شهر الصوم

[راعي الجوفا]

http://www.alriyadh.com/img/logoin.gif



باقي لنا أيامٍ ويزورنا ضيف
ضيفٍ جميله فوق كل الجمايل

ضيفٍ على الطاعه لنا مسند وريف

ريف القلوب اللي لها العز شايل

ومن شال حمل الضيف ما يلحقه حيف

يبشر بعزه يوم عرض الحصايل

والضيف ما يخطي ولا يقبل الزيف

ومن لا مشى برضاه نال الخمايل

ومن لايعرف الضيف جمله وتصنيف

عزي لحاله يوم ردم النثايل

والضيف شهر الصوم من دون تكليف

للي يبي الجنه وكسب النفايل

وعليك بالتقوى وخفض المصاريف

ترى المبذر للعقوبات مايل

واحفظ لسانك من الهروج العجاريف

كانك تبي الحسنه بعشرٍ مثايل

وإختم كتاب الله وكب الملاقيف

اللي تضيع وقتها بالهزايل

وصل الفروض الثابته والمراديف

تنجيك من قبرٍ عذابه هوايل

وهذي نصيحه قبل عرض المظاريف

في طاعة الله لا تدور بدايل


سعد بن قاسي السبيعي

رابط القصيدة على موقع جريدة الرياض (http://www.alriyadh.com/2008/08/29/article370530.html)

[بروق الصيف]

اسلم اسلم ياراعا الجوفا وصح الله لسانك

[حزم الجلاميد]

جزاك الله خيرا وصح لسان الشاعر

[راعي الجوفا]

بروق الصيف حزم الجلاميد شكرا على مرورك
وصح لسان شاعرنا أبن قاســــــــــــــــــــــــــــي