قال منهم الفراعنه ؟؟!!!

[ابو مترك]

ابدي بذكر مبـدل العسـر بالليـن=الواحـد المعبـود جـل جـلالـه
مرسـل محمـد خاتـمٍ للنبيـيـن=عليـه صلـى الله وسلـم والــه
ومن بعدها حنـا كعـام المعاديـن=ياهل الردى واهل الخنى يالحثالـه
ماهمنا حقد يجـي مـن حقوديـن=ولاهمنـا خبـل تحقـق خبـالـه
لو كان يملك لـه كنـوز وملاييـن=حثالـة ماهـو كـفـو للجمـالـه
يروس له شلة تيـوس خسيسيـن=قـد قالهـا ناصـر واكـد مقالـه
شلة هل الافـلاس شلـة ردييـن=مكسبهم مـن الخايعـات الهزالـه
يجون في المطعم بعد خوة سنيـن=وكل يحاسـب قيمـة اكلـه لحالـه
وحنا نحاسب عن ضعوف ومساكين=ودون الخوي نوقف مواقف جزاله
حكامنا ال سعـود زبـن المجليـن=شيـوخ نجـد محكميـن العدالـه
ريف المواطن منصفيـن نزيهيـن=في ضلهم ماحد حرم مـن حلالـه
وحنا لبو متعـب عيـال قريبيـن=قومت سعدنا عنـد ميلـة عقالـه
حبه زرع في قلوبنا لـه بساتيـن=تثمر له الطاعه من اصغر اعيالـه
قلته وانا من لابـة توفـي الديـن=سبعان لاجـى للخيـول اجتوالـه
افخـر بموقفهـم بكـل المياديـن=يرقون روس الشامخـات ابسالـه
واخص ربعي مرجحين الموازيـن=فراعنـه رمـز الكـرم والشكالـه
لاثارت الهيجـاء قـروم شجيعيـن=عزوة هل البلهاء ونعـم السلالـه
تحت امر ابن ذيبان قاصي ودانين=شيخ يبرهن حكيه اطيـب افعالـه
شيخ من اشيوخ الزكور المسميـن=لاعميـت الاريـا فرايـه دلالــه
شيخ حكيم ومن شيـوخ حكيميـن=ربعه يدوسون الوغى فـي ظلالـه
ابو شديـد لـو بولـف دواويـن=في مدح شخصـه مايوفـي كمالـه
وانا من زحول الرجال الطلاحيـن=وافخر ببو فـراج لاجـى مجالـه
شيخ مواقيفه على العسر والليـن=سعد ولـد فـراج كـل عنـى لـه
لاجـوه ضيفانـا يبونـه وعانيـن=يكـرم لحاهـم مايحسـب لمـالـه
يبَرك القعدان مـع حايـل الضيـن=قومت كرم ماهيب قومـت جهالـه
حيث الكرم عادات كـل الكريميـن=امثـال ابـو فـراج راع الجزالـه
هداج تيماء مـن قديـم وذلحيـن=الله يطول عمـر وافـي خصالـه
وياقو عزمي لاذكـرت الشماليـن=اوصل بهم شيٍ صعيـبٍ وصالـه
وياقو عزمي لاذكـرت الغضاويـن=نالوا مقـامٍ غيرهـم مـن ينالـه
ولاد الجهر درعٍ بوجـه المعاديـن=جهـران لاجـى للمثـارات هالـه
وربع ابن مثقال الزحول المياميـن=قنافـذه عـز الخـوي والزمالـه
ذولا الفراعنة الشيوخ السلاطيـن=من الزكور الـي لهـم كـل طالـه
من دون نقص في وجيه الطليقيـن=من القبايل في الجنـوب وشمالـه
وصلاة ربي عـد كـل المصليـن=على الرسول الي بعـث بالرسالـه

[خيَّال الغلباء]

أخي الكريم الشاعر / أبو مترك مرزوق الفراعنة السلام عليكم ورحمة الله وبركاته وبعد : شكرا جزيلا لك هذه الجزلة وصح لسانك وسلم نبضك وبناك وإعتلا وشانك والنعم بالفراعنة كبيرهم وصغيرهم وجعلها الله في ميزان حسناتك يوم لا ينفع مال ولا بنون إلا من أتى الله بقلب سليم والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام مع خالص التحية وأطيب الأمنيات واسلم وسلم والسلام .

