واجب عليكم يا سبيع الغلباء تنكرون سبيع 503 الجديدة

[أبوذواد السبيعي]

السلام عليكم ورحمة الله وبركاته


أخبارررررررركم يا عيال العم

المهم كم رمز قبيلة سبيع هل هو صح 509 أن كانه صح علموني وكانه خطا علموني الصواب


يعني مثل قحطان 505

عتيبه 511

[إبن عجيان]

السلام عليكم ورحمة الله وبركاته


أخبارررررررركم يا عيال العم

المهم كم رمز قبيلة سبيع هل هو صح 509 أن كانه صح علموني وكانه خطا علموني الصواب


يعني مثل قحطان 505

عتيبه 511



والله ياطويل العمر مادري اي رمز او رقم تقصد؟؟؟؟ وضح سؤالك



يعطيك العافيه

[قليل المشاركة]

أخي بارك الله فيك وتمنيت أني أجد الجواب ولكن السؤال غير واضح؟
وضح أخي:
هل هناك رموز للقبائل ؟
وإذا كان هناك رموزا فمن وضعها ؟ ومن اصطلح عليها؟
وعلى ماذا تدل هذه الرموز؟

أخشى أن تكون الرموز التي يضعها ( ؟؟ ) على بودي السيارات؟

أرجو التوضيح من الأخ أو من يملك الإجابة على التساؤلات

[أبوذواد السبيعي]

أخي بارك الله فيك وتمنيت أني أجد الجواب ولكن السؤال غير واضح؟
وضح أخي:
هل هناك رموز للقبائل ؟
وإذا كان هناك رموزا فمن وضعها ؟ ومن اصطلح عليها؟
وعلى ماذا تدل هذه الرموز؟

أخشى أن تكون الرموز التي يضعها ( ؟؟ ) على بودي السيارات؟

أرجو التوضيح من الأخ أو من يملك الإجابة على التساؤلات


مثل ماقلت هنا

[منصور الحري]

ما فهمت عليك أخوي...

[ضاري المعود]

اشكر جهودكم واتمنا لكم التوفيق

[عمر..]

اللي اعرفه ولاحظته مكتوب على بعض بدي السيارات
انا سبيع 503 وما اشوفها الا قليل وسئلت مثلك وقالولي ان سبيع 503

[المشــعبي]

شف يا ولد عمي انا عارف شو تبي بضبط بس انا متلخبط بعض الناس يقولون 503 وبعض الاخر يقول 911 وبصراحه اشوف على السيارات سبيع 911 او سبيع 503 يعني مرهـ الحاله مزريه بس الي اكثر انتشار في الشوارع وجدران المدارس ومدري ايش من حركات المراهقه 911

وارجوا اني اكون قد افتــكـ



ولد عمــكـ المشعبي

[الصمله السبيعي]

اعتقد ان هذه الارقام لاتعني شيئا لانها من افعال ناس مراهقين وليس متفق عليها في شئ فالافضل تركها ولكم جزيل الشكر

[ذيب الرمحيه]

السلام عليكم ورحمة الله وبركاته
اخوي رمز سبيع الغلبا (503) اخوك ناصر بن بصيص الجبري السبيعي

[الهداد]

هذي حركات من لاخلاق لهم في الدنيا
ولا يعني ان سبيع اذا لم تضع لها مثل هالرموز انها ناقصة او ضعيفة

بل انني اعتبر هذا من كمال عقل ابنائها ونضوجهم الفكري وهو ما نعرفه عنهم



دمتم بـــود


راع الهداد

[حمدان آل جنيف]

افا افا افا افا

الحين على طول تاريخ قبيله سبيع الغلباء وامجادها

وبطولاتها وافعلها مع العدو والجيران وخوي

تقارن قبيلتني برقم له نهايه

افعال سبيع في المعارك ااكثر من 503

افعال سبيع مع جيرانهم اكثر من 503

افعال سبيع بخوه اكثر من 503

قصايد المدح في ربعى سبيع الغلباء اكثر من 503


واذ انتم تردوان رقم يمثل سبيع فانا اشوف ان سبيع تستاهل رقم 1


لاهنتم على هيك حكي

[حمدان آل جنيف]

