محاوره رباعيه

[ماجد الشماسي]

هذه محاوره رباعيه جمعت كلا من :
1- محمد السناني الجهني
2- فيصل الرياحي البقمي
3- مستور العصيمي العتيبي
4- حبيب العازمي العتيبي
ــــــــــــــــــــــــــــــــــــــــــــــــــ ـ
- فيصل -
ونصفو في الطايف وين العب الكايف
فوق الضلع النايف طيري ياطياره
- محمد -
منهو شاف حبيب عنده علماً طيب
يلحق قبل يشيب طيري ياطياره
- مستور -
يافيصل سيرها وأفكارك غيرها
وأين انت وطيرها طيري ياطياره
- حبيب -
يامحمد ريحنا بالدعوه صارحنا
أمسينا وأصبحنا ما طارت طياره
- فيصل -
خندف مع شبابه لابه تنطح لابه
والدنيا غلابه طيري ياطياره
- محمد -
الموقف موقفنا والطيب شرفنا
ياحبيب سولفنا طيري ياطياره
- مستور -
خندف في ديرتها لاتقرى سيرتها
جابتها ودتها طيري ياطياره
- حبيب -
لا ينكبك العيه وتضويلك سيه
تسعين من الميه حمله في طياره
- فيصل -
يا مستور الثوره لنفس المغروره
خلوها مستوره روحو في الطياره
- محمد -
النكبه مقسومك يالي قرب يومك
غصب طيح نجومك طيري ياطياره
- مستور -
يا فيصل العيره طاحت في حفيره
صفر بالصفيره وأركبلك طياره
- حبيب -
راحت حطو وشيلو أعتدلو مع ميلو
كم يمشي من كيلو طبلون الطياره
- فيصل -
أثر العود مهذري ويسولف ما يدري
جاكم يمشي عبري ودعسته طياره
- محمد -
العاقل له طاعه وأسمع بالسماعه
خمسميه بالساعه طبلون الطياره
- مستور -
يا فيصل لو تدري عن ما حاوي صدري
ما تنقص من قدري يا راعي الطياره
-حبيب -
قام محمد ينزي ويدور للكنزي
ويسافر بالعنزي في وسط الطياره
- فيصل -
يا منفوش الشوشه لا تفرح بالهوشه
لك فرشه مفروشه في ذيل الطياره
- محمد -
أحبيب له خطه وأفكاره مختلطه
بيسافر بالقطه في زقم الطياره
- مستور -
يا كساي السرحه لا تحلم بالفرحه
مالك غير الذبحه من دون الطياره
- حبيب -
ليش تذم الهره يا محلا هل الفره
راح وجيهك صره في وسط الطياره
- فيصل -
يا مسحرنا الداحه الحجل النباحه
خلك في مرجاحه تسحبك الطياره
- محمد -
عاقل وأرفع نفسي ماأبغى الهرج العكسي
باأوقف راعي التكسي وأطلع بالطياره
- مستور -
سولفلي عن ساره خيالً بالغاره
والدنيا دواره ياراعي الطياره
- حبيب -
يا محمد هرجنا ولا لا تزعجنا
الموقف يحرجنا جنحان وطياره
- فيصل -
ساره تسوى ميه منكم يالبسليه
نكست الطاقيه في ظهر الطياره
- محمد -
علمي علماً ثابت بندق صابت صابت
والعقال أرتابت طيري ياطياره
- مستور -
ساره فلقحناها وتصيح لعزاها
وأنت تشيل أرداها في جوف الطياره
- فيصل -
لا تقوم تبلبل ماأنت خيال البل
ياكاذب يا تنبل طايح من طياره
- مستور -
من يكذب غيرك لين تحرف سيرك
أرقص وأندر زيرك في جوف الطياره
- فيصل -
ليله وأبرك ليله رز الثعلب ذيله
بالله وش الحيله ثعلب في طياره
- مستور -
أنت ذيل الثعلب تجلس ولا تلعب
يافيصل لا تنشبب في باب الطياره
- فيصل -
أنت ولد الجني لاكن أبعد عني
يالطيار القني خربت الطياره
- مستور -
عاشو قوم الخرمه يوم أعطوك الدرمه
وأنت مثل الحرمه في جوف الطياره
- فيصل -
لا تذكرنا الحربي يا سحاب الزربي
مع بابها الغربي تدخل في الطياره

[سمح آلمحيآ]

- مستور -
عاشو قوم الخرمه يوم أعطوك الدرمه
وأنت مثل الحرمه في جوف الطياره


ههههههههههههههههههه


لاهنت يالشماسي

مساجله رباعيه ممتازه


تسلم

[ماجد الشماسي]

معيض ابن زوير يسعدني مرورك

[ابو سعود 99]

الأخ ماجد الشماسي شكراً على نقل هذه المحاورة الرباعية والقوية جداً

[ماجد الشماسي]

ابو سعود99 يسعدني مرورك

[مترك ثواب]

لاهنت ياخو ماجد الشماسي شكراً على نقل هذه المحاورة الرباعية والقوية جداً


من شعار كبار ولكن شفت مستور يحده كيف



تتقبل فايق احترامي

[ماجد الشماسي]

مترك ثواب يسعدني مرورك

[س ب ع 777]

http://up3.m5zn.com/get-8-2008-hmvn2y0tw9d.gif

[ماجد الشماسي]

س ب ع يسعدني مرورك

[قبايل الشمال]

مشكووورعلى النقل

[ماجد الشماسي]

قبايل الشمال يسعدني مرورك

[شاعر المعنى]

محاورة أكثر من رائعة

شكرا" لك على هذا النقل المميز

[ابومحمد11]

عاشوا قوم الخرمه يوم اعطوه الدرمه وانته مثل الحرمه

محاوره طيبه يعطيك العافيه

[ماجد الشماسي]

شاعر المعنى يسعدني مرورك

[ماجد الشماسي]

ابو محمد11يسعدني مرورك

[بقمي مع السبعان]

- فيصل -
أثر العود مهذري ويسولف ما يدري
جاكم يمشي عبري ودعسته طياره
8
8
8
8
والله هالبيت معجبني مرررررة
ههههههههههههههههههههه
صح السان أبو بدر وبيض الله وجهه ووجه الشعار الباقين مافيهم قصوور

[ماجد الشماسي]

بقمي
مرحبابك في منتداك
يامرحبا ويامسهلا
اسعدني مرورك طال عمرك