[ابو مترك]

خيال الغلباء :

أشكرك على مرورك الغالي .

تقبل تحياااااااااااااتي

[مترك ثواب]

ووونعم والله بجميع الفراعنه قول وفعل



وبيض الله وجهك يابو مترك على الملحمه الجزله في فخر سبيع الغلباء الاد على الفراعنه



تقبل تحياتي لك


أخوك مترك الثوري

[البحيح]

ابو مترك بيض الله وجهك على هذة القصيده الجزله

هذي قصيده للشاعر المعروف محمد بن عبدالله البحيح الشماسي ويمدح فيها قبيلة الفراعنه من سبيع وقبيلة الفراعنه يستاهلونالمدح ,ويرفعون الراس بدون قصوور في باقي قبائل سبيع .
ارجو ان تحوز القصيده على اعجابكم

و تقبل تحيات زميلك

محمد بن عايض البحيح





محزمي وصبي عيني تراه الاد علي = ومن يسب عيال عمي بسبه نعنبوه

ربعي الي حبهم لـه بقلبي منزلي = كل عامٍ ينتهي بالمعزه زودوه

جعل يفداهم رديٍ لسانه خجولي = والردي ساس الردى يشهد الله ما حسبوه

ما سألوا عن خايبٍ بالنمامة يهذلي = وان تبين بيعاند على الخشم ارطبوه

هل فعولٍ كل ماسولف بها ما اخجلي = من قديم الوقت كم من صعيب طوعوه

ولو بعد فعولهم كم عدوٍ يزعلي = مير دون اعد يدري الولد من علم ابوه

فعلهم معروف فوق الركاب القفلي = كم عدوٍ يكعمونه وضيف كرموه

ولا نصاهم جاليا من ربوعه مبتلي = وقفوا دونه وحطوه الاسط وامنوه

ضلع واحدهم لاشاف الخطا ضلع اجملي = ولا طلع فالاف واحد شرود عيروه

هم سناد اسم السبيعي لاجا في مشكلي = أن طلب شر افزعوا وان طلب مالٍ عطوه

حرمة منهم وعت بالقدر وتهللي = تطلب الله ينصر اسبيع والجمع اهزموه

الحميا بذهنها والمعارك تصطلي = قلبها لسبيع والي سواهم ما اشحنوه

يالله إنك تعزهم يا لقدير المعتلي = عالم ما تفعل الناس لو انهم كنوه

والختم صلوا على اللي لدينه كملي = ما ربح الي بيطيعه واخسر الي عصوه

[الحميدي محمد الفراعنه]

صح لسانك ابو مترك ولاهنت على هذه القصيدة الجزلة من جزل

وصح لسان الشاعر /محمد بن عايض البحيح على القصيدة الجزلة ومن شاعر جزل

وعلى جميع الاخوان الذين تفاعلو معنا

[الحميدي السويدي]

أبو مترك صح لسانك وبيض الله وجهك
وكفو كفو ياربعنــا الفراعنه وكل سبيع
أفعولهم ترفع الراس أسجل إعجاااابي
وتقبل تحياتي .. أخوك أبو سعد

[ابو مترك]

الاخ مترك بن ثواب :

أشرك على مرورك الغالي ولا عليك زود يا الذرب .

تقبل تحيااااااااتي

[نجم سبيع الغلبا]

وسبعة انعااااااااااااااام بالفراعنه كفووو قول وفعل

[ابن زبدون]

][`~*¤!||!¤*~`][والله و نعم بالفراعنه..

الله لا يهنيك يا ابو مترك ولا يهينك يا الفارس على القصايد الجزله..

ولا هانوا الربع.][`~*¤!||!¤*~`][


تحياتي...