سلام عليكم

مساء الخير

كيف حالكم

يااخوان حنا قبيله سبيع الغلباء فقط ليس بسبيع 503 الجديده
عمركم سمع احد منكم قصه شيخ يوصي عيال او فخذه او قبيله يقول اوصيكم على رقم 503 ترا هذ1 رمز ربعى ؟

عمركم احد سمع شخص جمع افعال سبيع ووقفة على رقم 503 ؟
عمركم احد سمع شخص جمع امجاد سبيع ووقفه على رقم 503؟
عمركم احد سمع شخص جمع معلاقات سبيع ووقفه عند رقم 503؟
عمركم احد سمع شيخ ويذكر اهله برقم 503؟
عمركم سمعتم ان سبيع عددهم503 ؟

هالرقم 503 ليس له علاقه بسبيع
تدري يابو 503 ان سبب تفرق دوله في جزيره العربيه بالماضي هي اللهجه المحليه

يعني ليش كلمة ابك العتبان معروف نها الهيلا
وسبيع كلمة عانه ولا يغدي ولا يدعسق ولا امش جاي
ومطير من منيه
وشمر بحر وشلوه به بس نيم
وعنزه اثريه

والحين كلنا نقول هالكلام لكن سبب وجود هالكلام في الماضي هي مملكه ابريطانيه وهذ1 سبب الجعل جميع قبايل العرب تتفكك وتكون بينها حساسيه

وكذ1لك رجعت هالارقام التسبب حساسيه

وربي حنا سبيع الغلباء ماهو سبيع503 وان استمر على هالوضع راح تتغير سبيع 503 الي 変態お薦め <== ياعيني على رجال سبيع الغلباء

عيب على عيالنا يسوان كذ1

اتمني منكم ياداره منتديات سبيع تنبهوان على هالامر او سوف اكتب موضوع مزيف عن رقم 503 في منتديات القبايل وقول ان رقم503
هو عدد قبيله سبيع ومجادها وديارها وحتي شيخ لم اعرف من هو يقول وهو على فراش الموت اوصيكم على رقم 503 وصار كل حلال سبيع عليه هالرقم

كذ1 راح احد عذر لسبيع 503 الجديده
وسبيع الغلباء بح


انتم ياالذين يقولوان سبيع 503 مع الخيل ياشقر

ايه انتم مع الخيل ياشقر
اي شخص يعترف بالرقم هذ1 او باقي الارقام

لو اخذ باند يكفيني اني انكر شئ ماهو من تاريخ سبيع الغلباء

××××××××××××××××××××××××××××××××××××××××××

الموضوع مهم وياليت يثبت
هذ1 تاريخ سبيع وتاريخ ماذكر رقم 503

[عوض السبيعي]

هونها وتهون
فقاعة صابون

[ابن زيد الجبري]

لا يهمك كلام وراعين وطيش شباب


ومثل ما قال أخوي عوض

هونها وتهون
فقاعة صابون

[حمدان آل جنيف]

لاهنتم على تفاعلكم

[سعد الجبري]

هههههههههههه

اما ابوي يوصيني يقول

احفظ 503 ههههه

والله ان تبطي

مشكوور

نمشي مع القبايل اللي حطت رموز

مثلنا مثل غيرنا

الله لا يهينك

[حمدان آل جنيف]

ههههههههههه

واذ غيرني غلطان نتبعه ؟

[الصمله السبيعي]

503 مالمها داعي اصلا شخبط شخابيط لخبط لخابيط و السلام

[حمدان آل جنيف]

لاهنت على تفاعلك

[ال دهيمان سبيع]

اصلن المفروض انهم يحطون الرموز من زمان لأن اذا كان فيه واحد ضايع في البر قريب منه الموت يجونه ناس يقولون انت من اي قبيله قبل لا يمت بثواني قال مثلأ503 درو ان 503 رمز سبيع تقبل مروري

[ابـــن مهـــراس]

ههههههههههههههه
اما اذا مات يقول 503
هههههههه
وبعدين اخوي حمدان دربنا درب غيرنا
نبي نعاصر الوقت هذا
ومثل ماقال اخوي سعد دربنا درب غيرنا

صح انه طيش شباب مالهم داعي لكن مادامهم حطوه بكيفهم
ياخوي حل صدرك ووووسيع
تقبل مروري

[الصنافي 2008]

