مرثيه في الرشيد من طلال الرشيد

[ابن شطيط]

بسم الله الرحمن الرحيم

مرثية للشاعر : طلال العبدالله الرشيد(العطيب) في الفقيد طلال العبدالعزيز الرشيد (الملتاع)





يعني ماكفوك مليـون الشهيـد

=تاخذين أغلا الحبايب يالجزائـر

مالقيتي غيـر أطيـب الرشيـد

=لو مااخاف الله لاقول الحكم جاير

الله اللـي كاتـب وحنـا عبيـد

=ذا قضا رب المساجد والمنايـر

الزمن لو طـال مثلـه مايجيـد

=فقد ابو نواف هي ام الخسايـر

مدرستنا في المراجل والقصيـد

=طيب الموقف الي دارت دوايـر

لابكـا ينفـع ولاشكـوى تفيـد

=مابيدنا شـي لـو الـدم فايـر

مابيدنا غير نصفـق ايـد بيـد

=ومن تكلم عنه تخنقنـا العبايـر

مابقى فينا على الشـدة شديـد

=اللهب بين الضلوع وفي الضماير

كيف نفرح عقبـه بعـام جديـد

=لاهلا ولا مسهلا بواحـد ينايـر

يالله انك تحسبه عنـدك شهيـد

=من توفي غدر في بر الجزايـر

[البدر]

رحمك الله ياطلال



ابو بجاد لاهنت على نقل القصيدة الرائعه للشاعر طلال العبدالله الرشيد(العطيب)

وماينلام طلال لاكتب الشعر في ولد عمه طلال الرشيد .


اكرر شكري لك يابو بجاد على المشاركه الطيبه .



اخوك البدر

[واصل]

مدرستنا في المراجل والقصيد = طيب الموقف الى دارت دوائر

الإعتراف بالحق فضيله وتواضع في نفس الوقت

شكراً للشاعر ورحم الله الشيخ طلال العبدالعزيز رحمةً واسعه

فقد كان بحق مدرسه في الاخلاق والجود والثقافه

والشكر موصول لناقل هذه الابيات

والسلام