المساعد الشخصي الرقمي

مشاهدة النسخة كاملة : ارمـــــع الـلــغــــز

المزاح
02 - 03 - 2004, 01:00
السلام عليكم .....أسعد الله اوقاتكم بالخير والمسرات .............

اطرح لكم هذا اللغز وهو لشاعر ثامر السبيعي .......وان شاءالله ترمعونه ........


أطرح سؤالي للرجال العواريف = أهل القلوب الواعيات الفهيمه

ياويش بنتٍ شافت النقص والحيف = وفالوقت هذا مالها زود قيمه

ومنول مقدارها بروس المشاريف = عند العرب شيخه وبنتٍ حشيمه

من حاشها حظه يسوى معاريف = ويشيخ من شيخة هذيك اليتيمه

وسميها صوته سوات الغطاريف = فكر وجاوبني يامال الغنيمه

وسلامتكم
ابن جـــــــراح
02 - 03 - 2004, 02:06
عندي رمعه يا المزاح

مير ما عمرك قلت لي رمعتك صحيحه

لكن وش رايك في

الربابه

وتقبل تحياتي
المزاح
02 - 03 - 2004, 02:33
يامرحبا يابن جراح

مادامك تقول ماعمرك قلتلي رمعتك صحيحه اجل بنخلي رمعتك هذه من ضمن رمعتك غير صحيحه هههههههه

الله لايهينك على المحاوله وننتظر منك الثانيه وان شاءالله بتجيبها ......

تحياااااااتي
smart
02 - 03 - 2004, 09:31
لاهنت يااالمزاااح

لغز طيب

ابن جرااااح ماعنده ساالفه:p

انا اللي عندي سااالفه ورمعه:cool:

وش رااايك بالمحماااسه

هاه صح والا اخاوي ابن جراااح:o

تحيااااااتي
المزاح
03 - 03 - 2004, 01:03
مرحبا ياسمارت وحياك الله


وبالنسبه الى رمعتك غير صحيح هذا اول شي

وثانياْ ياسمارت المحماس مايقال له المحماسه واتضيرها على كيفك ههههههههههههههههههههه الحيييين ابن جراح وش بيرد عليك هههههههه

تحياااااااتي .......
اخو شما
04 - 03 - 2004, 01:35
يالله نجرب نرمع:D
الرمعه تقول انها الضو او النار
اذا كانت الرمعه مع جنبها فلاتعتبرها رمعه;)
واذا كانت الرمعه في 18 فتكون رمعه ولا ايوها رمعه:rolleyes:
اخو شما
04 - 03 - 2004, 01:43
اش ربابه ومحماسه:mad::mad:
الا انا ودي ارمع مره ثانيه;);)
بس ترى الاوله محسوبه اذا كانت صحيحه
الرمعه الثانيه هي البندق
المولع
04 - 03 - 2004, 15:06
اناماني باطيب من الشباب

بس حبيت اشارك

الظاهر انها الشجاعه او القرامه

قل صحيحه لو هي خطاء

ههههههههههههه

جاملنا اول مشاركه في الالغاز
شامان
04 - 03 - 2004, 16:10
السلام عليكم ورحمة الله

عندي احتمالين واحد ضعيف وواحد قوي

الاحتمال الاول " العزوة" وهو الضعيف

الاحتمال الثاني وهو الاقوى "النجر" وانشاء الله الحل صحيح

كما يسعدني ان أخبر اخو شما اننا ما زلنا على الوعد وما راح ينفعه مشعاااب مشااعيبو

شاااامااان
المزاح
06 - 03 - 2004, 23:05
مرحبا يا اخو شما وحياك الله انت ورمعاتك

ولكن الرمعات غير صحيحه وحاول مرةٍ اخرى وان شاءالله تجيبه ........

لاهنت على المحاوله الطيبه

تحيااااااتي ...

/////////////////////////////////////////////////////////////////////////////////////////////////////

مرحبا ياالمولع وحياك الله

وبالنسبه الى رمعتك غير صحيحه ولكن اتجاه تقدر تقول حلووووو

لاهنت على المحاوله وحاول مره اخرى يمكن تصيبه .....

تحياااااااتي ............

/////////////////////////////////////////////////////////////////////////////////////////////

مرحبا ياشامان وحياك الله

وبالنسبه الى الرمعات غير صحيح واما الرمعه القويه اللي تحس انها اقوى >>المطلوب ياشامان بنت وليس رجل ...

لاهنت على المحاوله ويعطيك العافيه وحاول مره اخرى ...

تحيااااااتي .......
smart
07 - 03 - 2004, 22:11
افا يابن جراااااااح دائم رمعاااتك جنب القديه:(

اقووول لك المحمااسه غلط ماااتطيع ياابن جراااح:p



طيب يااااااااااالمزاااااااااااااااااح


وش رأأأأأأأأأأأأأأأيك باااااااااالجنيه:(قصدي الجنبيه


تحياااااااااااااااااااتي لك بلا حدووود
نديم القوافي
08 - 03 - 2004, 11:07
خوي العزيز // المزاح


الربع والله رمعاتهم طيبه

لاكن أبارمع معهم وشرايك (((( الحمية )))



ولا نيب اطيب من الربع اللي رمعو
المزاح
09 - 03 - 2004, 01:54
مرحبا ياسمارت

وثانياْ لاعاد تسمع ابن جراح تراه يوهقك في الرمعات ........

وبالنسبه الى الرمعه >>>>>غير صحيح >>>>>> وبوضحلك مادام ابن جراح وهقك>>> الحل هو محسوس ؟

تحيااااااتي .....
المزاح
09 - 03 - 2004, 01:58
مرحبا يانديم القوافي

بالنسبه الى الرمعه >>>غير صحيح وحاول مره اخرى

ولاهنت

تحيااااااتي
smart
19 - 03 - 2004, 17:10
لغز صعب ومحير ياااااااالمزاااااح



ابن جرااااااااااااااااح وين الرمعاااااااااااات:p



ذا المره استشرت اخووشمااا


وش رأأأأأأأأأيك في


الامااانه










تحيااااااااااتي لك
المزاح
22 - 03 - 2004, 02:49
مرحبابك ياسمارت

ورمعتك غير صحيحه ولاهنت على المحاوله وبيض الله وجهك

حاوووووول

تحياااااااااتي
السيف
22 - 03 - 2004, 23:08
السلام عليكم ورحمة الله وبركاته

عندي رمعة بس الله وعلم عنها

وش رايكم في ( الفرس ) الخيل الاصايل

وسلام ختام
المزاح
23 - 03 - 2004, 02:58
مرحبا ياالسيف

وبالنسبه الى الرمعه غير صحيح وانا موضح انها حاجه محسوسه .....

لاهنت على المحاوله وتسلم

تحياااااتي
CLICK10
23 - 03 - 2004, 13:14
وش قولتكم فييييييييي....
الشوزن او البندق( البندقيه)......
وسلامتكم.....
CLICK10
23 - 03 - 2004, 13:19
المحاوله الثانيه والله العالم انها هي الصح
اقول انها دلة القهوه.....
وسلامتكم مرةً ثانيه...
المزاح
27 - 03 - 2004, 02:39
مرحبا CLICK10

وبالنسبه الى رمعاتك غير صحيحه والله لايهينك

تحياتي