اخوي الناس الان تمشي مع الارقام المميزة دور رقم مميز 222. 444

[ال زامل]

والله انا رائي اذا شفت هوشه ومكتوب 503 طبيت عصب بس اذا مو مكتوب قعت اضحك واشبها زياده
فتخيل لو يطلع بالاخير ولد عمك خليه يحط 503 ويبشر بعزه والله
لجيه من اقصى الدنيا
اخوكم محمد الزامل الثوري السبيعي





حجدان الرويس مع السهول 1258




ادارنا لاترهبي يومك سعيد
حنا حماة الدار وشب شعالها

هذي عنيزة مانبيعه بالزهيد
لا فرعن البيض نحمي جالها

دونك ودون الغيد مخضر الجريد
نروي من الضد الحريب سلالها

ياما ذبحنا دون غضاة تميد
جنايز ترمى ولا احد شالها

ابن زامل مانشى مثلك وليد
لارفعن الخيل شهب اذيالها

لو جبت عناز وشمر وابن رشيد
ونجد جميعه دقها وجلالها

جبته وخليته كما حلقة حديد
شرق وجنوب وغربها وشمالها

الدار دونه لابة تحمي الطريد
صعب على كل العداء منالها

كم سابق يوم اللقا جريه يزيد
عاداتنا ضربه وضرب امثالها

تاطا حديد وفوق راكبها حديد
توطته مركوبته بنعالها

عينت وين الجرو تكفى لاتحيد
قل له تعشته الضرا وعيالها

لي بندق ترمي اللحم لو هو بعيد
ما وقفت بالسوق مع دلالها

خمس رصاصه ستة اشبار تزيد
ملح الجريفه محيل يعبالها

ربعي هل الطولات والباس الشديد
خطر عزايمها تهد جبالها

اولاد علي هم عمى عين الضديد
عقالها يوم الوغى جهالها

وان كان تبغى الحكم بالراي السديد
ادحم على الديره وخضب جالها

[خيـال الهدلا]

اشكر اخوي حمدان على الموضوع الطيب
لاكن الارقام حاطينها القبايل رموز لهم ولا لهادخل في العدد
او الافعال وهذا ميقولون 503 رمز لسبيع وحنا مانعترفبه
لاكن فعول سبيع مالها عدد والله يقويك
وانشاء الله تقضي على هذي الرموز
وشكررررا
تقبلو تحياتي

[حمدان آل جنيف]

اجل ياعيال عمي

لاتفشلووووووووووووووووووووووووووووووووووان القبيله وخلوانا نصير اطيب الناس وناخذ رقم واحد
ورقم واحد مميز بعد

وخل عتيبه في ترتيب القبايل 511 والحروب 911

وحنا نفلح مع طيبين ونصير سبيع الغلباء رقم (1)

اما 503 لا مانبي نصير في اخر الترتيب القبايل

ولا نبي دواسر يصيروان اطيب من سبيع وهم رقمهمم 502

ماجبنا الرده وقت الماضي ولا نبيه بالحاضر

ياارقم مميزه ولا نماشي الوقت

اذ حطيني رقم لسبيع وش بيصير يافاهمين ؟ بتحكوووان الدنياء ؟
بتدخلوان الجنه
بتروحوان مكان

خخخخخخخخخخخخخ ولا بس ارقام مميزه اجل خلوانا نفتح شركة اتصالات ونفك سبيع من طاري الارقام

ماقول غير الله يصلحني ويصلحكم
ولا احد يقول انت ليه معصب بعكس انتم ليه ماتبوان تفكروان تفكير ناس فاهمه وش بيصير بعد هالتعصب

اقول ياسبيع الغلباء فمان الله ورانا دوام

[شبيه الذيب]

غز الله انك صادق ياخوي

خلونا سبيع الغلباءرمز(1)

مافيه قبلناء احد


لصاره عودة ارموز حنا احسن رمز



(سبيع الغلباء رقم (1) المز الجديد)

[حمدان آل جنيف]

حياك يالغالي

ولاهنت على تفاعلك معنا

شاكرين لكم حسن تفاعلكم معنا جميع

[بن قبان السبيعي]

اخوووي حمدان
انا رررررجالن لامع ولاضد

بس ياخي وووش المشكلة


اذا قالوا الناااس انة حاط 503

هذي للتعااااررف لاكثر ولا اقل

هذا واحدن سبيعي وهذا اقحطاني وهذا الخ...


