ابن جـــــــراح
07 - 01 - 2004, 11:13
السلام عليكم ورحمة الله وبركاته
انا قدر الله علي وشريت رقم مميز
وابي ابيعه هالحين قبل لا يلتغي علي ويروح
اذا فيه احد يبيه يجي باسرع وقت
الرقم مهوب مميز مميز بس حليو
الرقم هو
ك ق ر 1 1 1
بسررررررررعه يا الربع
تحياتي لكم
قايد الرجاء
08 - 01 - 2004, 04:06
وانا لي عندك زبوووووون والم توه شاري جيب Vxr 2004
حتى لوحات الجمارك فيه ما بعد غيرها ويبي رقم زين باللي هيبه
حد اللوحه وعطني كم تبيها ومالك هم ................
الرجال ما يحتاج يبي اللوحه
العويد
22 - 01 - 2004, 04:28
بالتوفيق ياابن جراح
بس ممكن سؤال فضولي شوي :)
وش الفاايده من هالارقاام ؟؟!!!!
سمعت ان اسعاارها توصل لعشرات الالوف
يااخي فيه نااس مااتلقى تااكل والله
نروح إناا نشري ارقاام !!
علمني يابن جراح إذا منها فاايده فأنا ان شالله اول من بيشري
تحيااتي لك اخي وبالتوفيق ان شالله
ابن جـــــــراح
24 - 01 - 2004, 18:32
العويد
انا ابي اسالك
وش فايدة ان الرجال يشتري سياره بـ 400000 اربع مائة الف ريال مع العلم ان هنالك سيارات تفي بالغرض وقيمتها لا تتجاوز الـ 50000 خمسين الف ريال
وبعدين الارقام من اللي يقول لك انها تتجاوز اسعارها الـ 2000 الفين ريال حظرت المزاد اكثر من مره واحلى رقم ما وصل الـ 5000 ريال وبالنسبه للرقم هذا شريته بمبلغ وقدره لاني وجدت انه رخيص واشتريته يعني فرقه عن اللوحات والاستماره شي بسيط
فمن وجهة نظرك ان سياره جديده بمبلغ وقدره ما تستاهل انك تنزل عليها رقم مميز ويزيد قوة السياره يا العويد
والمثل يقول كل ما يعجبك والبس ما يعجب الناس وارى ان السياره في الوقت الحالي اصبحة من الكماليات وانها مثل اللبس لدى البعض
ولا هنت على المرور اخوي العويد ولك خالص تحياتي
العويد
24 - 01 - 2004, 22:14
هلا وغلا والله,,,
يالله حيه,,,
لاهنت على سعة صدرك وتقبلك لأنتقااادي اخي بن جراح ,,,
فقل ماا من يتقبل مثل هذه الانتقاادات,,,
اناا بعلق على كلامك وردك لي اذاا مااعندك مانع طبعا,,,
اخوي السياره فرق عن الرقم,,السيااره منها الفاائده بل وانه من المستحيل الاستغنااء عنها في وقتناا الحاالي,,,
يعني تبي تقاارن سياره رخيصه بسيااره غاليه طبعا كلهم يمشون ويؤدون نفس الغرض زي مااقلت,,,بس فيه فرق إن السيااره الغاليه فيهاا مميزات عاليه من حيث الركوب والفخاامه من دااخل,,اماا السياره الرخيصه عاديه يعني بالعكس الا تلقى مرتبتهاا تعور في الظهر :),,,,
وبعد لو حسبتهاا بتلقى السيااره الغاااليه تكد اكثر وتااخذ وقت اطول معك ,,وتساافر فيهاا مدن بعيده ودول ايضااء عكس الرخيصه ,,,
والأهم بين النوعين هو عاامل وساائل السلامه في السياارات ,,, يعني لو بتقاارن بين المرسيدس وال بي ام ضد التويوتااا والامريكي ,,طبعاا ماافيه فرق لأن وساائل السلامه في السيااره الالماانيه اكثر بكثير من غيرهاا,,,
يعني لو حسبنااهاا فيهاا حياه ومووت,طبعاا بعد امر الله سبحاانه ,,يعني ممكن ان الشخص يصير عليه حاادث في كاامري ونفس الحاادث في بي ام لا سمح الله ,,بس النتيجه تكون اخطر في الكاامري عن الب ام,,,طبعاا في الاول والأخير نأخذ بالأسباااب,,,,,,
في المدينه اللي انااا فيها اخوي بن جرااح ,,,,,,
يسمون الارقاام المميزه سواءا في السيارات او ارقاام الموباايل بال Devil Numbers,,,,يعني هالارقاام ماايااخذها الا الشيااطين ههههههه :):)
وطبعااا تشوف الارقاام المميزه داائما عند العرب وخصووصا الخليجيين وهي معرفه لدى الشركاات الأن اذاا اتيتهم وانت عربي على طول يطلعون لك رقم مميز يعني مثلا 45444444 وكذاا يعني ارقاام لو توديها السعوديه تجيب الووف,,,,ومع ذلك بلاش تأخذ الرقم,,,,,,,
