المزااااااااااح مطلوب في محاوره

[خالد الشماسي]

يا سلام عليكم رحمة الله وبركاته= وكل عام والنشامى سالمين وطيبيني
نادو المزاح خلونا نجدد ذكرياته =ولا حضر ذرب اليمين اقول له من العايديني

[المزاح]

والبقابك يازعيمٍ ذرب كاملةٍ صفاته=والكمال لوجه رب الكون ياذرب اليميني

ياعساه يعود للي خصني باحلى امسياته=يامصمم منتدى السبعان يالعقل الرزيني

[خالد الشماسي]

الأراضي ربعت والعشب قد زهر نباته=ليتنا بدوان في وسط الفياض إمربعيني
صاحبك درب الحضاره ما صلح له في حياته=ليت تنصحني وأنا بطيع قول الناصحيني

[طويق]

يالالاله.. لالالاله ..لالالاله .. يالالاله (البحر الطويل)













** ياخي الناس تلعب وانت جالس تشوف البيت من أي بحور الشعر


















*** معليش آسف
















أبو عمر .. أنت ياشاعر عاين زين في البيت (( في الفياض مربعيني))

















شفتوا اني معكم على الخط

[خالد الشماسي]

طويق انت تحسبنا وسط المدرسه :)






أخوك أبو عمر

[المزاح]

احمد الله يوم عندي ذود وامشي في هواته= ولاتمنى سج رجلك وابشر بكبشٍ سميني

يابدويٍ حدته دنياه عن احلا امنياته=رزقنا وسط الحضاره منكتب فوق الجبيني

[خالد الشماسي]

الحضيري جعل ربي يرحمه هذي سواته = وسط بيته وان طلع ما زاد فوق الساعتيني
الهواية قصرتك بالبيت هذيه شفاته= ليتها تصبح حقيقة لو بعد عشر السنيني

[المزاح]

اصفر العرقوب ماتفرق طبوعه عن خواته =جعله مثله فدوتك واضرب على القاسي يليني

كل رجلٍ منيته يطرب قبل تكتب وفاته= والمقدر مالنا عنه ولاهو في يديني

[خالد الشماسي]

بيض الله وجهك يالمزاح


مبدع كعادتك


لك مني اجزل الشكر على هذا الطاروق الطيب

ولو لا ان الوقت متأخر جدا كان واصلنا

وتقبل تحياتي

[المزاح]

ووجهك ابيض يابوعمر ولاهنت

واذا كانت ابيوتي جزله فهي استمدت الجزاله من ابياتك

وانت اللذي تشكر على الطاروق يابادع الطاروق

وانت من هل الخير

[ابن شطيط]

لاهنتوا على الطاروق الرائع

ومحاوره رائعه جدااااااااااااا


لاهنتوا

[عابر القارات]

يبوعمر والمزاح
محاوره حلوه وزينه

هذا فيصل دوت طالب مدرسه شعريه

[مروّض]

أبو عمر و المزاح...عيدكم مبارك بعد الزحمات..و ذبح الأضحيات...
كعادة كل منكما..الابداع واضح...
و اسمحلي يابو عمر أعقب على ردك للأخ طويق...
نعم ..نحن في مدرسه..و نتعلّم منكما كيف نستخدم المفردات..
و كذلك الأخلاق الرفيعه...تحياتي لكما..
و سجلوني من متابعيكما و من المعجبين بهذا الطاروق..