انا من الغلباسبيع ابن عامر....اهل الشجاعه والفعول الجزايل

[الواضح]

الشاعر فهد مخشوش السبيعي
له قصيد منها
انا من الغلبا سبيع ابن عامر000اهل الشجاعه والفعول الجزايل
لم اجد منها الا عدة ابيات
فمن يعرفها يتكرم بتزويدنا بها00

[شافي]

الســـــلام000

حيـــاك أخـــوي الــــواضـــح

وأبشـــــــر00000

هذه القصيده للشاعر فهد بن مخشوش الصمله

رحمة الله عليه أن شاء الله..

وهي في فعايل شيوخ سبيع وفعايل قبيله سبيع





عنـــد الضحـى عـديـت في راس عيطـــا=
عيطــــا تهيــــض بـــادعيـن المثــايــــل
واللي مهيضنــي فعــايــل بني عمـــــر=
كبــــار البيـــوت مشيـديــن الــذوايــــل
رعــايــة الخـــوف نــزالـــــة الخطــــــر=
أهــــل مهــــــار تنثنـي فـي البــايـــل
ويقــول أبــن مخشــوش قــولٍ مـوكــد=
قبلـــي وعقبــي مــن يعـد الفعــايــــل
أعـــد فعــايــل لابتــي لاعــــدمتهــــم=
وأفخــر بهــم لاحــل قــول القــــايـــل
أنــــا مـن الغلبـــا سبيــــع ال عامــــر=
أهــل الشجاعــه والفعــول الجــزايـــل
تــرى مــن فعايلنــا ثمـــان ســوالـــف=
يعرفــونهــا سمـــوى جميـع القبايــل
ثــــلاث منهــن عـــــامتنــا كلنـــــــــا=
وخمــس غـــدوا بها كاسبين النفايـــل
الأولـــــه منهـــن نتيـــه جــــارنـــــــا=
على الكيـف يرعى في نبات المسايل
والثانيــه منهن نعـــرف قصيرنــــــــا=
ولا نقطــع العقلان يــــوم العقــــايــل
والثـالثــــه منهـن مـــرتنــــا تسيـــــر=
لاخــاب مــذهـب خــايبـن الحمـــايــــل
والـرابعــه خـــذهــا فهيــــد الصييفـي=
فــوق هجنــن يسهجــــن القـــــوايـــل
لا يأخــذ الطــارش ولا يقطع النقــــــــذ=
شــــره على ســحج كبــار الشمـــايـل
والخـامسـه منهن للأدغــــــم ســـلامـــه=
يــروي ســيوف مصقــلات الســـــلايــل
ولا مــن عطــــا عطيــةٍ مــا يمنهــــــــا=
يعطـي النجــايـب والمهـــار الأصــــايل
ولا مــن زبــن بــه مجـــرمٍ لا يـــــــذنبه=
جـاء الحـول مـا جـاء فيـه عـدل ومـايـل
والسـادســــه منـهن لعجــــران العمـــى=
تسمــوى بهــا عــودٍ هـــروجـه دلايــــل
لايثني الــدلــــه ولا يــذبــــح المعـــــــز=
ولا يـــذبــــح إلا مــن خــروف وحـــايــل
والسـابعـه منهن لابـن قطنـان بـالصخـى=
عيد الركــايب مــدرهمـــات القــوايــــــل
لاكــن تنيــدي عبيــده على العشـــــــاء=
تنيـــدي بــــدو شــافـوا الطــرش عـايـل
والثــامنــه منهن عشـر الـركايب وأهلهن=
مـامثلهــم جــاء بالعصـــــور الأوايـــــــل
جــاهـــم جمــــوع يـــرعـب القلب كثرهـم=
يبغـــون ذبحتهــم وكســـب الـــرحــايـــل
وعيــا عليهـــــم اللـــه بنــي عمـــــــــــر=
بـــرمـاحهــــم وسيــــوفهــم والفتــايــــل




الشــــــــاعــر فهـــــد بـــن مخشـــــوش الصمــلـــــه

[عيسى السبيعي]

الأ خ شافي

السلام عليكم ورحمة الله وبركاته


رحم الله الشاعر فهد مخشوش السبيعي واسكنه فسيح جناته


تسلم يمينك أخوي شافي على نقل هذه الرائعه اللتي نتمنى المزيد من هذه الروائع دائما ,,