وكذلك الحاال بالنسبه للسياارات,,إذاا ارت ان تختاار رقم لوحتك وبأي اسم تبي ان شالله بأسم بن جراح ,,,كل مااعليك هو عندماا تقوم بنقل الملكيه اوتجديد اللوحه فبأمكاانك تغيير اسم او رقم لوحتك الى اي شي تريد مقاابل مبلغ رمزي قليل جداا لا يتعدى ال 20 رياالا اللي هو مبلغ تصنيع اللوحه في الشركه ,,,,,, ومع ذلك لا تجد اللوحات المميزه الا عند العرب ,,يعني تشوف واحد اسم لوحته Najd ولا Zgerty ولا Helaly ,,,,,,
يعني يا اخ بن جراح لو حسبنااها من كل الحسااباات سنجد إنكل هالشغلات خرابيط × خراابيط ,,,,,
يا أخي هالأشيااء دائماا لو يفكر لهاا الشخص بالعقل والله يدري انه غلط في غلط ,,,,,
بس مشكلتناا التقليد وكل مااهو ممنوع مرغوب ,,,,,
وصدقني لو كاانت هالاشيااء عااديه ومحد مهتم فيهاا كاان اصلالا ما احد شراهاا ولا دفع فيهااا فلوس,,,,,
بالتوفيق اخوي بن جرااح والله يعطيك من خيرهااا ويكفيك شرهااا,,,,
تقبل تحياات اخوك,,,,,,,
العويـــــــــــــد,,,,,,,
ابن جـــــــراح
24 - 01 - 2004, 23:54
لحوووووووول يا مذكر
والله يا انت قعدت لهاللوحه قعده
هونا يا خوي ما حنا بايعين تراني اكذب
اخوي مذكر
انت تقارن العرب بالامريكان الله يهديك ؟
يا خوي خلاص حنا ما عاد نهرج الا في هالامور
ولو طلعت عنها انمسكت على طول
بعدين بالنسبه لقولتك الامان في ال بي ام و المرسيدس
الحافظ رب العالمين
وبالنسبه للكامري تاخذها بـ 60000 وتظمنها في السفر الطويل اكثر من السيارتين اللي ذكرتهن
فهالسيارتين في وقتنا الحالي ليسن عمليات بالشكل المطلوب فهن سيارات قراش ( قراج ) ويكون القراش مفتوح على مدخل الرجال علشان كل واحد يناظرهن وهو داخل بس
واذا صرت معزوم عزيمه رسميه تروح في وحده منهن يعني بالطوووو او نوع مميز من الشمغ لا اكثر ولا اقل اما من ناحية عمليه لا بالله مهن عمليات نهائي
وبالنسبه لك لو شريت فياقرا بـ 380000 ريال تبي تعجز عن الفين ريال حقت اللوحه وتزيد جمالها جمال
زد هالالفين مهيب ضارتك يا رجال
طيب
وش رايك اننا نصير مخالفين للغرب لو في اللوحات هم ما يهتمون فيها حنا لا نهتم فيهن
لكن الله يهديك استقعدت لي عند هاللوحه ما ادري ما فيه احد قبل قد عرض رقم مميز او طلب رقم مميز ولا شفت ردود الا هنا
مير اصبر لين نبيع <==== قفلت معه
ياخي اصبر شوي الله يرحم والديك <=== تراه بدا يصيح
تحياتي لك يا العويد من القلب وعادي ترى الموضوع والله امزح معك لكن ذا شي دارج الآن عندنا وخلاص صار شي طبيعي وطالما انه شي رخيص الآن فهو عادي فالفرق بين المميز والعادي في الـ 600 ريال لا غير
بس انت سمعت مثل ما سمعنا اول الامر بالمبالغ الخياليه اللي صارت لكن ترانا نميز بين المعقول والفسق وفعلا في اول الوقت سمعنا بمئات الالوف وانبهرنا ولكن عندما دخلنا وشفنا الوضع وجدناه مغاير لما قيل فلو دخلت الى حراجهم لوجدت الارقام المعروضه تقارب الالف رقم والمتواجدون لا يتجاوزون العشرين مشتري فمن يزود على الآخر وهو واثق انه يبي ياخذ لوحه بسعر بدون ان يزيد عليه احد
وسلامتك طال عمرك
اخوك بن جراح
العويد
25 - 01 - 2004, 04:23
هههههه,,,,
ومن قال سالم وغانم طاال عمرك,,,,
وبالتوفيق ان شالله :),,,,
لاهنت على سعة صدرك,,,,
اخوك,,,,
العويد,,,
اخو شما
29 - 01 - 2004, 03:42
ههههههههههههههههههههه:D
تحياتي القلبيه للأخوين الغاليين والعزيزين على قلبي
ابن جراح والعويد
واشوا انكم ماتطاقيتوا:D
على فكره استمتعت بتحاوركما ;)
وفي النهايه اقف في صف العويد وارى انه على حق