محاورة مثيرة وشهيرة بين الشاعرين الكبيرين المسعودي والثبيتي

[ابو سعود 99]

الأخوة الكرام انقل لكم هذه المحاورة الجميلة والمثيرة والتي جرت بين الشاعريين الكبيرين عبدالله المسعودي ومطلق الثبيتي رحمهم الله واتمنى بأن تحوز على رضاكم




المسعودي :

نهاية يوم ذي الحجه بداية ليل من عاشور 000 هلا يمرحبا والمملكة بآحلى لياليها

انا ماهمني فالوقت لامطلق ولامستور 000 مركبها على قمة جبل وتهز رجليها

مطلق:

انا اشوف المدافع فالمحاجي والفرود تثور 000 يدوم لك وانته جملها وانت راعيها

تقولة وانت محني في يديه حنية الباكور 000 وانا اللي من قديم الوقت طابخها وشاويها

المسعودي :

عينت الشايب اللي لقمتة ماوصلت الحنجور 000 فضيحة لن تفلها وان بلعها سمها فيها

من أول ياذهبنا كنت في صندوقنا مصرور 000 وذ لحينه تشالتك الحرامية باياديها

: مطلق

عينت الطرقي اللي شق قدرة شعلة الدافور 000 لياجاته ضيوف الله يزري لايعشيها

أنا ماني بشايل لي عصاة راسها مشقور 000 لكن التاجر اللي جابها لازم يوديها

المسعودي :

ولاياصحب ماتشرب الا السكر المعصور 000 ديار مابها الا الشوك لويسيل واديها

تصيح ألها مع المغرب وتقهرها طلوع النور 000 شداد فوق غاربها وحبل فوق اذانيها

مطلق :

انا اشوف السمن سايل من القبه ليا الدنقور 000 يصلح وجهها مير الكوايا في علابيها

[ماجد الشماسي]

محاوره قويه ومعناها غامض ومدفون بين الشاعرين
ليسوا كما شعارنا الان المعنى مكشوف وواضح بل
معظم محاوراتهم كلام مسرود سرد
لاهنت

[ابو سعود 99]

الأخ ماجد الشماسي لقد تشرفت بمرورك الكريم وكم اسعدني ذلك وكما ذكرت هذه محاورة قوية ومعناه محصور بين الشاعريين ومازال غير معروف حتى الأن رغم الأجتهادات التي نسمعها من الشعار ومحللي الشعر

[ابـــن مهـــراس]

محاوره ذهب
واما ردي على اخوي ماجد اقول كل(ن) خيره فيه
الاولين والتالين

[ابو سعود 99]

الأخ ابن مهراس لقد تشرفت بمرورك الكريم وكم اسعدني ذلك

[ماجد الشماسي]

اخوي ابن مهراس انا لست مقلل للشعراء الحاليين هم يجيدون فن المحاوره والمعنى ولكن هناك شعراء نسبتهم كثيره مملين للساحه مما يقدمون من محاورات اقل مانقول عنها تقضية وقت مجرد كلام وسب وشتم وتطرق للعصبيه القبليه ولكن ليسوا كالقديمين الذين حتى لو تطرقوا لاصعب الامور واحنكها فانها غامضه على المتلقي

[هذلي وأفتخر]

محاوره في قمة الروعه

لاهنت يابوسعود على النقل الرائع

الله يعطيك العافية وبيض الله وجهك

[ابو سعود 99]

الأخ هذلي وافتخر لقد تشرفت بمرورك الكريم وكم اسعدني ذلك

[شاعر المعنى]

رمزين من رموز الشعر .. رحمهم الله رحمة واسعة

أشكرك أخي أبوسعود 99 على نقل هذه المحاورة المتميزة

[ابو سعود 99]

الأخ شاعر المعنى لقد تشرفت بمرورك الكريم وكم اسعدني ذلك وكم اذكرت هما رمز من رموز شعر القلطة رحمهما الله

[جبار السبيعي]

أخي ابو سعود

تشكر على نقل هذه المحاوره للشعراء الأعلام
عبدالله بن مستور المسعودي الهذيلي ومطلق الثبيتي العتيبي
هؤلاء وأمثالهم شعراء معنا رحمهم الله
اما معنى المحاوره معروف و واضح وليس محصور بين الشاعرين !
بل اشمل مما يتوقعه الكثيرون , فالشاعر عبدالله المسعودي شاعر شمولي الطرح
بليغ التعبير بعيد النظر , مجمل محاوراته عن اسمى واجل المواضيع رحمه الله كان مدرسه
بدون نقص في حقوق الشعراء اللذين التقى بهم , كان عبدالله المسعودي الأقوى والأبرز
وأبسط مثال على قولي هذه المحاوره وغيرها كثيره .

