حقوق القصايد :: من ابداعات الشاعر عايض ابو شيبه

[خالد الشماسي]

قـالـو حـقوق الـقصـايـد قـلت مـابه حقوق=حـقوق الأنـسان ضـاعت كيف بأحقوقها
مـدام جـاء للقصايد وسط الأسواق سوق=اكــيد طـاحـو جـميـع الـناس فـي سـوقـها
مــعاد تــتوقـف الـكلـمات وسـط الـحلـوق=يـاحـظ بـعض الـبشـر مـاتـتعـب احلوقها
يـالـيتـها تـنسـرق ويهون وضع السروق=غــير الـبلا فـالـعشـيقـه خـان مـعشـوقـها
يـاكـم لـمحـنا بـجو الـشعـر مـثل الـبروق=مـثل الـسحـابـه تـضيـع وتـخفت ابروقها
لــو الـقصـايـد تـكلـم تـشتـكي مـن عـقوق=مــن اهــل شــعر الأبـاحـيه ومـطفـوقـها
يــالـيت شـعر الـفوايـد مـن سـباتـه يـفوق=مـن قـبل وردة شـبابـه تـيبـس اعـروقـها
قالو لي الناس روق وقلت وشلون اروق=دام أكثر الناس ضاعت في خطاء ذوقها
شـعر الـنصـيحـه مـع الأيـام صابه نفوق=قــلتــه وكــبدي تــزايــد فــيه احــروقــها
مـتى عـلى الله يجي للشعر لحظة شروق=وتـعود بـعض الـقصـايد وسط صندوقها

الشاعر المبدع : عايض عبدالله ابوشيبه

http://www.sobe3.com/diwan1/members.php?poem=397

[الحميدي السويدي]

أبو عمر صح لسانك ولسان الشاعر المبدع
عايض عبدالله أبو شيبه أبيات رائعه تشكر
على نشرها

[عيسى السبيعي]

الف شكر يابوعبدالله على هذا النقل وصح لسان الشاعر عائض ابوشيبه

تحياتي للجميع