الى كل من يسكن الخرمة؟؟؟؟ للاهمية

[ابوالمنذر]

اخواني اهل الخرمة النشامى (سبيع الغلباء)


مااطول عليكم



اخوكم الفقير الى الله سيحل عليكم ضيفا ابتداء من العام الدراسي الجديد حيث تم نقلي الى محافظه الخرمه واود منكم مساعدتي والاجابه على تساؤلاتي التاليه:


كم تبعد المدارس التاليه عن وسط الخرمه(بالكيلومتر)



1.ثانوية الخرمة
2.مجمع التحفيظ
3ثانوية الغريف
4.ثانوية الدغيمه
5.ثانوية الحجيف
6.ثانوية الهجرة
7.ثانوية ظليم
8.ثانوية رضوان




ايضا اريد ان اعرف كيف الاجواء في الخرمة(الطقس)؟

وكم قيمة ايجار السكن العائلي؟


وحبذا تعطوني نبذه عامه عن محافظه الخرمه

[ناصرهاجدالسبيعي]

اخواني اهل الخرمة النشامى (سبيع الغلباء)


مااطول عليكم



اخوكم الفقير الى الله سيحل عليكم ضيفا ابتداء من العام الدراسي الجديد حيث تم نقلي الى محافظه الخرمه واود منكم مساعدتي والاجابه على تساؤلاتي التاليه:


كم تبعد المدارس التاليه عن وسط الخرمه(بالكيلومتر)



1.ثانوية الخرمة داخل المحافظه
2.مجمع التحفيظ داخل المحافظه
3ثانوية الغريف 45كيلو
4.ثانوية الدغيمه 7كيلو (انصحك فيها)
5.ثانوية الحجيف 45 كيلو والطريق صحراوي
6.ثانوية الهجرة داخل المحافظه
7.ثانوية ظليم 45 كيلو
8.ثانوية رضوان انتبه بعيد عن الخرمع تقريبأ130 كيلو




ايضا اريد ان اعرف كيف الاجواء في الخرمة(الطقس)؟
بالنسبه للأجواء لاباس بها
وكم قيمة ايجار السكن العائلي؟
أماء بالنسبه للأجار مناسب الدور الارضي كامل10000 من العشره الاف حتى12000اثنا عشر الف

وأنصحك بلاجار في مخط الدغميه الصمله صدقني ماراح تحس بالغربه بينهم تمناء أن تجد منزل بينهم

لان الحي مرغوب لطيبة أهالي الحي ومحافظتهم على القيم والمبادي

وحبذا تعطوني نبذه عامه عن محافظه الخرمه

الخرمه محافظه تقع بالجنوب الغربي وجميع سكانها سبعان الا القليل

[ابوالمنذر]

الله يجزاك خير اخوي ناصر وبيض الله وجهك



طيب ليش نصحتني بالدغميه رغم انها بعيده شوي


يعني كيف ادارتها وكيف طلابها



لاني اسمع ان طلاب الخرمه غير منضبطين وتنتشر عندهم الاسلحه والمخدرات ولا يحترمون معلميهم؟ هل كل مااسمع صحيح انصحني انا محتاج شورك وش احسن مدرسه من حيث الطلاب والاداره والقرب من الخدمات والدوائر الحكومية؟

[ناصرهاجدالسبيعي]

أخي العزيز ابو المنذر تكثر الأشاعات ولأكن مدرسة الدغميه الثانويه أنصحك فيها

وأنصحك بسكن في مخطط الدغميه سوف تكون المدرسه قريبه جدآوجميع الخدمات


متوفره الا القليل والخرمه قريبه لاتتجاوز الكيلو مترات ولاكن هذ الحي مطرف عن المحافظه

ومشاكلها وسربت الشباب ونخوك هذا حي مايمر من قدام بيتك لا واحد يعزمك بعدين حي

أهله كرماء وفيه وجيه خير شباب نشو وتربو على طاعة الله عز وجل

وأتمناء وجود منزل فيه لأن الحي مرغوب جدآ

سكنت هذا الحي عشر سنوات قبل تطوره وفي الوقت الحاضر بدى بتطور الزايد والملحوظ

[الحميدي محمد الفراعنه]

هنيئا لك باهل الخرمة رجال الوفاء والطيب


ونتمني لك التوفيق

[ابوالمنذر]

بيض الله وجهك اخوي ابو هاجد ولا يهون الحميدي


طيب الله يجزاك خير اذا تعرف

كم تبعد ثانوية رضوان عن وسط الطائف؟


وودي منك ومن كل الاخوان اللي يقراون الموضوع ترتيب المدارس السابقه حسب الافضل من حيث

1.بعد المسافه
2.عدد الفصول(الطلاب)
3.ادارة المدرسة
4.اخلاق الطلاب


1.ثانوية الخرمة
2.مجمع التحفيظ
3ثانوية الغريف
4.ثانوية الدغيمه
5.ثانوية الحجيف
6.ثانوية الهجرة
7.ثانوية ظليم
8.ثانوية رضوان

