طــاروق لـلــجـمـيــع

[الذيب]

السلام عليكم

الله يحي من يجي

استلم


ياسلام الله عليكم يارفيعين المقامي / / / يارياجيل الكرم والمعرفه واهل الشهامه

مانحب اللي يعيل ولا نبا شاعر حرامي / / / من يبا يلعب معي يااهل الوفا يكرب حزامه

[مسعود الحويزي]

الله يبقيك واستلم لاهنت:


مرحبا بك ياهلا بك ياكريم ابن الكرامي = مرحبا باللي فرض قدره علينا واحترامه

هات علمك واخذ مني يالعتيبي علم سامي = جر صوتك بالعوا فالشام و الا في تهامه

[الذيب]

[طيب طيب يابو فهد

استلم

شد حيلك بالسفر محدٍ ترى معنا يضامي / / / صاحبك لامن نطق ملزوم تفهم في كلامه

انت شاعر مير غادي وعلى الدنيا السلامي / / / افزعوله ياعتيبه في حلاله من حرامه [/SIZE]

[مسعود الحويزي]

الله الله يالذيب :

استلم .


من يرد السيئه بالحسن ما والله يلا مي = ومن يرد الحسن بالجحدان هذي له علامه

كان منت من العوازم لا يجي منك اتهامي = صاحبك من قال هذا الذيب ردو له سلامه

[الذيب]

الله الله

استلم

انت عارف مير اظنك ياولد عكس النظامي / / / من فطر ياصاحبي ملزوم يكمل في صيامه

العوازم لابتي يومٍ جيناكم شمامي / / / وانت غادي نازلٍ وادي وخليت العدامه

[مسعود الحويزي]

من حرامه سرت يالذيب مير مافيه مشكله :

الله الله

استلم لاهنت :


والله اني مااعرف الا من يحدون السهامي = الرجال اللي لهم بالطيب من فعل الكرامه

والله اني رافعك يالذيب لا حد الغمامي = والصحيح انا نحط الشخص لازم في مقامه

[الذيب]

طيب طيب

استلم

من يثمن هرجته قدره كما سيف الحسامي / / / ومن تردى يعلم الله يالربع نفرك عرامه

من جهلنا جاهلٍ يوم الجهل في كل عامي / / / وانت غالي مير ماشي ياولد درب الندامه

[مسعود الحويزي]

الله الله الله

استلم لاهنت :




والله اني احسب الكلمه وفالملعب محامي = ولاحسبت احسابهم من قبلكم يابو دلامه

انت ذيب ٍ مير ليت الله ماحط السنامي = ماتعشا من خيار الصيد يا ذيب السلامه

[مسعود الحويزي]

بدري يالعازمي وين ؟

والا يمكن انقطع الاتصال :D

عموما : سعدت بالعب معك والزعل مرفوع طال عمرك

وانت هنا في محلك وبين اخوانك

وحياك الله

[الذيب]

الله الله يابو فهد

ملاحظه : يابو فهد الله يرضى عليك انا يوم دزيت ابياتي نطرتك حول الساعه مارديت ودورت اسمك مع الموجودين ماحصلته فقلت اكيد حصل خلل .. عشان كذا طلعت من المنتدى
للتوضيح فقط . وشكرا

استلم واللعب توه

انت شاعر مير عرفك ناقصٍ بأهل الجهامي / / / كل شاعر لا نقص عرفه نجنبٌه الملامه

السنام اللي تقوله حر والمخلاب دامي / / / والذيابه ماتلد العين في طير الحمامه

[خالد الشماسي]

سجلواا اعجابي بكم

[الذيب]

كلك ذوق يابو عمر

ولاهنت والله على مرورك ومرورك يشجعنا اكثر

وعساك ذخر للمنتدى والاعضاء اللي بالمنتدى

تحياتي : الــذيــب

[البدر]

لاهنت يالذيب ولا هنت يابو فهد بيض الله وجيه الجميع والحقيقه اسعدتونا بالطاروق هذا وننتظر منكم اكثلر واكثر


