ســـــــــــــــؤال؟

[ابن مشعب]

ابيات رائعة اختلف عليها شاعران من سبيع نريد التصويت بأمانه لمن هذه الأبيات
..خلقت في الدنيا وانا مامعي شــــــي .... وبروح منها مامعي شي منهــــا
..خلوني استانس بها حدني حـــــــــي .... ولارحت مدري جثتي من دفنهــــا

[البدر]

القصيدة للشاعر مفرج بن مفرح المشعبي

وقد نسبت الى الشاعر سعد بن جدلان في مجلة المختلف ولكنه صرح في نفس المجلة وذكر انها للشاعر مفرج



تحياتي لك اخوي ابن مشعب على المشاركة .


اخوك البدر

[العويد]

بسم الله الرحمن الرحيم,,,,

اول شي مرحباابك ياابن مشعب بين هلك وربعك,,,,,

البيتين المذكوره هي تكمله لقصيدة الشااعر مفرج بن مفرح بن تركي المشعبي ( رئيس مركز الطوال حالياا ),,,,,

وقد نسبت لشعااار آخرين منهم بن جدلان وشااعر سبيعي محمدي وقد نفى بن جدلان ان تنسب الابياات له عن طريق مجلة المختلف,,,,,,

وامااا شااعرهاا فهو شااعر المحااوره المعروف ابو تركي ومن منا لا يعرفه,,,,,

إليك الابياات كاامله اخي العزيز,,,,,,


خلقت في الدنيا وانا مامعي شي" "وبروح منها مامعي شـي منهـا

خلوني أستانس بها حدني حـي" "لامت مدري جثتي مـن دفنهـا

وأن عشت عمر الأدمي كنه الفي" "وكم خزنةً يلهد بها من خزنهـا

شوي ندله واربع أيام وشـوي" "ندفـع لسجتنـا القليلـه ثمنهـا

والرابح الي لانطوت صفحته طي" "في رحمة الله طاعة الله ضمنها

وسلامتك وسلامة الحااضرين كلهم,,,,,

واتمنى اني اجبتك اخوي,,,,,,

تحيااتي اخوك وابن عمك,,,,,

العويد,,,,,,

[خالد الشماسي]

الشاعر مفرج معروف وقد سمعت منه شخصيا بقوله هذه القصيده لي وذكر لها اسباب جعلته يقول هذه القصيدة

والشاعر عبد البخيت يقول بأنها له وهو شاعر معروف
وهذا البيت له :
يقولون عبد البخيت عاجز وفقران = ورزقي مع العالم مسيرني ومغنيني

وكل من الشخصين لا اتوقع منه ان يضيف لنفسه ما ليس له لكن من المتوقع ان هناك سوء فهم من احدهما

سألت في الإسبوع الماضي خالي محمد البحيح فقال عبد البخيت يقول انها له ومفرج كذلك .


حقيقة أنا محتار في هذا الإختلاف ولو قابلتهما يمكن ان يتضح الأمر .


شكرا لبن مشعب

[ابن بداح]

السلام عليكم كل عام وانتم بخير

أهم شيء القصيدة عليها وسم سبيع m ed in سبيعي

لمفرج أو للبخيت مافيه فرق وبعدين البخيت أسمه مبارك من وين جبتوا عبد

ولكم تحياتي وتقديري .

[عابر القارات]

ابيات رائعة اختلف عليها شاعران من سبيع نريد التصويت بأمانه لمن هذه الأبيات
..خلقت في الدنيا وانا مامعي شــــــي .... وبروح منها مامعي شي منهــــا
..خلوني استانس بها حدني حـــــــــي .... ولارحت مدري جثتي من دفنهــــا


تصويت مسابقه يابن مشبب:D

اسأل عن الابيات ومن شاعرها اما تصويت وبأمانه محكمة يابن مشبب

خلاص اعتمد اجابه الاخوان

وان شاء الله انك عرفت اسم شاعرها

[اخو شما]

لا أستطيع ان اجزم لمن القصيده
ولكن اللي اسمعه ومتداول على السن الناس
انها للشاعر مفرج بن مفرح المشعبي
وقد قابلته في مناسبه خاصه وليتني سألته

[نديم القوافي]

هاذ القصيدة لبمارك البخيت ابومحمد وهو الان في الهية الملكية للجبيل وينبع بدمام



ةالقصيدة لمذكورة له ولاعليها جدال ومن اراد ان يستفسر عن القصيدة ان يسئل عن البخيت
وهي له والقصيد ة اكثر من اثناعشر بيت


ونا من سئله شخصين عن الملابسات حول القصيدة
وهو من اجابني


للمعلومية من اراد ان يستفسر عنها عليه طلب البخيت


فهو صاحب القصيدة الحقيقي

[خالد الشماسي]

نديم القوافي

ليتك تذكر لنا القصيده الــ 12 بيت


لك تحياتي

[نديم القوافي]

ابو عمر انا كلمت مبارك البخيت البارح وسئلته عن القصيدة

وطلبت القصيدة وقصتها منه ورايح اطرحها كاملة وقت ماتاصلني


ان شالله

[نديم القوافي]

هاذ مبارك يقول
كنت في عام 1395

كان في الحرس الوطني وكان في جدة في حي بحره
وفي يوم من الأيام كان جالس في مجلس بيته وعنده ربع من ألاصدقاء

وكانا ينصحونه ويعاتبونه على أتبذير في الكرم أنت كبرت في السن وعندك عيال لازم تقلل في التبذير على شان توفر لعيالك راس مال

ونته ما أنت بحاتم الطي ولا انته مثل حجرف الذويبي وكان جوابه لهم هاذي الأبيات

ارجو ان تعجب الجميع

ــــــــــــــــــــــــــــــــــــــــــــــــــ ــــــــــــــــــ


سجه مع الهاجوس طبيعةٍ لي=طبيعةٍ باموت ماجزت عنها
اشكي على الخلاق وأرفع له أيدي=لأكثرت الافكار يفك منها
أما الكرم قد فاز به حاتم الطي=حتى الفرس من شان ضيفه طعنها
خلوني أكرم في حياتي وأنا حي=ولامت مدري جثتي من دفنها
خلقت في الدنيا وأنا مامعي شي=وبروح منها مامعي شي منها
مسكين يا للي تحسب الواجد شوي=والعافية لو تنشري وش ثمنها
يا جاهل الدنيا ترها كما ألفي=يامخبل اللي في حياته ومنها
أن ناحر تلك قامت تروح وتجي=مثل الذلول اللي طويلٍ رسنها
وان دبرت خلتك طايح ومرمي=وكم واحدٍ له حاجةٍ ما ضمنها
لابد مانرحل من المزح والغي=و نسكن بيوتٍ قبلنا من سكنها
انفس مثل الغصن عايش على الري=ولولاه كل الناس عافت وطنها
يا لله عسى الحسنات تقضي على السي =لأقدمو للنفس ذرعت كفنها




قصيدة الشاعر مبارك بن فايز البخيت المحمدي السبيعي