بعيد المغااازي

[الصييفي]

@هو الشيخ الفارس فراج بن مذكر العماني شيخ بني عامر من سبيع سمي ببعيد المغازي
لانه اذا غزى يبعد في مغزاه

وقد غزى وأخذ خمسة شهور في مغزاه ومعه من فرسان سبيع وأخذو أبل أحد القبائل المعادية لهم ولحقهم الطلب وأفتكو كسبهم وخوياهم



وقال فيه الشيخ محمد بن سعد الصييفي شيخ النبطه من سبيع وأمير حفر العتش رحمه الله

مل قلبأ تلته من لطيــــــــــفـة @ تل هزلات مع حيل أسماني

تلها اللي غازيأ قيضة وصيفة @ ماأنكفالاطلعت سهيل اليماني

تلها مرذى ملافحت السفيفــة @ مع عقيدا مثل فــراج العــــماني

غير ذبحة للغنم فك المخيــفة @ لاأعتزى بموضي ينسم كل واني

[اخو شما]

تلها مرذى ملافحت السفيفــة= مع عقيدا مثل فــراج العــــماني

ومن منا لايعرف فراج العماني
ترك لنا ولأجيالنا تاريخا نفاخر به
والنعم كذلك ببني عامر كلهم
شكرا يالصييفي وحي والله ذا الاسم

[ابن جـــــــراح]

الصييفي

والله والف نعم فيك وفي من تكلمت عنه

العماني

علم على راسه نار في وقت مضى وفي وقتنا الحالي

بيض الله وجهك على الموضوع

[مسلط 22]

بسم الله الرحمن الرحيم
قد اشتهر الشيخ ببعيد المغازي وهناك قبائل اخرى اشتهر فيها رجال ببعد المغزى مثل صاهود بن لامي شيخ الجبلان من مطير كما يلقب مجوز العزاب وكذلك ابن عروج شيخ بني لام اهل العارض قبل سبيع والسلام

[ذخر طيبين]

الصيفي
فراج بن مذكر العماني بعيد المغازي اشهر من نار على علم رحمه الله رحمة واسعه
شكر على القصيده والنقل

[مصلح ربح]

ونعم با الصييفي ونعم با العماني
وهذه ابيات على طاري بعيد المغازي قلتها على عجاله
في حفل اقيم عند الشيخ مذكر بن ضويحي بن فراج العماني


بسمك ابدا يا كريم ويا سميع=يا ايلاهن تعلم بذات الصدور
يا سلام الله على الحصن المنيع =عزوة الغلبا طويلين الشبور
نرفعه عبر الاذاعه والمذيع= مثل نفح العود يهدى للحضور
في مقام مروة حد الذريع = مروية شامان من دم النحور
مذكر بن ضويحي السيف البتيع=افتخر به وامدحه وانا فخور
يا العماني راعي الاسم الرفيع = ياهل طيب(ن) في سماءنجد مخبور
باسم بن جروه واهل وادي سبيع=جيت ابادلك التهاني والشعور
يا سليل كنوز مجدٍ ماتظيع= في حجاكم جالها نبع وظهور
من شيوخٍ ذكرهم نورٍ يشيع= مشرقاً يجعل ظلام اليل نور
يا بن شيخٍ كسبه جلال القطيع= يتقفاها على صوت السبور
لاطلع صوت الرقيبه والفزيع = وقفت بعيد المغازي ماتبور
نفتخر با الفارس الشهم الشجيع = ونفخر اببيتاً على الطيب معمور
فيه اخو شمروخ شيخٍ للجميع= مع شيوخٍ ماتغيرها العصور
يعلم الله لو بعدد ما استطيع = اسمحولي كان جا مني قصور
با سم بن جروه واهل وادي سبيع = جيت ابادلك التهاني والشعور

[ابوسعد السبيعي]

للرفع

[محمد بن سلطان]

والله ومليييون نعم ..

والله يرحمه ويغمد روحه الجنه ..

وصح لسانك ياشاعرنا مصلح بن ربح .. وسلمت يمناك على القصيده الجزله ..

تقبل تحياتي ،،

اخوكم
محمد بن سلطان الثوري

[برق سبيع]

الله يبيض وجهك يالصييفي على هذا النقل الطيب للشيخ والفارس العماني(بعيد المغازي)



ومشكور يابن ربح على القصيده الرائعه في الاجواد ويستاهلون .