تحياتي لكم

اخوكم البدر

[الذيب]

ولا انت يالبدر ويسعدنا مرورك وتعليقك على الطاروق

عساك على القوه يالبدر

تحياتي : الــذيــب

[موصاحي]

يا الربع ما تبونى اشارك معكم :D


شكل الذيب بيقول ايه لانه ما يعرفنى


والا الربع لا دروا عنى بيطردونى ههههههههههههههههههههههههههههههههه

:D:D


يالله يا ابوفهد وينك رد على الذيب :rolleyes:

[الذيب]

موصاحي يامرحبا والله ومرورك يشرفنا يافارس القبيله

لا ماني قايل ايه

خوفاً من العيد لايجي بوقت ماهو وقته هااهاهااهاهااه

تحياتي : الـذيـب

[مسعود الحويزي]

ابو عمر اعجابك شرف لنا انا واخوي الذيب

البدر شكرا اخوي على اطرائك واشكرك على رد الدبلماسي;)

موصاحي شكرا لمرورك والمحاورة انتهت بخروج الذيب :D

ــــــــــــــــــــــ

اخوي الذيب :

الله يرضى عليك ترا فيه تحت الاسم فالرد علامة على شكل جهازين يوضحون العضو
المتصل وغير المتصل سواء بوضع متخفي او بوضع ظاهر في قائمة الاعضاء .

ثاني شي انت تقول انك دزيت لي بيوتك وانتظرتك حول الساعه ودورتني مالقيتني:D
يمكن ساعتك تمشي الفين:D

ياخوي اخر رد لي انا في المحاوره واخر رد لي بشكرك على نهاية المحاوره ويمكن انك
زعلت مني بقولي انه انقطع الاتصال:D ياخوي خل صدرك وسيع .

وثالث شي كان يتابع المحاوره شعراء محاوره من زملائي في منتدى النوادي ومنتدى الصايره لاني معطيهم رابطة المحاوره على المسنجر ومتابعين لاخر لحظه وسوف يشرفننا فالتسجيل في هذا المنتدى بدعوه مني نيابه عن اخوي ابو عمر وهم :

حكيم الراي ( غالب الشريف )

وتركي بن حويدي ( ابن السلطان)

وايضاً يوجد دليل اخر من نفس هذا المنتدى :D

وااااااااااخر شي وهو المهم في كل الموضوع انت هنا في منزلة الاخ العزيز وعين لك فراش
وعين لك لحاف اقولها نيابةٍ عن جميع المشرفين فالمنتدى وحياك الله .

ولي معك ان شاء الله لقاء اخر في اقرب فرصه بعد اعلان المحاوره بالوقت والتاريخ

وتقبل مني فائق التقدير والاحترام

اخوك ( ابو فهد )

[ابن شطيط]

اخواني

ابو فهد

و الذيب

اعجابي شي قليل في طاروكم وانتم ماقصرتو

وانا متابع من البدايه بس مابغيت اقاطعكم وكل المنتدى معكم واخباركم بين الأعضاء في المسنجر
كبيره

تحياتي لكم واستمرو لاتقطعون

تحياتي لشاعرين الكبيرين الذيب وابوفهد


تحياتي

ابن شطيط

[مسعود الحويزي]

:D بن شطيط اشوى انك ماقاطعتنا يمكن تروح الافكار

عموما متابعتك شرف لنا وانا اخوك

ويعطيك العافيه على الرد الجميل

تحياتي

[الذيب]

ابو فهد لاهنت وبيض الله وجهك وصح لسانك على كل حال

واشكرك على هالمعلومات وانا اقولك بكل صراحه افدتني فيهم

لاني والله ماكنت اعرف ان العلامه اللي على شكل جهازين لها معنى
..
على العموم يابو فهد اهم شي رضاك علينا والجايات اكثر انشالله

وشكرا

_______
بن شطيط لاهنت على المتابعه ومتابعتك شرف لنا ومرورك يشرفنا

وشكرا للجميع

تحياتي : الـذيـب