برقعك يازين قامت تلاعبه الهبوب

[مبارك مقين]

برقعك يازين قامت تلاعبه الهبوب =وانت تدريبه لكن ماانت حريص عليه

يالميع الاوكسجين وشفق وقت الغيوب= لاارتفع عنه الغطى جعل ربي يبتليه

عزتي للي يشوفه وهوناون يتوب= راح مرواح القطا والشمالي مقتفيه

بري حالي منه بريت محاحيل الغروب= عند شراخ يحوفه ويرك النار فيه

ونتي ونت خلوجن تلد لكل صوب= تخترش وان بان زولن بعيد تلد فيه

احتدوها بالعصا في الترايب والجنوب= لين شال حوارها اللي بماله مشتريه

حرك الموتر وقفا وهي قامت تلوب= والحبال مجوده من فقاره ليديه

كن وزيز ضلوعها جندب الصيف اللعوب= تطلع من الذود يم الطويل وتعتليه

والله اني مثلها بين غالب ومغلوب= مرة عاقل وعشرين مراتن سفيه

انفرا جيبي وانا صابرن صبر مغصوب= طاحله في يد عدون بيلعن والديه

الجفا يا ناعس الطرف مهوب محبوب= لو سألت ادنى بشر قال والله ما نبيه

وانت تسبح للمفاتن تحملنا الذنوب= وأن بغينا ناصل حماك ما نقدر نجيه

[ابو سعود 99]

الأخ مبارك مقين صح لسانك على هذه القصيدة الجميلة

[خالد الشماسي]

كن وزيز ضلوعها جندب الصيف اللعوب=تطلع من الذود يـم الطويـل وتعتليـه
والله اني مثلها بيـن غالـب ومغلـوب=مرة عاقـل وعشريـن مراتـن سفيـه


ما أجمل هذه القصيدة الجزلة الراااائعة


صح لسانك وسلم نبضك و كلماتك المتناثرة لؤلؤاَ في انحاء هذه الرومانسية الجميلة


كم انت مبدع في هذا الزمان الذي لم نعد نجد فيه مبدعين

تسجيل اعجاب بشخك وشعرك الرائع


سيتم نسخ القصيدة للقصائد المميزة

[مبارك مقين]

صــــــــــــــح لسانك اخوي ابو سعود 99

[مبارك مقين]

صــــــــــــــح بدنك اخي العزيز خالد


والله ان كلامك وساااااااااام على صدري و شهادة اعتزبهااااااااااااااااااااا




وتسلم يالطيب

[أبو فراج]

الله .. الله .. الله




صح لسـانـك يا مـبــارك




تحيتي

[العضيب]

انفرا جيبي وانا صابرن صبر مغصـوب طاحله في يـد عـدون بيلعـن والديـه
الجفا يا ناعس الطرف مهوب محبـوب لو سألت ادنى بشر قال والله مـا نبيـه
وانت تسبح للمفاتـن تحملنـا الذنـوب وأن بغينا ناصل حماك ما نقـدر نجيـه



الله يابو بندر..... الروعة لاتكتمل الا بعذوبة معانيك الجزلة ورومانسيتك الجميلة


صح لسانك

[مبارك مقين]

أبوفراج الله الله الله يجزاك الخير وتسلم على المرور والتعليق ياالطيب

[مبارك مقين]

ولدالعضيب من ذوقك الشعري الراقي يالطيب تسلم ياهلابك والله

[ابن شطيط]

صح لسانك يامبارك

قصيدة جزله من شاعر جزل

لاهنت..

[خيَّال الغلباء]

برقعك يا زين قامت تلاعبه الهبوب =وأنت تدريبه لكن ما أنت حريص عليه

يالميع الأوكسجين وشفق وقت الغيوب= لا ارتفع عنه الغطى جعل ربي يبتليه

عزتي للي يشوفه وهو ناون يتوب= راح مرواح القطا والشمالي مقتفيه

بري حالي منه برية محاحيل الغروب= عند شراخ يحوفه ويرك النار فيه

ونتي ونت خلوج (ن) تلد لكل صوب= تخترش وإن بان زول (ن) بعيد تلد فيه

احتدوها بالعصا في الترايب والجنوب= لين شال حوارها اللي بماله مشتريه

حرك الموتر وقفا وهي قامت تلوب= والحبال مجوده من فقاره ليديه

كن وزيز ضلوعها جندب الصيف اللعوب= تطلع من الذود يم الطويل وتعتليه

والله إني مثلها بين غالب ومغلوب= مرة عاقل وعشرين مرات (ن) سفيه

انفرا جيبي وأنا صابر (ن) صبر مغصوب= طاحله في يد عدون بيلعن والديه

الجفا يا ناعس الطرف مهوب امحبوب= لو سألت أدنى بشر قال والله ما نبيه

وأنت تسبح للمفاتن تحملنا الذنوب= وإن بغينا ناصل حماك ما نقدر نجيه

أخي الكريم الشاعر / مبارك مقين السلام عليكم ورحمة الله وبركاته وبعد : صح لسانك وسلم نبضك وبنانك وإعتلا شأنك على هالقصيدة الرائعة والحكمة ضالة المؤمن أينما وجدها فهو أولى بها والشعر الشعور هو الذي يحرك المشاعر ويهز الوجدان ويجعل الشاعر والسامع يتهيض وكل عام وأنتم بخير وصحة وسلامة والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .

[محمد التواما]

صح لسانك يامبارك

[مبارك مقين]

صـــــــــــــــــــح بدنكم اخواني ابن شطيط وخيال الغلباء واخو ساره

تسلمون على مروركم الغالي علي

وبيض الله وجيهكم

[بقمي مع السبعان]

عزتي للي يشوفـه وهونـاون يتـوب
راح مرواح القطـا والشمالـي مقتفيـه

بري حالي منه بريت محاحيل الغـروب
عند شراخ يحوفه ويـرك النـار فيـه

ونتي ونت خلوجن تلـد لكـل صـوب
تخترش وان بان زولن بعيد تلـد فيـه

احتدوها بالعصا في الترايب والجنـوب
لين شال حوارها اللي بمالـه مشتريـه



بيض الله وجهك وصح السانك وعزالله إنها قصيدة جزله

تقبل مروري

[مبارك مقين]

بقمي مع السبعان


صح بدنك ياراعي الشاص


وتسلم على المرور والتعليق



ولاهنت