ماشوووف فيها مشكلة
وووووووووووووسبيع الغلــــبــــاء ماهيب رررايحة عشان 503
هذي كلمة خلدها التارررريخ


على العمموووم الموضوع وجهات نظرررر


احووكـ ـ سعد القبـــاني الشـــمـاسـي

[خيَّال الغلباء]

بسم الله الرحمن الرحيم

أرقام القبائل :

قال الشاعر / عبدالهادي بن شنيف :

بدعه تجول مع العرب شانها هام
= يسرج لها الغاوي مع الجيل خيله

يسعى بها الجاهل مع الخاص والعام
= لو قال أصيله قلت ما هيب أصيله

هذي دخيلة شر في دين الإسلام
= والمحدثات وكـــــــــل بدعه ضليله

مدري غرور صابت الناس وأوهام
= وإلا بدا الكــــــذّاب يوخذ بقيله

ناس يسمون القبايل بالأرقام
= ما فيه رقم تنتــــــــــــمي لــــــه قبيله

أسماء القبايل في دواوين الأحكام
= والرقم يا أهل العرف من ينتمي له ؟

شوفوا خطاهم يا رجاجيل الإعلام
= ما ينتزين فالضــــــــلال وسبيله

اللي منوّل رابض فالعرب قام
= هام الطويل وقام يومـــــــي شليله

وعلم يخالف عن تواريخ الأقلام
= لا أحد يجيبه لين يوجــــــــد دليله

من يقرب الجرباء تورث له أسقام
= ترث مرض تضيـــــــع به كل حيله

وصلوا عدد من حج من صام من قام
= على النبي واعداد رش المخيلة

منقول مع خالص التحية وأطيب الأمنيات وأنتم سالمون وغانمون والسلام .

[المعيبد077]

سبيعي (1) ودوم ان شااء الله واحد

[سقم الحريب]

يا أخوان يا كرام

ذي من بوادر تعشيش العصبية القبلية الجاهلية ,,, وتمييز كل قبيلة برمز او رقم

او كتابة بعضهم على زجاج السياره الخلفي (السبيعي) او (503) أو اسم الديره (رنيه) (رماح)
(تثليث)(مكة)(أبها) وهلمّـا جرّا ,,,, شاهدت هذا وأكثر

وبعضهم وغالبيتهم ممن يملكون العقل الخفيف أو العمر الزهيد ,,, كاتب شمّر دولة ,,,وخسران يا معاند بني هاجر وقحطان ,, وشاهدت بزر من بني وايل ,, كاتب انا خلقنا الله مثل الشموس البدايد وغيرنا مثل الثرى عنها

عقال القبايل ورجالات القبايل ... يعرفون بأن الطيب مقسوم بينها مثل الأرزاق ,,, وأن من أفتخر بقبيلته على حساب تقليل شأن اي قبيلة اخرى ... بأنه من أردى الاشخاص في تلك القبيلة ,,, وما عنده جدى غير الهياط
ولو تأمنه على خمس من المعزى ,,, ضيعهن تالي النهار ,,,



صلوا على النبي ,, لولا الأسلام تسان للحين أذله


في أمان الله

[ابن ملفي]

الصراحة ارقام ما اشوف ان لها اي سبب ولا هدف

السؤال ماذا يعني الرقم هاذا بنسبة لاي قبيلة وما هو مصدر الرقم

اما بعض الاعضاء الي يقولون انها حظاره ( رائيي انه ما شفت ارقام مثل كذا الا على ابقار الصافي اذا شبابنا ودهم يحطون القبايل مثل ابقار الصافي فا المستقبل لهم يفعلون به ما يحلو لهم )

[سبيع الغلباk503]

تسسسسسسسسلم علي الموضوع

هذا الارقام مخصصينها الدواسر 502 ثمن العتبان ثمن ثمن كل القبايل خصصت

ولالالالا وياليت الشيبان مخصصينها االورعان مخصصينها

[نجم سبيع الغلبا]

