تسجيل الدخول

مشاهدة النسخة كاملة : انشدك عن عود تدرع بنتات00العود ناحل والعذارى مبادين

الواضح
24 - 02 - 2004, 14:31
انشدك عن عود تدرع بنيات
العود ناحل والعذارى مبادين
مابينهم يجري حرايب وغارات
تسمع مصادمهم بلي مدامين
ياما شقلت العود والقوم زافات
وياما ذبحت العود واقفوا ذليلين
ابن جـــــــراح
24 - 02 - 2004, 15:26
الواضح

صح لسانك على اللغز

ورمعتي

وش رايك بسلك السبحه هو العود والبنيات حباتها

وهي تدور في يد شاعر المحاوره

عساها هي ان شاء الله

تحياتي لك
اخو شما
24 - 02 - 2004, 20:32
الواضح..........
ليش اخر حرفين في القصيده الياء والنون باللون الاسود
وباقي القصيده باللون الازرق:eek::eek:
هاذي شكلها اول الخيط ومفتاح الحل:p
او كما يقول الخواجات هذي اشاره:cool:
يالله ياأعضاء شدوا حيلكم
وركزوا على هذين الحرفين;);)
يعني الفايز منكم ترى الجايزه مناصفه:rolleyes:
وانت يالواضح رجاء لاتغير اللون خله على حاله:mad::mad:

ركز على الحرفين يامركز ترى الحل فيها
واحد يشتت تفكير الجمهور:D:D
الواضح
24 - 02 - 2004, 21:04
ابن جراح
متأسف لن اتجاوب مع اي شخص
حتى اتفاهم مع اخوشما
جاء طال عمرك بدون استأذان
وضح لشباب 50/ من الاجابه ليش
من سمح له
لذلك لابد ان يقدم اعتذار و يتعهد بعدم التكرار

يعني يقول((( ما اتعودها))) او يقدم لنا لغز مشابه
حتى اتجاوب معكم
للمعلوميه لن اغير اي حرف بالغز
اخو شما
24 - 02 - 2004, 21:20
ههههههههههههههههههههههه
ههههههههههههههههههههههه

والله اني ياولد خطير
احسب اني امزح اثري رمعتها:D:D:D


اما اني اقول لكم لغز جديد فمعصي
ماأعرف احل الالغاز وشلون تبيني اعطيكم منها:eek::eek:
تدري اجل ابشر هذا اعتذار

ما ااااااتعودها وأأأأأسف يالواااااضح:(:(

بس بالله 50 في المائه من الحل في اللون الاسود:p:D:p:D
الواضح
24 - 02 - 2004, 22:05
اخوشما اسفك اواعتذارك مقبول 0 لاهنت 0 0وامثالك يقتدى بهم00
ولكن والله انك توهتني من جد
وانا اصلا اندفعت وتسرعت في الاحتجاج على مشاركتك
جل لو اني تريثت فلن تتجه الانظار لنا
المهم لن ياتيكم
الحل الااذا شاهدة 30مشاركه اورمعه
ومتأكد انا انها كلها خاطئه0
بعدين ياخي يوم انك ماتعرف للغز ولاتعرف لطرحه
ليش رحت لمنتدى المحاوره واللاغاز0علمني لايش
بعيد النظر
25 - 02 - 2004, 01:49
بعد ماقرب لنا اخو شما الرمعه



وش رايك














في الدخان ( التتن)
اخو شما
25 - 02 - 2004, 02:01
بعدين ياخي يوم انك ماتعرف للغز ولاتعرف لطرحه
ليش رحت لمنتدى المحاوره واللاغاز0علمني لايش

ههههههههههههههههههههههههههه

رح ان انشد ابن بداح
كل مانزل لغز طمرت في حلقه
هاتك رمع في رمع:D
والمشكله كل الرمعات مع جنوبها:eek:
وهو مخليني على كيفي
ولا بعد بعض المرات يقول اني حول الحل:p:D:p:D
الواضح
25 - 02 - 2004, 15:20
بعيد النظر ...........الله يستر لاتحله بعد

ورايي في الدخان( التتن) مضر بالصحه

والاجابه غير صحيحه

مع العلم لوتجيب الحل صحيح انت بقول غير صحيح

تدري ليش لانك حليت الغز السابق 00

وللاحاطه
لدي سفر قديستغرق 3ايام او4وسوف اعود ان شاء الله
واجد الحل واتمنى ان لااجد اخوشما قد وضح
25بالمائه من النسبه المتبقيه وينكشف الحل
بعيد النظر
26 - 02 - 2004, 03:53
اخي الواضح
فيه توضيح بسيط للرمعه
العود هو الكبريت
والبنات الزقاير


اربه يطلع صحيح عشان
ارفع


ضغطك:D
ابن بداح
26 - 02 - 2004, 04:18
الاخ الواضح


لغزك واضح


مادام أخو شما يب يسآلني يبشر بالسعد



انا برمع لك ( سلك السبحه )


كان الرمعه صحيحه فهي عن أخو شما وكانها خاطئه حاولنا مرة ثانيه


ولك تحياتي
ابن جـــــــراح
27 - 02 - 2004, 21:01
الواضح

ما قلت لي رمعتي صحيحه والا خاطئه

خل نشوف حل ثاني كانها غلط

ابن بداح

ارجع لاول رد طال عمرك

سابقك عليها انا

تحياتي للجميع
مروّض
28 - 02 - 2004, 07:47
الواضح.... لا هنت على اللغز...

يا اخي.. لازم تجاوبنا أول بأول على كل حل للغز من قبل المشاركين...

و الا بالطريقه هذي...نحتار... و نضيع...و نروح بعيد و الحل قريّب...

على العموم....رمعتي ....الحل هو ( الفم )...الأسنان و اللسان...و الله أعلم..

و دمتم...
الواضح
28 - 02 - 2004, 08:27
بعيد النظر
انت اول ضحيه لتمويه
اخوشما(ركزو على الحرفين < ين> في اخر الغزلوجود الحل بهما .
ودريت انا بعد رمعتك انك اتجهت مع طريق ثاني تبحث عن الحل
قلت هذا طاح بحسابه خلونا نرتاح منه0لايرفع الظغط.
مروضّ
لقد تجاوزت العقبه الاوالى وهي تمويه وابعاد اخوشما لكم
ولاكن لم يحالفك الحظ في الحل00حظ اوفر
ابن جراح
سبقت اجابتك التمويه الجميل جدا ولكن اجابتك صحيحه وسليمه ولاهنت
ابن ابداح اصريت على الاجابه(المسبحه)وهي الاجابه الصحيحه
والله اني متوقعها منك عند اول رمعه00اقول عساه يتأخر اشوي
لاهنتو جميع ولكم تحياتي
.
العويد
28 - 02 - 2004, 09:52
الحل هو ال ين الياباني هههههههههه :),,,,,,,

ترا كلها من اخو شماا يقول اخر حرفين واخر حرفين هو العمله اليابانيه ين :),,,,,,,,

هااه عسااا رمعتي صح :),,,,,,,,,

واناا اشك ان بن جراح صح:),,,,,,,,,
ابن جـــــــراح
28 - 02 - 2004, 16:47
الواضح

الله يهديك المفروض على طول عطيتنا الكلام وريحتنا
لكن الله يعين يا رجال

هذا لغز يا رجال على طول يقال له صح والا غلط

اما بعدين اجاوبك هذي جديده

تحياتي لك