المساعد الشخصي الرقمي

مشاهدة النسخة كاملة : من عنده قصيدة للبيع

iceman
27 - 05 - 2008, 23:27
محد يعرف احد يبيع قصايد ؟

اننا بصير شاعر
غزاي.السبيعي
28 - 05 - 2008, 00:28
انا عندي قصيده للبيع بس عليك الله يازول ان عجبتك قل لي راح اعطيك البيت الاول والباقي بعد الاتفاغ
يقول مطلعها

زولن سرب سربه وخت الجبال غربه قلت اسقني شربه ابا الحق بدربه
غزاي.السبيعي
28 - 05 - 2008, 00:29
انا عندي قصيده للبيع بس عليك الله يازول ان عجبتك قل لي راح اعطيك البيت الاول والباقي بعد الاتفاغ
يقول مطلعها

زولن سرب سربه وخت الجبال غربه @@@@@ قلت اسقني شربه ابا الحق بدربه
خالد الشماسي
28 - 05 - 2008, 00:43
هلا صديقي ice man

انت عطنا موضوع القصيدة وخلنا نعطيك على بيتين في المناسبه


واللي تعجبك بيوته اشترها منه



وهذا مطلع قصيدة في الإفتخار ( خاص بالايس مان )


انا بارد وقت الرخى حدها هدنه = ولا من جاء وقت اللزوم انقلب مشهاب



هاه وش قلت :)
عوض السبيعي
28 - 05 - 2008, 00:57
حبيبي ايس مان
خلك في اناشيد الاطفال
وردد يازول اااااااااااااااااااااااااااااااااااااااااااااااااا ااي
ابوحمدان
28 - 05 - 2008, 10:13
... جهّــز فلوســك كان تبغي قصيــده ... عنـــــــدي حراميّـــــــــة قصيـــــــدٍ وتجّـــــــار

بفلوســـــك تطــــوّع بيـــــوتٍ عنيـــــده ... ويضــرب على بابك 100 شــاعر وسـمسـار

بكل اللّغــــــات..قريّبــــــــه والبعيـــــده ... وكل البحــــور وشــــعرها..طـــوال وقصـــار

أنا معاملهــــم ..ضمانـــــــــه أكيــــــــده ... ريالـــك..ومـــد إيـــدك واخــذ جـزل الاشــعار

وجهّــز كفيـلك كان تبغـــي القصيــــده ... أمســـــك حــــدودك..مــع حرامـــي وتجّــــار
iceman
28 - 05 - 2008, 10:33
صح لسانك على هذي القصيدة الوطينه

انا ابي مثل هذا القصيد وأبي القصيد الثاني مال المهبل اللي يقولون

فيها عيونكي كأنها وردتون حمرا
وفي شعركي يمشي الماء العذبو
متاهات نظراتكي أوراق الخريف في الشتاء الحار

اربك عرفت اهل هذي القصايد ؟؟؟؟؟
ابوحمدان
28 - 05 - 2008, 12:28
.. آظـــن ماباقـــي لعقـــــك شــــريده ... وعنــدك علـــى هبالـك تفانـــي واصـــرار

ركّـــز عسـى الله ياخـذ اقشـر عبيـده ... كل القصــــايد عندنـــــا طــــــوال وقصــار

مايسـتوي خلــط الحصــا والعصيــده ... ولايســتوي ســـرجٍ يركّــــب علــــى (....)

.. ((العيـن حمـرا تقـل جمــرة وقيـــده ... والشــعَر يمشـي كنّــــــه درار الابكـــــار

متاهـــة عيونـــك مقشّـــة جريـــــــده ... خريـف واوراقـه تهــبّْ الشتا الحـار !!..))
خالد الشماسي
28 - 05 - 2008, 12:35
.. آظــــــن ماباقـــــي لعقلــــــك شــــريده ... وعنــــدك علــــــى هبالـــك تفانـــي واصـــرار

ركّـــــز عســـى الله ياخــذ اقشــر عبيــده ... كل القصـــــــــايد عندنـــــــا طــــــوال وقصــار

مايســـــتوي خلـــــط الحصــــا والعصيــده ... ولايســــــتوي ســــــرجٍ يركّــــب علــــى (....)
.. ((العيـــن حمـــرا تقـــل جمـــرة وقيـــده ... والشــــــعَر يمشــــي كنّــــــه درار الابكـــــار

متاهـــــــة عيونــــــك مقشّـــــة جريـــــــده ... خريـــف واوراقــه تهــبّْ الشــتا الحـــار !!..))


