي عندهم ونصبوه لامارة حايل بالدولة السعودية الثانية وال ابراهيم هم خوال صاحب السمو الملكي الامير عبدالعزيز بن فهد وللمعلومية الجرباء هم اللي يكفون شمر عامة مع احترامي لابن رشيد

[عمر عبدالمحسن]

الله يرحم طلال الرشيد .. والجربا والرشيد عينين في راس ..

ولكن يا اخ فيصل الجربا البدايات لابد ان تكون هكذا عندما يكون الانسان بدون ارث تاريخي ( عبدالله الرشيد الاول )
فلا بد من الحيلة .. ففي عهد طلال العبدالله الرشيد استقلت امارة حائل عن امارة آل سعود الى ان سقطت امارة آل سعود
على يد محمد العبدالله الرشيد ( المهاد ) واصبحت تابعة لامارة آل رشيد ..

كما ان الجربا عندما كان في حائل لم يتعدى حدود منطقة حائل الى ان جلّاه ( الحودلة _ الطوالة )
بينما كانت امارة الرشيد في جل ارجاء الجزيرة العربية ( دولة تعدت حدود المشيخة ) .. واصبحت كل
القبائل خاضعة لها ..