تحياتي //الواسطه

[شافي]

الأخ

الواســـطــه

لا هنت على المرور ومقدر

واللي عنــــدنـــا لكــــم000

جعلـك تحيــا

أن شــــاء اللـــه


وأشكـــر

أخـــوي

الــواضــح

اللي خلانـــا نطــرح هــالقصيــــده


شـــــــــــافـي

[ابن بداح]

تسلم يا شافي

على النقل لهذه القصيده الشهيره

ولكن تكفى ياليتك تكتبها مره أخرى بأتقان أكثر

الحقيقه فيه أخطاء كثيره بالوزن وفي بعض شطور القصيده إلى درجة تغير المعنى

الذي قصده الشاعر تكفى يا شافي تأكد من النقل الصحبح لهذه القصيده بالذات .

[ابن جـــــــراح]

الف شكر للواضح على فتح الموضوع

والف شكر للاخ شافي على طرح القصيده وسلمت يمينك يا شافي

ولا تخلينا من هالقصايد الجزله

تحياتي للجميع

[المولع]

لاهنت ياشافي وبيض اللــه وجهك

والف شكر للواضح على طرق هذا الباب

وتحياتي للشاعر ابن بداح على دقة الملاحظه ونتمنى منك ياشافي اعادة الطرح

لاهنتو جميع



تحياتي

[الواضح]

/الاخ \ شافي
لاعدمناك ....والله يرعاك
الاخوه ابن جراح والمولع
اسعدنا حضوركم و مروركم
ولكم مني كل التقدير

[اخو شما]

اقتباس من ابن جراح

الف شكر للواضح على فتح الموضوع

والف شكر للاخ شافي على طرح القصيده وسلمت يمينك يا شافي

ولا تخلينا من هالقصايد الجزله

تحياتي للجميع

الف شكر لكليكما

[البدر]

صح لسان الشاعر فهد مخشوش السبيعي ملاييييييييييييييين


لاهنت يالواضح على طرح هذا الموضوع ولاهان شافي على نقل القصيده .


اخوكم البدر

[شافي]

السلام عليكم ورحمة الله وبركــــاته

الأخوان

أبن بـــداح

أبــن جــراح

المــولــع

أخــوشمــا

مشكــــور لمـــروركـــــم ولا هنتـــــم جميـــــم واكـــرر شكـــري للأخ الــواضـــح على

فتــــح البــــاب لهــــذه القصيـــــده .........

أبــن بــداح والمـــولــع


هــذه القصيـــده ليــس بهـــا أخطـــاء في الــوزن وأنمــا هي كمــــا نقلت مــن الشيبـــان

والقصيــــده معــروفـــه لدى الصغيــر قبــل الكبيــر وكــافــه القبـــائــل

واذا قصــدك أخــوي ابــن بـــداح قــافيــه الشطـــر الأول مــن كــل بيــت هـــذا ليـــس

وكمـــا قلتلــك هـــذه القصيــــده كمـــا نقلتهــــا لكـــــم....

وفيـــه الكثيـــر والكثيـــر ممــاثلـــه لهــــذه القصـــيـــده وهــــذا لا يعتبـــر ضعــف

في قــافيـــه القصيــــده..

وســــوف أطـــرح أن شـــاء الله قصـــايـــد ممـــاثلــــه لهــــا

لشعـــــار سبيــــع الكبــــــار أمثـــــال...


سلطــــــان بــن مبــــارك الأدغــــــم

وعجــــران بـن شـــرفي

ودبيـــن بــن عســـــاف

وأبـــن نـــــوال

والطـــــويــــل



أخــــــوكــــــم

شــــــــــافــي

[ابن بداح]

ليسى هذا قصدي يا عزيزي

الطرق هذا معرووووف ويسمى الهلالي ولا فيه ملاحظة

قصدي الوزن وحذف وزيادة بعض الكلمات على العموم القصيده معروفه وسوف
أصححها لا حقاً أن سمحت لي والاختيار لك

تقبل أجمل تحياتي وتقديري .