صح لسانك يا ابو حمدان


بس الولد رومانسي بزياده


دوره شيء يصلح الولد راعي دراهم ومجوهرات :(102):
iceman
28 - 05 - 2008, 12:38
قصيدك مايصلح لي انت شعرك ماهو شعور شاعر صقصقة كلام

أنا ابي قصيد جزل

وتقولها فيني وتكون غزليه ممكن؟
ابو فالح
30 - 05 - 2008, 20:49
بسم الذي نزل تبارك ولقـــــــــمان = نقرى عليك اقرا وعلم العقيده

من الحسد يحميك ربي يiceman=بس الغزل ما ينمسك في حديده

شكلك يسلي كل من كان طفشـان= والزين يبرى منك هذي اكيده

مير الوكاد ان كان مانيب غلطــــــان=صورتك ما تقبل ولو با الجريده:arabiyat-h:

تنفع ذي ياعم
ابوحمدان
01 - 06 - 2008, 06:57
... صـــح لســـانك يــا أبــو فالـــح ...
سعد الجبري
11 - 06 - 2008, 11:44
ههههههههههههههه
س ب ع 777
07 - 07 - 2008, 19:37
والله انكم رايقين
علي الفارس
07 - 07 - 2008, 23:41
السلام عليكم ورحمة الله وبركاته
اخوي ابو فالح صح لسانك عز الله انك جبتها
الله لايهينك وشكراااااااا
وتقبل مروري
ابو فالح
08 - 07 - 2008, 01:27
... صـــح لســـانك يــا أبــو فالـــح ...

صح بدنك
ابو فالح
08 - 07 - 2008, 01:29
السلام عليكم ورحمة الله وبركاته
اخوي ابو فالح صح لسانك عز الله انك جبتها
الله لايهينك وشكراااااااا
وتقبل مروري

وعليكم السلام ورحمة الله وبركاته

صح بدنك وكلها مداعبات وكلنا اخوه
مساعد الرويشد
09 - 07 - 2008, 00:13
بسم الله الرحمن الرحيم
السلام عليكم ورحمة الله وبركاته
الله يعطيك العافية وصح السانك جبتها والله يا ابو فالح وتقبل مروري الصراحه ضحكت بقوة بس اخوي ايس مان عساها جازت له يشتريها
عمر الهاشمي
09 - 07 - 2008, 01:27
أخوي في الله شاري القصايد ..... ( ...............................................)


رصيدكم يازول راهي وزايد ........ ( ..............................................)




للأسف ألشعر ألنبطي ليس للبيع كسد سوقه ...........!!!!!!!!!!!!!!!!!!!!



هل تريد ياهذا فصيح لن يستطيع صاحبك إقتناءه . !!!!!!!!!!


قد يناقشه ناقد أهذا منصوب بالزمان أو بالمكان . ؟؟؟؟؟؟؟؟؟؟؟؟؟


خُذ مثلا مطلع قصيده إن زانت عليك ألسوم .......................



( أ أ نت التي أورثتني الأرقا .......... أم إن نحسي أ ُبددهُ فما نفقا !!!!!! )


( جودي على ناشد ٍ كلم ٍ .......... هوى بطلق ٍ أما حان مُنطلقا ؟؟؟!!!)


.................................................. .................................................. ..



من يزود . ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!! !!!!!!!!!
ماجد الشماسي
09 - 07 - 2008, 04:04
افا يااسمان اخر شي تطلع وتقول ابشري قصيده


ياحيف عليك ياحيف