يا سلام الله سلام فيه حبة زعفرانه

[مشعاب]

وينك يالمسالم وخلك عجل
مثل ما قال صديق جلدي جلدي





يا سلام الله سلام فيه حبة زعفرانه=للرجال اللي سوالفهم تنومس من ذكرها
المسالم كثر الغزوات في تالي زمانه=غايب عنا وجلسات السمر ما قدر حضرها

[المسالم]

يالله حي مشعاب
ابشر طال عمرك مابطى بالسيل الا كبره

[المسالم]

استلم لاهنت


والبقا بك يالمسلم ذوق خوخ من جنانه=بالوفا واهل الوفا يالابةجاني خبرها
نطلب الارزاق في وقت صعيب في امتحانه=ليلة منا تجي مع غيرنا كامل شهرها

[مشعاب]

ليتني مثلك وانقي من ثمرها برتكانه = مير انا مكسور والمكسور رجله من جبرها
عندنا الخيرات وسط المنتدى ولكم مكانه = البساتين افتحت لك قلبها واغلى زهرها

[المسالم]

صرت قبلي وسط هاك السوق واضنك وزانه=ليه مازرت المجبر لين يتقن لك وسرها
جعلها دايم على اهل الطيب ماهي مستكانه=في بساتين الهنوف امشي وانقي من ثمرها

[مشعاب]

حامي نفسي عن السكر على شان البدانه = وانت ما شاء الله ترم الكيك واتخايل قمرها
ولا بغيت اهز غصن الموز جاء عندي جبانه =خوف ياخذني خيال البدو واقطع شجرها

[المسالم]

مايجي السكر ياكود اللي شرب منه استكانه=وانت فالمنقى انغمست ولاينوشنك مررها
داخلِ بستان يالصاحب وأظن انها ميانه=لازم تستاذن الفلاح في ليلة سهرها

[مشعاب]

عانه جاااااااااااااااااك


كل شيء اقوله الا اني بقصر في الأمانه = حافظ ذيب العرب ما به ولا زربه طمرها
وانت تسرح بالعصى واتغطها في كل خانه = والله اعلم بالعصى من هو بمسراحه شقرها

[المسالم]

الله انه يخزي ابليس مزودها شطانه=ناوي يومي بذيلِ له وخلق الله دمرها
ذيب ياللي قام يهذل وايتمخطربحديانه=والعصى ماتنشقر ياكوديوم الله ومرها

[مشعاب]

ما يعرف السلم غير اهل العقول اللي تكانه = راجع احدود الزمان وشوف من فعله حفرها
بس لاني كنت اعدك فارس يتعب حصانه = جيت ادور خوتك واشفق عليها واعتبرها

[المسالم]

العقول الوقت هذا لازم الهامِـإستبانه=والزمن واحدوده الأولى لجداني خبرها
هقوتي من فوق ظنك والحصان املك عنانه=والله إني مشتري خوتك وايضاً أفتخرها

[مشعاب]

صح لسانك يا المسالم ما قصرت


والى لقاءات قادمة وتقبل اجمل التحايا

[ابو سعود 99]

الأخ مشعاب والأخ المسالم شكراً لكم على هذه المحاورة الجميلة واهم شي هو حفظ الذيب والعصى عن اذا الناس 0 ومرة ثانية شكراً لكم وماقصرتوا

[المسالم]

صح بدنك ياخوعجراء
سعدت بمسايرتك على هذا الطاروق الطيب
ان شاءالله ولك مني اطيب الإحترام والتقدير

[مشعاب]

الأخ مشعاب والأخ المسالم شكراً لكم على هذه المحاورة الجميلة واهم شي هو حفظ الذيب والعصى عن اذا الناس 0 ومرة ثانية شكراً لكم وماقصرتوا




هلا ابو سعود


صح بدنك ولا توصي حريص :(113):

[المسالم]

هههههههههههههههه
ابو سعود 99 لالاتخاف في يد امينه ان شاءالله
شكرا على التعليق

[خالد الشماسي]

مشعاب & المسالم


صحة السنتكم


طاروق راااااااااااااائع كثروا لنا من هالنوعيات

[رآعي الأوله]

صحت السنتكم

محاورة رائعة

وراعي الذيب أبو حذيان لايفكة على حلال العرب

وراعي العصى يحفظبها حلالة اللي عن الناس يغنية :)


وبأنتظار أبداعاتكم يامشعاب والمسالم

[الكيماوي]

صح لسانك يالمشعاب
وبارك الله فيك يالغالي

[مشعاب]

هلاوين


الله حيهم


عساه اعجبكم هالطاروق


متشكرين على المرور