المساعد الشخصي الرقمي

مشاهدة النسخة كاملة : كم واحدن راكبن له موترن دردعه

حمر عين
26 - 02 - 2004, 18:45
قال لي : شف موتره .. وتدري إن ماعندك أحد
قلت :


مظاهر الناس بعض الناس ماتخدعه = يطالع الشخص قدامه من أربع جهات
يمر بالتجربه فأحواله الأربعه = في العسر واليسر والسهلات والمشكلات
وإليا طلع بالنتيجة قال ماتسمعه = إما مدح صدز وإلا ورد البينات
يصير مدحه بحجه واضحه مقنعه = ويصير سبه على شي مثبت ثبات
ماهوب مثلك يحب النصب والطرطعه =ولايحب الشماته ياكثير الشمات
ولايغره جمال اللبس والأقنعه = زين المظاهر ماحط المرجله في البنات
وليا بغيت الحقيقة يازبون السعه = خذ زبدة الهرج كانك ماتحب السكات
كم واحد راكب له موتر دردعه = يسوى ميه من هل البنزات والفكسرات
اخو شما
26 - 02 - 2004, 23:34
ولايغـره جمـال اللبـس والأقنـعـه=زين المظاهر ماحط المرجله في البنـات
وليا بغيـت الحقيقـة يازبـون السعـه=خذ زبدة الهرج كانك ماتحب السكات
كم واحد راكب لـه موتـر دردعـه=يسوى ميه من هل البنزات والفكسرات

اخوي حمر عين
فعلا نحن كسبنا بأنضمامك الينا شاعر متميز
صح لسااااااااانك على هالقصيد الجزل
ودمت على خير
اخو شما
السيف
27 - 02 - 2004, 20:36
بيض الله وجهك يا حمر عين على هالقصيدة الجزله


والله لا يحرمنا من القصيد الجزل والشعار الطيبين شرواك


مشكور على المشاركة الممتازة


سجل اعجابي مرة والف مرة


تحياتي
طويق
28 - 02 - 2004, 00:21
حمر عين يا أخي كيف حالك ماشاء الله
وبعدين اسمع :
























تغيب عن المنتدى مرة ثانية .. أمصع أذانيك


























سامع والا لا ؟






















إيوه ناس ماتجي الا بالعين الحمراء





















أحسن يالمراقب شديد
نجم ظهر
28 - 02 - 2004, 13:35
الله يعطيك العافية حمر عين على الأبيات الجزلة
وصحيح الرجال مخابر وليست مظاهر
ابن جـــــــراح
28 - 02 - 2004, 16:57
حمر عين

صح لسانك مليون في مليون

قصيده جزله

وفعلا نرى في هذا الوقت من ينخدع في المضاهر ومن الناس من يجعل سيارة الشخص هي مقياس الرجوله عنده

لا فض فوك يا حمر عين على هالقصيده

بعدين يا خوي وش هالقطعه لك مده ما شفناك عسى المانع خير ان شاء الله

تحياتي لك
][ســ^ع^ــود][
28 - 02 - 2004, 22:42
صح لسا1111111111111111111111111111111111111نـك مليون .. لا هنت على القصيده الرئاعه وفعلً الرجال مخابر وليست مظاهر
البدر
29 - 02 - 2004, 03:22
لاهنت ياحمر عين وصح لسااااااانك ملايييين

قصيدة جزلة من جزل تغيب عنا ولكنك تعود لنا متميزا كما عهدناك .


اخوك البدر
مروّض
29 - 02 - 2004, 08:11
قرأت قصيدتك الأولى و أعجبتني معانيها..و قلت أتلذذ بقراءة قصيدتك الثانيه...

و فعلا وجدتها جميله و معانيها فريده...استمر لافض فوك...

لعل الشعر يغيّر و يصحّح بعض قناعات الناس الخاطئه...مثل حب المظاهر..

لا أدري و لكن أرى أن تجرب المحاورة لأن لك درايه ببدع المعاني و الأمثال..