تحياتي لك
اخوك ابو محمد

[ابو سعود 99]

الأخ جبار السبيعي ابو محمد لقد تشرفت بمرورك الكريم
وكم اسعدني تعليقك الذي ينم عن معرفة بمعنى الشاعريين الكبيرين وخاصة الشاعر العلم الذي يعد مدرسة متفردة لشعراء القلطة رحمهم الله جميعاً

[مشعاب]

المسعودي قوي في هذا الطرق


الله يرحمهم جميع

[رنيه الأصل]

المسعودي قوي في هذا الطرق


الله يرحمهم جميع

افا قذ ماتوا كلهم ,, والله الظاهر انهم مايدرون ايش المعنى لهلحين ,, يعني كلن يغني على ليلاه ,,

انا اقصد الشعار (اما كاتب الموضوع نقلت واحسنت شعر للنقاش )

[النداويـ]

مشكور على النقل الطيب والمحاوره الساخنه مدفونة المعاني والمسعودي شاعر هذيل وافضل شاعر في فن القلطه ومعانية مدفونة وقويه

[النادر]

مشكور أخوي أبو سعود على نقل هالمحاورة الجميلة و الرائعة
والمعنى على ما اعتقد أنه في حادثة الحرم المكي الشريف و يوضح ذلك الشطر / نهاية يوم ذا الحجة بداية ليل من
عاشور ... وكذلك الشطر / أنا أشوف المدافع في المحاجي و الفرود تثور والله أعلم الشاعرين فطاحلة و لا تكشف معانيهم

[عايش المقاطي]

مشكوووووور والله يعطيك الف عافيه

[ابو ناصر العطاف]

المعنى بالفعل حادثة الحرم والمحاورة لها تكملة وموجودة في مكتب القصير وفيها ابدع المسعودي مع مستور العصيمي ومطلق

[وطن النهار]

كيف يكون المعنى على حادثة الحرم والمسعودي توفي قبل حادثة الحرم بشهرين أو أكثر :)

[المـالكي]

رحم الله الجميع

[فرّاج]

عينت الشايب اللي لقمتة ماوصلت الحنجور 000 فضيحة لن تفلها وان بلعها سمها فيها

من أول ياذهبنا كنت في صندوقنا مصرور 000 وذ لحينه تشالتك الحرامية باياديها

والظاهر ان المقصود بالشايب العمى اللي غشّوه وزوجوه وحدتن حامل



والمسعودي اعجوبة صراحة

يمال العافية

[النادر]

الأخ / وطن النهار
نريد تاريخ وفاة الشاعر المسعودي حتى نعرف معنى المحاورة المختلف عليه
وتقبل تحياتي

[وطن النهار]

الأخ أبو الأسرح

المسعودي توفي في 16-10-1399 هـ في تايلند اثر سقوطه في مسبح الفندق الذي يسكن به وهو لم يكن يعرف السباحة ..

أشكرك ..

[النادر]

مشكور أخوي / وطن النهار
على الخدمة
وفقك ربي ورعاك

[خير الكلام]

الله يرحمهما شعراء بمعنى الكلمة وفرق المسعودي عن الشعراء واضح جداَ من ناحية تركيبة المعنى ونقضه وتركيب اللفظ انه
لا يخطئ في تركيبة اللفظ كما قال احد الاكادميين في اللغة العربية وضرب على هذا مثال
عسى العود العوج من يمكم بكرة يجي مكسور = وتصبح مامعك عودِ عجر يالمطرب الفني
وعلى حد قوله لو غير المسعودي استعمل كلمة عوج مرتين ولكنه غبير الثانية بكلمة بنفس الاحرف تقريباَ وهي عجر

[خير الكلام]

