عبيد سعد السهلي
02 - 09 - 2008, 16:40
هذه قصيدة الشاعر/ محمد بن عبدالله بن عقيل السهلي , وقد قالها في ال شويه امراء العرينات من سبيع , قصيدة جميله ويستاهلون اخوان وعله
شرفت في رجم مرب القرانيس = في رأس مرقاب عسيرة دروبه
و يا محلا شوف الزهر فاالطعاميس = غب رشاش و زايفات عشوبه
بأرض عذيه خدها ما بعد ديس = قفر خلا وأهل الغنم ما مشوا به
و يازين هد الطير وقت الغطاليس = حر على جول الحباري عقوبه
ويازين شب النار في القفر يانعيس = وذبح الخروف اللي كبار عصوبه
علية ربع يكسون النواميس = أخوان وعله كل طيب هقو به
ربع ليا ركبوا على الخيل فالريس = كم شيخ قوم فالمواجهة رموا به
ونعم بكم يا مطلقين المحا بيس = أعداد ماتذري ذواري هبوبه
وأعداد ما هبت هبوب النسانيس = من الشرق ولا من نسايم جنوبه
وأعداد ما خط القلم بالقراطيس = وعد الرشاش اللي تهله نصوبه
شرفت في رجم مرب القرانيس = في رأس مرقاب عسيرة دروبه
و يا محلا شوف الزهر فاالطعاميس = غب رشاش و زايفات عشوبه
بأرض عذيه خدها ما بعد ديس = قفر خلا وأهل الغنم ما مشوا به
و يازين هد الطير وقت الغطاليس = حر على جول الحباري عقوبه
ويازين شب النار في القفر يانعيس = وذبح الخروف اللي كبار عصوبه
علية ربع يكسون النواميس = أخوان وعله كل طيب هقو به
ربع ليا ركبوا على الخيل فالريس = كم شيخ قوم فالمواجهة رموا به
ونعم بكم يا مطلقين المحا بيس = أعداد ماتذري ذواري هبوبه
وأعداد ما هبت هبوب النسانيس = من الشرق ولا من نسايم جنوبه
وأعداد ما خط القلم بالقراطيس = وعد الرشاش اللي تهله نصوبه