و دمت ...و دمتم...
طويق
29 - 02 - 2004, 13:44
كما قال مروض ياحمرعين وش رايكم تقهوون عندنا في منتدى المحاورة نفدى ذا الخشم ان تقول تم

تم ........ تم,,,,, أنا طالبك

يامروض لاتروح بعيد



يمكن حمرعين يبغاك
smart
29 - 02 - 2004, 16:37
صح الله لساااااااااااااانك مليوووووووووون ياااااااااحمر عين

قصيده في غااااااااااااية الجماااااااااااال الرووووووووعه


لووووولا هااالجزله لحااااكمنااااااااك:D:D

الحمدلله على السلااامه

مرحباااااااااا مره اخرى



تحياااااااااااااااااااتي لكم
حمر عين
01 - 03 - 2004, 21:52
أخو شما :
يامرحبا ومسهلا
صح بدنك
يشرفني حضورك وإعجابك

السيف :
يامرحبا ومسهلا
و وجهك أبيض .. لاخلا ولا أعدم

طوييييييييييييييييق :
يامرحبا ومسهلا .. كيف حالك يامراقب
طالبينك .. مانبي عنف (الله يكفينا شرك :) )
وأبشر باللي تبي

نجم ظهر :
يامرحبا بك ومسهلا
يشرفني مرورك طال عمرك

إبن جراح :
يامرحبا ومسهلا .. ملاييييين
يشرفني حضورك وإعجابك
أما بالنسبة للغيبة .. فأنت خابر .. مشاغل وإرتباطات .. بس إن شاء الله نقدر على الحضور المتواصل مع الجماعه ومشاركتهم

سعود :
يامرحبا بك ومسهلا
يسرني حضورك طال عمرك

البدر :
يامرحبا ومسهلا
صح لسانك .. ولاعدمتك
وأرجو المعذره على الإنقطاع .. غصب عني والله

مروّض :
يامرحبا ومسهلا
يشرفني حضورك وإعجابك ..
الرديه .. يالله قدام .. رديه رديه

طويق :
يالله حيه ..
دايم تحب تورطني .. لكن يعين الله

smart :
يامرحبا ومسهلا
صح بدنك وطول الله عمرك على طاعته
ابن شطيط
02 - 03 - 2004, 01:09
صح لسانك اخي حمر عين

ونبارك رجعتك لنا

بعد ماحستني شوي في رسالتك الأخيره

لكن هلابك مره ثانيه وسعت بشوفت اسمك ومشاركتك

لافظ فوك وصح لسانك مره ثانيه

ولك التحيه

اخوك

ابن شطيط
ابو مترك
13 - 03 - 2004, 11:04
حمر عين صح لسانك اشهد لله انها قصيده جزله من شاعرٍ جزل.
تقبل تحياااات اخوك ابو مترك
عيسى السبيعي
13 - 03 - 2004, 13:14
الأ خ حمر عين

وعليكم السلام ورحمة الله وبركاته

ماهوب مثلك يحب النصب والطرطعـه= ولايحب الشماتـه ياكثيـر الشمـات
ولايغـره جمـال اللبـس والأقنـعـه= زين المظاهر ماحط المرجله فـي البنـات
وليا بغيـت الحقيقـة يازبـون السعـه=خذ زبدة الهرج كانك ماتحب السكـات
كم واحد راكـب لـه موتـر دردعـه=يسوى ميه من هل البنزات والفكسرات

صح لسا نك ملاييين في ملاييين على هالدره الجميله

بجمال إختيار صاحبها 00


تحياتي // الواسطه
حمر عين
23 - 03 - 2004, 02:30
إبن شطيط :
مرحبا ومسهلا
مرورك يشرفني ويسعدني
لوداري ما أرسلتها :)

أبومترك :
مرحبا بك ومسهلا
صح لسانك

الواسطة :
عليكم السلام ورحمة الله وبركاته
مرحبا بك ومسهلا
صح بدنك