[الواضح]

الاخ شافي
ماقصرت طال عمرك
اخوشما والبدر
نتشرف بحضوركم ومشاركتكم لنا
واستأذن اخي شافي - في اضافه بسيطه جدا
رعاية للخوف نزالة الخطر ...اهل مهار تنثني في الدبايل
يقول ابن مخشوش قول مؤكد...قبلي وبعدي منيعد الفعايل
انا نفلنا القبايل بثمان سوالف...نفلنا بها سموى جميع القبايل
لاياخذالحشاش ولايقطع النقذ...شره على سحج بكار الشمايل
والخامسه منهن سلامه لادغم...يروي سيوف مصقلات السلايل
لكن تنيدي عبيده على العشاء...تنيدي بدوشافوا البوش عايل
توضيح .................
(الحشاش) هومن يحش اويقطع للخيل والابل(البوش) هوالطرش اوالمال
(مرتنا تسير)اي ان المرأه تفك وتعدي من يدخل عليها وتفكهم من قبيلتهم لاياخذونهم0

[شافي]

السلام عليكم ورحمة الله وبركاته

أخي العزيز أبن بداح عفواً على ما سبق...

ولكن أنت قلت الوزن وحذف وزيادة بعض الكلمات..

أنا لم اتعبث في الوزن ولم أحذف ولم أزود كلمات جديده ولكن من قراء ردك قال أن

القصيد بأكملها مغيره في وزنها وحذف بعض كلمات القصيده وزيادة كلمات جديده في هذه

القصيده....... وفقك الله لما يحبه ويرضاه..

أنما أخي الواضح كان أقرب للقصد الذي كنت تقصده....

وأقول لأخي الواضح جزاك الله عنا خير ...

من ناحية القصيده فقد روية بروايات كثيره ولكن لم تغير في وزن ومعنى القصيده

ولكن انا لم أقول أنك مخطي لأن جميع الذي ذكرته موجود لدي ولو وضعت الأبيات

التي ذكرتها لرد بعض القراء وقال الأبيات ليست كذا ..وقال الأبيات التي قلتها انا أصلاً..


سوف أذكر لك بعض الأبيات بأختلافاتها....




عند الضحى عديت في رأس عيطا
عند الضحى شرفت في رأس عيطا

عيطا تهيض بادعين المثايل
رجمٍ يهيض بادعين المثايل

كبار البيوت مشيدين الذوايل
أهل مهار تنثني في الدبايل ( هذا البيت معكوس)

أهل مهار تنثني في الدبايل
كبار البيوت مشيدين الذوايل (ايضاً هذا البيت معكوس)

(( توضيح أخي الواضح أنها ليست البايل بل الدبايل فهذا صحيح لانه خطاء أملائي ))

قبلي وعقبي من يعد الفعايل
قبلي وبعدي من يعد الفعايل

ترى من فعايلنا ثمان سوالف
أنا نفلنا القبايل بثمان سوالف
أنا نفلنا الناس بثمان سوالف ( وهذا الشطر ليس له ذكر كثير )

يعرفونها سموى جميع القبايل
نفلنا بها سموى جميع القبايل

ثلاث منهن عامتنا كلنا
منهن ثلاث عامتنا كلنا

لا يأخذ الطارش ولا يقطع النقذ
لا يأخذ الحشاش ولا يقطع النقذ

لكن تنيدي عبيده على العشا
تسمع ببيته يوم ينادي على العشا

تنيدي بدو شافوا الطرش عايل
تنيدي بدو شافوا البوش عايل ( الطرش هو البوش )

والثامنه منهن عشر الركايب وأهلهن
والثامنه فعل أهل العشر منــا


أمـــــا فعل ســـلامــه الأدغــــم....

فأنت قلت
والخامسه منهن سلامــه الأدغــــم

فهذا ليــس صحيح.....

والصحيح...


والخامســه منهـن للأدغــــــم ســـلامـــه
يروي سيـــــوف مصقـــــلات الســــلايل

ولا مـــن عطـــا عطيـــةٍ مـــا يمنهــــــا
يعطــي النجــايـب والمهــار الأصـــايـل

ولا مــن زبـــن بــه مجـــرمٍ لا يـــذ نبـــه
جـاء الحـول مــا جـاء فيـه عــدل ومـايـل