اللهم الطف بنا في محنتنا هذه

[اخو شما]

هذه بعض الابيات قلتها مما اختلج في نفسي هذه الايام
فالخرمه تمر بأزمه ونحن في رجا الله سبحانه وتعالى
فأن وجدتم بعض الخلل فاعذروه وادمحوه فأنت شعار
لايشق لكم غبار وانا مجرد رجل يكتب حسب الظروف والوقت


البارحه يابوي عيني سهيره=اسهر وبعض الناس نايم ومرتاح
يابوي حالي حال راعي الجبيره=ليله قضى مابين ونات وصياح
والا مثل من طش ساقه ذخيره=وخلوه ربعه طايحٍ وسط الارماح
ذيب الخلا شبعان ايضاً وطيره=في راس حزمٍ طايحٍ كنه اشباح
والا مثل من هو نفوه العشيره=متصلفقٍ في كل ديره له امراح
كثرت همومه والمصايب تديره=وعقب الجماعه يصفق الكف بالراح
عزي لرجلٍ كان هذا مصيره=عود زمانه للفقر عقب الارباح

[نديم القوافي]

أخو شـــــــــما

الله يقبل منا ومنك


و بيض الله وجهك على القصيدة

[راعي الهلالية]

[يابـوي حالـي حـال راعـي الجبيـره
ليلـه قضـى مابيـن ونــات وصـيـاح
سلامتك والله يالذيب من الونات
لكن مانقول إلا كما قال الشاعر
ضاقت فلما استحكمت حلقاتها
فرجت وكنت أظنها لاتفرج

[الصامت]

سبحان الله


توارد الخواطر





وإليكم هذه الأبيات قلتها قبل اسبوع


إن أعجبتكم فزين على زين

وإن نقدتوها فأنا مجرد إنسان

ويكفيني إعجابا أبيات المبدع أخو شما


البارحه يوم النجوم أدبحني = أنا لحالي مدبحٍ بالتفاكير
مرٍ أهرج خاطري وش محني = ومر تمنيني الهواجيس بالخير
واقول يا قلبي متى ترجهني = ومتى تغرد بالتلاحين يا طير
ويقول قلبي كانها بالتمني = ودي بربع دايم لي منا حير
هذا يحدثني وهذا يغني = وهذا يقول الصبح عندي مناعير

[البدر]

لاهنت ياخو شما وصح لساااانك ملاييين


قصيدة جزلة من جزل وترى اجمل الشعر شعر المواقف لانة يجي من احساس صادق


اكرر شكري لك ولاتحرمنا طال عمرك من جديدك ترى القصيدة الوحده ماتكفينا منك .


اخوك البدر

[اخو شما]

اخوي نديم القوافي
شكرا عل المرور الكريم
ودمت على خير
اخو شما

[اخو شما]

هلا والله ومرحبا ياراعي الهلاليه(ابو جود)
مرورك بحد ذاته عطر المشاركه وكساها رونقا وجمالا
حياك الله دوما
ودمت على خير

[اخو شما]

ارحب يالصامت
طبيعي جدا وانا اخوك ان يكون هناك توارد خواطر
فقضيتنا واحده وهدفنا واحد
فحياك الله وسجل اعجابي بما تكتب دائما
ودمت في رعاية الله وحفظه

[اخو شما]

ارحب والله يالبدر بدر المنتدى كله
واعلم ان كل مشاركه تمر عليها انت خصوصا ستكون من
العيار الثقيل لأنك تكسب الشي معنى وروح
حياك الله دائما
ودمت على خير

[ابو مترك]

صح لسانك ياخو شما على ابياتك الرائعه.
تحياتي

[اخو شما]

صح بدنك يابو مترك
ومشكور على المرور يالغالي
ودمت على خير
اخو شما

[طويق]

صح لسانك ياخوشما
أثاريك شاعر

إذن الموعد هناك



منتدى المحاورة


لاتقول مالي فيها


ماهيب معك



طويق

[اخو شما]

تكفى ياطويق لاتوهق اخوك
يارجال انا ماأقارن بمن هناك بمنتدى المحاورات
نهاااااااااااااائيا
هم اساتذه كبار في هذا الفن
ابشر اروح هناك مع الصفوف ونشيل
اما غيرها فكثر منها:mad: