تسجيل الدخول

مشاهدة النسخة كاملة : يابو عمر000يامفرح وش تقولون

المعتزي
17 - 12 - 2003, 23:12
مع التحايا
يا
بو عمر
يا
بن بداح

يابو( عمر) (يامفرح) وش تقولون =طاف الوعد والجماعه طفو النور

ماغيركم وانتم اللي ماتطوفون =عنها ليا طافو العرجان والعور
ابن بداح
18 - 12 - 2003, 20:20
نقول يا مرحبا تسلم ولا تهون=اليوم بعده سنه وايام وشهور
خل الجماعة يمرون ويرحون=والملعبة سادها مطلق ومستور .
المعتزي
19 - 12 - 2003, 22:34
الك البقا ياهلا والعلم مظمون =انته لها وانته اللي تحمي الدور

ابد الطويله وخل اللي يخافون =وانا مع الطيبه والطيب مسرور
ابن بداح
20 - 12 - 2003, 03:53
شخص ليا جيت تطلع في التلفزون= لوكان مانتب مذيع ولآ نت دكتور
ماكل من يعتزي للعهد مامون= يالمعتزي ما نبيك تلف وتدور
المعتزي
20 - 12 - 2003, 21:16
عبر القنوات شوف الناس يقرون =لحبيب العازمي هو وبن منصور
ومن لاوفاء بالعهد قله على الهون =عده سنامٍ طلع في غارب الثور
ابن بداح
20 - 12 - 2003, 23:01
الاجنبي عندكم له شكل له لون=زاهي ويدعى صقر لوكان عصفور
معهم عليهم لا يمكن تستفيدون=النظرة القاصره ما تشرح صدور .
المعتزي
21 - 12 - 2003, 23:10
ياصاحبي لاتظن ضنون وضنون =النار ميعاد للي يشهد الزور
ترمون ياصاحبي ياويش ترمون =اعلومكم لاتعدا(تين) و(الكور)
ابن بداح
22 - 12 - 2003, 03:13
ياصاحبي للكلام أحداث وشجون = غصباً على كل مدرك دمة يفور
حاولت أصوت عسى الصقهان يوحون =والصقر ما يرتفع بجناح مكسور
خالد الشماسي
23 - 12 - 2003, 11:17
الله الله يا ابن بداح والمعتزي

محاورة روووووووووعه والروعه لها أهل .

تسلم يا مفرح سديت الغيبه وبيض الله وجهك فقد كنت في مقناص الإسبوع الماضي


المعتزي اذا مافيه احد ( ووافق اخوي مفرح ) على ان تكون محاورة هذا الإسبوع بيني وبينه فليس عندي مانع بل أني اتشرف باللعب مع مثل ابو عبد الله فهو شاعر كبير ويستحق ان يكون شاعر سبيع في المحاورة .


للجميع تحياتي
سـلي
29 - 12 - 2003, 11:37
المعتزي وابن بداح

سجلوني معجب بهالمحاورة

اخوكم سلي