تكفون ياسبيع بن عامر ترى المشعبي في ذمتكم

[المشعبي الذهبي]

عاااااااااااااااااااااجل:المشعبي في حاجة ماسه لسبيع بن عامر ووقفتهم معه .
اخيكم تركي ثفيل المشاعبة منوم في حااااااااااالة الخطر وفي حاااااااااجة الى فصيلة دم -B
الان بسبب انفجار قذيفة هاون لدية في المزرعة ( تكفون ياعيال عمي ترى تكفى تهز الرياجيل
ولولا قساة الوقت ماقلت تكفى)ونرجو من الاخوان المشرفين على الموقع ادراجها في العنوان
الرئيسي للموقع وكل حسب جهده ونأمل التواصل (ابو تركي المشعبي)

[خيَّال الغلباء]

أخي الكريم / أبو تركي المشعبي السلام عليكم ورحمة الله وبركاته وبعد : وعسى أن يزيل عن أخينا تركي ثفيل المشاعبة ما يجد وإن شاء الله يتم تغطية الدم من إخواننا أبناء قبيلة سبيع الغلباء وقدامه العافية والله يعافيك ويبارك فيك ويجزاك خيرا مع خالص االتحية وأطيب الأمنيات واسلم وسلم والسلام .

[ناصرهاجدالسبيعي]

الله يشفيه ويكون في عونه إنشاء الله

كماء نرجوا الأفصاح عن المستشفى والمدينه الموجود بها المريض

[خالد بن ضبان]

أخونا المشعبي تحية طيبة ,,

أسأل الله الكريم رب العرش العظيم أن يشفية وأن يزيل همة ومصيبته . ( المستشفى وينة وأبشر بالخير )

[ابومحمد القباني]

الله يعافيه ويشفيه ويرفع عنه وكل مسلم

اخوي الكريم اكتب اسم المستشفى ورقم الغرفة والجناح حتى يسهل وصول المتبرع

[ال مسدر]

الله يعجل بشفأه والربع ماهم مقصرين جعل عمارهم طويلة

[العويد]

لا حول ولا قوة الا بالله

الله يشفيه ويقومه بالسلامه

والله مادريت الا منك ياخوك

وتركي اخونا واذا ماقمنا معه الحين من ومتى نقوم معه

اخي المشعبي حط المعلومات كامله حقت المستشفى ورقم الغرفه ورقم الملف عشان اتكلم مع الاخ ابو عمر ويضع بانر ليسهل على الزوار الوصول اليه

وكذلك سأقوم بنشر الموضوع في منتديات المدينه اللي فيها المستشفى يعني ان كانه منوم في مستشفى بيشه راح ننشر الاعلان في منتديات الصايره وبيشه نت ومنتديات اكلب وغيرها

بشرنا الحين وعساه بخير

تركي رجل حر قل شكله في هالزمن الله يشفيه

اخوك مذكر

[س ب ع 777]

اللهم اشف مرضانا ومرضا المسلمين

آآآآمين

[الطنيان]

اخر الاخبار عن اخونا تركي المشعبي خرج من العناية المركزة الي التنويم وهو في حالة مستقره الله يشفيه ويشفي كل مسلم

[عوض السبيعي]

الله يشافيه ويرده الى اهله سالما متعافى باذن الله الشافي

[المشعبي الذهبي]

شكرا للأخوة الكرام
وبيض الله وجيهكم على التفاعل مع أخينا تركي
وأبشركم الرجال في المستشفى العسكري بالرياض
وبخير وطيب وأشكركم على المرور

[عوض السبيعي]

الله يبشرك فالخير وجزاك الله خير