[ناصرهاجدالسبيعي]

كم تبعد ثانوية رضوان عن وسط الطائف؟ تبعد حوالي 150 كيلو


وودي منك ومن كل الاخوان اللي يقراون الموضوع ترتيب المدارس السابقه حسب الافضل من حيث

1.بعد المسافه
2.عدد الفصول(الطلاب)
3.ادارة المدرسة الدغميه
4.اخلاق الطلاب طلبت الحي نفسه مودبين ولاكن فيه طلبه من مدارس اخرى التحقو بها ولاكن
مدير المدرسه مشيهم على السراط المستقيم وهي المدرسه الوجيده التي

يجد المعلم احترامه بها


[align=center]1.ثانوية الخرمة
2.مجمع التحفيظ
3ثانوية الغريف
4.ثانوية الدغيمه هذي الافضل ومديرها انسان فاهم الاداره والمدرس فيها يحس بقيمته وأهميته
5.ثانوية الحجيف
6.ثانوية الهجرة
7.ثانوية ظليم
8.ثانوية رضوان[/

[ابوالمنذر]

طيب اخوي مدرسة الحجيف كيف وضعها


يعني طريقها وعر ولا لا؟

في كم ساعه ممكن اوصل للمدرسه من وسط الخرمه؟


اذا تعرف عدد فصولها؟ وطلابها؟


وكيف مديرها؟


وهل تعتبر نائيه؟

[ناصرهاجدالسبيعي]

الطريق المودي للحجيف صحراوي ولاكن فيه مشروع قائم الأن على زفلتت الطريق


المسافه 40كيلو تقريبا يعني نصف ساعه على الأقل

نعم منطقه نائيه

لاعرف عن ادارتها شي ولاعرف عدد فصولها

[س ب ع 777]

ماشاء الله بيسكن في الدغيميه عند الصمله ربعي يالله ان تحييه

[ابوالمنذر]

طيب يابو هاجد الله يحفظك ولا يهونون الباقين



ماذا عن رضوان



هل من الممكن السكن فيها للعائله لانها اقرب لي ؟


وكيف اهلها ؟


والخدمات متوفرة؟


انصحني الله يجزاك خير

[ناصرهاجدالسبيعي]

رضوان منطقه نائيه ولا نصحك بالسكن فيها اخاف تدعي عليه بعدين

الخرمه احسن لك

[بارق سما]

الله يوفق الجميع

[ابوالمنذر]

الله يجزاكم خير جميعا لتوضيح الصوره لي عن المدارس وبناءا على نصيحتكم فقد قمت بترتيب المدارس كالتالي

1.الدغيميه
2.الهجره
3.التحفيظ
4.الخرمة
5.رضوان
6.ظليم
7.الغريف
8.الجحيف


عسى الترتيب اللي اخترته طيب

[فهيد القريشي]

والله منت معين خير..

نصيحه > اذا بتصير على بالك معصب وجاي مسوي فيها ..

فـيـا غريب كون اديب ..

ترا هناك رجال مايحبون اللف والدوران ..

يعني خل معاملتك مهم معامله رجال لا لمعامله الطلاب ..

انت تبي النصيحه واهديتها لك

اما عن الادارات والفصول ممدري عنها انا قلت لك عن الطلاب لاني احد طلابها

[ابوالمنذر]

اولا: انا لم اسالك انت ,انا اسال الرجال اللي تعرف ترد على الرجال ,اما (( الطلاب)) المراهقين امثالك فلا اهتمام لهم عندي وانا كفيل بالتعامل معهم وتربيتهم وتعليمهم



ثانيا:بالنسبه للطلاب المؤدبين والمتربين فسوف اضعهم فوق راسي وسيجدون كل الرعايه والاهتمام مني اما الطلاب المثيرين للشغب والذين يظنون ان المدرسه مرتع لهم ومجرد تسليه فاقول لهم ابشروا بمن يجعلكم تكرهون الذهاب الى المدرسه او التفكير بالذهاب اليها

[فهيد القريشي]

ههههههههههههههههههههههههههههههههههههههههههههههههه

طيب الوعد اذا جيت هناك هههههههههههههههه


مسوي تبي تفرض شخصيتك بتروح كما راح غيرك


واسال من كان يدرس في الخرمه وش صار له هههع

[ابوالمنذر]

اقول ياورع ادخل فصلك ولا يكثر هرجك


بكره ان شاء الله جايك وداعس على خدك ياورع ياوقح , انت مهايطي وكذاب , وتنقل صوره غير حقيقيه وغير مشرفه عن قبيله سبيع المعروفه بالشهامه والنخوه والكرم , وتقدير العلم والعلماء



وانا هنا ارفع للمشرفين على المنتدى ليوقفوك عند حدك لانك تشوه سمعه قبيله عريقه, لكن الشرهه مهي عليك الشرهه على عاقلتك اللي مخليك تتطاول على الناس باسم قبيله سبيع,,, وان كان فيك خير قلي اسمك واسم مدرستك وانا راح اجيك المدرسه حتى لو ماتعينت في مدرستك

[فهيد القريشي]

انت علامك ..