معنى المحاورة من رجل صديق للمسعودي وكان من صفوفه سالته عنها فقال لي معناها على لسان المسعودي ان به شخص
زوج له واحد على انه مسلم واسمه عبد الله فلبي وكان من المقربين في الدولة وبعدين ذهب لبلده ورجع على نصرانيته والمسلمة معه
والقصة قديمة رواها شخص للمسعودي واستغلها للمعنى والمعنى لم يفهمه الثبيت رحمه الله وحلله على قمة فاس التي كانت في تلك الايام وجاراه المسعودي واوضح له انه ضائع واليكم التحليل
نهاية شهر ذا الحجة بداية ليل من عاشور = هلا يامرحبا والمملكة في احلا لياليها
هذا ترحيب والحفلة كانت عند هذيل في مكة وفي نهاية الحج
وانا ماهمني ذا الوقت لامطلق ولا مستور= مثبتها على قمة جبل وتهز رجليها
اي ان هذا الشخص ما فكر في احد وقمة الجبل والمعنى اللاحق لها معروف
مطلق ذهب لقمة فاس وفشل اتفاق الرؤساء العرب في البيتين التي ردها على المسعودي
رد المسعودي المعنى يحاول ان الثبيتي يفهمه بقوله
عينت الشايب اللي لقمته ما وصلت الحنجور= فضيحة ان تفلها وان بلعها سمها فيها
يتكلم عن والدها الذي زوجها وتورط
منول ياذهبنا كنت في صندوقنا مصرور= وذا الحينه تشالتك الحرامية بياديها
منول الناس يتحققون من النسب وللدين والمسلمة لا يتزوجها الا مسلم والآن الناس صاروا مايهتمون لهذه الامور
وهو يريد ان يوضح للثبيتي ولكن الثبيتي لم يصب المعنى
وعلق على قمة فاس والمغرب
فقال المسعودي
والا ياصاحبن ماتشرب الا السكر المعصور=ديار مابها الا الشوك لو يسيل واديها
معناه المعنى قريب من بيئتنا لا تذهب لحقين قصب السكر المعنى في الطائف الذي ماينبت فيه الا البرشومي حتى لو يسيل كل يوم
تصيح لها مع المغرب وتقهرها طلوع النور= شداد فوق غاربها وحبل فوق اذانيها
يعني عند البادية ويخص قبائلنا
البيوت الاخيرة بامكان من عرف قصد الطرفين يحللها
بعد هذا الطاروق غير العصيمي
سلامي على الحفل ومكمل الماجوب = مثايل عذية كنها السكر الحالي
ولا ياهوى بالي وياغاية المطلوب =هبطنا لسوق البيع وندور الغالي
فرد المسعودي
هلا مرحبا ما فيك عيب ولا عذروب =شهور وسنين طوال وايام وليالي
ليا اوعدت لا تصبح مواعيد ابو عرقوب = يحدث بها الاول على حضرة التالي
فذهبوا الى ان قال العصيمي
حبال السواني كيف تطلع بدون غروب = تجي فاضية وتروح والجم زلالي
يقصد ضياع الثبيتي في المعنى
فرد عليه المسعودي بقوله
اباعر جهينة ضايعة في ديار حروب = ولا ها الزمان وراحت الوان واشكالي
الا ان قال
ولا يالعوارف كلكم كيفكم مشروب = ثمانين دله مايملون فنجالي
والمحاورة طويلة ولها شريط
فغير المسعودي في طاروق ثاني وتطرق للمعنى الاول
مرحبا عداد نوضة برقها والا رعدها = يشرب الشعب البعيد ويشرب الشعب القريبي
السوالف ياعميل الخير ما يحصى عددها = والدفاتر ماتضيع شئ وافهم يالبيبي
فرد العصيمي
والبقا ياعزوة توعد ولا تخلف وعدها = وش حصل من مشكلة ماعندنا شئ غريبي
خابر الديرة حيا واليوم ما ادري وش حصدها = والمريض من العلاج يطيب مدري مايطيبي
وهو يريد ان يزنق المسعودي بمعنى لا يخطر على باله ليتوهه ويخرج من الموضوع السابق
فالعصيمي يقصد ان المسعودي حالق دقنه ذلك الليل
فرد عليه المسعودي على هذا البيت والبيوت ارويها غير مرتبة وكاتبها من راويها كما قال رد المسعودي
ماعليه اللي ليامنه بغى الحاجة وجدها = احسن من الشجرة اللي لاصبوح ولا حليبي
يعني ماكل رجال مربي دقنه يطلق عليه رجال فقال مستور
مالمحت الا الجنازة يوم طبت في لحدها = مير قلي موتها جاها رضا والا غصيبي
المسعودي كان متزوج حديثاَ ويساله العصيمي هل حلق دقنك برضاك والا بامر ومجبر
رد المسعودي
ياهل النبوت مايبني البيوت الا عمدها = يحسب اني موت وارواح العرب في وسط جيبي
فتطرق العصيمي لموضوع انتقاما في الموضوع الاول وهو قوله
قامت العذرا تهوش وترفع البارق بيدها = والعشية جرت العبرة وقالت ياحبيبي
معنى كما هو واضح سطحي ومعناه ماهوطيب فرد عليه المسعودي بمعنى الصحيحة تهوش والهينة تاكل الرطب ولا تهوش
الصحيحة كل ما جاها الخطر تسعى جهدها = والضعيفة هينة لو تاكل التمر الرطيبي
ليت للسلعة مقدر مايقلل من جهدها = لو يقولون اربعة هذلان واثنى عشر عتيبي
هذه تحليلاته ويسندها الى المسعودي والله اعلم يمكن ان المسعودي ما يعطيه تحليل ما يدور بينه وبين زملائه بس انا اشوف تحليله منطقي ومعقول