بيض الله وجهك يا حمدان بن جنيف

وصادق والله هالارقام مالها داعي
لكن حسنتها الوحيده انك تعرف بني عمك من بعيد

وسالفتها الظاهر انها كان فيه سباق رالايات وكان فيه واحد دوسري

رقمه 502 وقاموا العتبان حطوا 511

ومن ثم درجت على القبايل كلها

والصراحه هي مالها داعي

بدل ماتكتب ( 503 ) اكتب ( السبيعي )

[سبيعي (503)]

والله انا الصراحه مااعترف باني سبيعي

الين اقول (503) وبعدين وش دخل 503 في عدد قبائل السبعان ولا غيرها

انا الصراحه عندي اني اقول 503 مثلي مثل غيري الصراحه لاني اذا ماقلت 503 ما احس باني سبيعي

وبعدين من قالك بان 503 جديده هذي من زمان واحنا من زمان واحنا عارفينه بان رمز السبعان 503 واعذرني

واعذرني على الاطاله في ردي

تقبل مروري

[ابن ملفي]

اذا ما تحس انك اسبيعي ياخي شل اسم السبيعي وحط 503 وريح مخك وريح مخنا بعد وحط منتدى 503

[بن راشد السبيعي]

يارجال ..
الناس تعرف ..
وتميز الثرا والثريا ..
هذا نسب والـعالم ترعف زين ..
فقاعة صابون تطير مترين وتنفقع ..

[سلمان 1]

بالنسبه لي 503 مهم جداا لدي
وانا دائما في المدرسة اكتب بقـلم سبورة على الجدران 503

[عزتي ما ظامتني]

من قال 503



تجننوا الظاهر


حنا سبيع الغلبا بني عامر ولا غير

[عنتر السبيعي]

السلام عليكم ورحمه المهم الرمز حق سبيع الغلبااااااااااااااااااااااااااااااااااااااااا 503 معروووووووووووووووف

[فراج آل ماضي]

الي أعرفه ويعرفونه الناس كلهم أن رمز سبيع 503 لكن والله العظيم أنها حاله أنقلبت القبايل شركات الي 511 والي 505 والي 502 وش ذا الله المستعان تدري ان البداية في هذه الرموز كانت في الكويت وبعدها انتقلت العدوى
ولاهنت على كل حال

[عنتر السبيعي]

لالا الي اعرفه انا عتيبه هوم الي اول رمز حطوه ثمن قاااااااااامت القبااااااال الثانيه حنى 503 سبيع الغلبا 503 503

[فراج آل ماضي]

أول من حط هذي الرموز هم القبايل الي في الكويت بعدين ماتشوفون انا انقلبنا شركات بذي الرموز واذا القبايل بتصر على الرموز فبيصير رمز سبيع ((1))

[سبيع المحمل]

اعتقد هذه خزعبلات .. اخترعت من تالي ..

[الشقااوى]

اخي العزيز ارموز التي ظهرت في هاذي اليام لا تمت للقبيله بي شي وهاذي رموز شكلت من قبل ناس ليس لها اي صحه ولا تعني للقبايل شي

[اخو وعله]

اتوقع انه وسم نياق 503 لسبيع

[صندلي الشرقيه]

بالنسبه للاحساء السبعان فيها 503 وكلمة motec

[ذيب شقردي]

رمز سبيع 503

[صعب]

السلام عليكم اخواني رقم 503 هي موجه لا سلكي لكل قبيله هذا الي انا اعرفه ولهي نفس الي تقولون

[ذيب شقردي]

قصه 503 رالي في قطر فيه مشاركين ومن عده قبائل والمشارك السبيعي اخذ رمز 503 و سأذكر لكم بعض الرموز وهي:

عتيبة:511

قحطان:505

بني زيد:612

الدواسر:502

....................الخ

[حزمي المجامعه]

و الله اني ما ارتحت لها

مشكوور يالذيب

[محمد الرحمه]

انا شخصيا ما اعرف شي عن الموضوع ذا والا ودي افيدك بمعلومة اكيدة ....
وبالتوفيق للجميع ,,,,,,

[الهداف]

ياخوان هذه الرموز يكتبها عبدة الشيطان من كل قبيله وهي تعنيهم دون غيرهم
الرجاء عدم الخوض فيها لأنها لاتعني شي بالنسبه للرجال اللي فيهم خير مثلكم
وشرواكم /تحياتي للجميع