طيب انا ابي رقمك ..

لاتدخل موضوع القبيله ولا تدخل اي موضوع ثاني ..

هات رقمك يالغلا وابشر بحسن الضياافه طال عمرك..

نحن نرحب بالمدرسين الاكفاء وخاصه لما يجوون من بعيد نقدرهم ونعزهم ونغليهم ..

بس لاتزعل يا مربي الاجيال ..

[مناحي المحمدي]

اخي ابو المنذر قالك فهيد القريشي :



والله منت معين خير..

نصيحه > اذا بتصير على بالك معصب وجاي مسوي فيها ..

فـيـا غريب كون اديب ..

ترا هناك رجال مايحبون اللف والدوران ..

يعني خل معاملتك مهم معامله رجال لا لمعامله الطلاب ..

انت تبي النصيحه واهديتها لك

اما عن الادارات والفصول ممدري عنها انا قلت لك عن الطلاب لاني احد طلابها




وانت قلت :



اولا: انا لم اسالك انت ,انا اسال الرجال اللي تعرف ترد على الرجال ,اما (( الطلاب)) المراهقين امثالك فلا اهتمام لهم عندي وانا كفيل بالتعامل معهم وتربيتهم وتعليمهم



ثانيا:
بالنسبه للطلاب المؤدبين والمتربين فسوف اضعهم فوق راسي وسيجدون كل الرعايه والاهتمام مني
اما الطلاب المثيرين للشغب والذين يظنون ان المدرسه مرتع لهم ومجرد تسليه فاقول لهم ابشروا بمن يجعلكم تكرهون الذهاب الى المدرسه او التفكير بالذهاب اليها



بالله انت معلم ؟ اخي الرجال نصحك وش فيك كشت مثل ابا الطحيح . والله اللي ماكله ظهره ويبي يروح دمه بيقارد المراهقين . اهم شيء لاتحط راسك براسهم هذا الكلام سواء كنت في مدارس الخرمةاو غيرها بل لجميع المدارس القبلية " يعني كلهم من قبيلة واحدة " ارجوا ان تقبل النصيحة بصدر رحب خل صدرك شمالي.

[فهيد القريشي]

يالبى قلبك يا مناحي

الظآهر مايفهمني الا انت والله انك مطنووووووووووووووووووخ

[ابومحمد11]

يامال القــــــــــــــوم

جاكم

اقــــول احمد ربك ان طلعت براس مالك هههههههههههههههههههه

جاي يهدد الاستاذ مربي الاجيال ووين في منتدى الغلباء

ايه هذا هياط من ورا الشاشه عادي لاكن لاجيت الخرمه بتهون انشاء الله هههههههههههههههههه

هذا ان كانهم ماعرفوك وسنعوك من بدري خخخخخخخخخخ

[س ب ع 777]

اقول يالربع منّا في الحاره يوم كل واحد يهدد الثاني



كل واحد يحشم نفسه برضاه ويغدي رجال ويحشم المكان اللي يكتب فيه بلا مسخره وين نودي وجهنا بين القبايل وهذا كلامكم

[ناصرهاجدالسبيعي]

ابو المنذر حياك عزيزي بين أهلك بمحافظة الخرمه


نتمناء لك قضاء أمتع الأيام بهذه المحافظه

[ابومحمد11]

اقول يالربع منّا في الحاره يوم كل واحد يهدد الثاني



كل واحد يحشم نفسه برضاه ويغدي رجال ويحشم المكان اللي يكتب فيه بلا مسخره وين نودي وجهنا بين القبايل وهذا كلامكم

انت عودت علينا

الحمد لله رب العالمين

الرجال جاي يهدد وهو عارف ان اللي قدامه سبيع الغلباء
وبعدين كيف تقول وين نودي وجيهنا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وش العلم كلامنا مافيه شي

انت الضاهر ماقريت كلامه زين او انك مصيخين ؟؟؟؟؟؟؟؟؟؟؟؟

دام ذا كلامك بقولها صريحه .......بدري عليه وعلى اشكاله يربى عيال سبيع الغلباء عيال سبيع مربينهم شيبانن اطلق من لحيته

وسلامتك

[ناصرهاجدالسبيعي]

بعد أنقطاع عن المنتدى دام أيمآ قصيره ومع رجوعي للمنتدى سبيع الغلباء العريق


والممثل بشباب قبيلة سبيع الغلباء المثقفين والذين يرحبون بجميع الزوار للقبيله


والرد على إستفساراتهم لوحظ من بعض الأعضاء عدم أحترام الزوار مما يعكس صوره


سيئه عن شباب القبيله وعدم إحترامهم لضيوفهم مهما كلف الأمر حتى لو غلط الضيف


أمل من جميع الأعضاء النظر بعين الأعتبار في كيفية إحترام الزائر



وتقبلو تحياتي وتقديري للجميع