صالحة

[الحمراني]

رات أخاها (غازي) وقدبانت عليه امارات عشق احدى الفتيات

وكان ينشد قائلا...


يامرحبا ياللي على بيتنا مر
رد السلام ولامعي فيه حيله

يامرحبا عدة حصى كشب واكثر
وعدد جراد طاير من مقيله


ياحلو زوله يوم لبس المشجر
ياطى بمصبوب القدم في شليله

فلامته أخته (صالحه) في هذه الأبيات....

انهاك ياغازي عن الحب الأقشر
انهاك عن درب الهوزى وتغديله


خل الهوى يامال جوع المجدر
ترى الهوى ماهو خطاة الحليله


ترى الهوى حسك الوبر حلوة الدر
ليا بركن حيرانها بالسليله


ترى الهوى رمح على حارك اشقر
اللي على الركاب يكسر شليله


ترى الهوى عزمة ركيب الى مر
عن بيت خمع ماينشط مقيله


خل الشحم والسمن للربع يكثر
مع منسف داف عليهم تشيله


من ضيننا والا فضين المتجر
عطهم ثمنها نقد والا محيله


ماهيب بنت اللي نعوله لها كر
اللي على متنه مدافق صميله

[خالد الشماسي]

اختيار جميل يالحمراني


لك الشكر

[ابن جـــــــراح]

لا هنت يا الحمراني على هالاختيار

بس لو اوردت نص القصه ليزداد جمالها

وبيض الله وجهك عليها وسلمت يمينك

تحياتي لك من القلب

اخوك بن جراح

[السيف]

مشكور يالحمراني

سلمت يمينك على هذا النقل

بس انا ما لوم غازي

الحب والهوى دربه عسير وراعيه مثل العمى

تحياتي

[البدر]

الحمراني لاهنت على النقل المتميز , قصيده رائعه تعبر عن واقع اهل العشق فلك منا كل الشكر والتقدير .







اخوك البدر