حزن صدام

[البدر]

احزن على بعدك مثل حزن صدام *** على العراق اللي خذوه العلوجي


الرجاء من الاخوه المشاركه معي وكل يجيب بيت على هالبيت حتى تصير قصيده
بس تراني اعلمكم من هالحين ا بنشرالقصيده باسمي :D :D :D

[ابن جـــــــراح]

احزن على بعدك مثل حزن صدام *** على العراق اللي خذوه العلوجي
يا حي راس الرووس لا قال قدام *** نقـدم ولا نخشـى جميـع اللـحوجي
نقدم على الكفــار عبــاد الاصنام *** وانقفل الدعوى بكــل الــدروجــي
يا صاحبي والحظ لا طاح ما قـام *** كــل غــــدا يحتـــاج حـنا و روجي
لكن ترى هالوقت يحتاج حجـــام *** حتى يبين اللي بوسط البــروجـــي

اخوي البدر
شكرا على هالموضوع وتراي ماني بشاعر لكن محاوله عسى ان تحوز على رضاك
وانت خذ اللي يجوز لك واحذف الباقي

تحياتي لك
اخوك بن جراح

[البدر]

الله لا يهينك يابن جراح وما يجي منك الا كل شي طيب
القصيده رائعه وما ينحذف منها شي والتواصل مستمر انشالله

[السيف]

السلام عليكم ورحمة الله وبركاته

هذه قصيده بدايتها رحله في يوم عصيب

عزالله انا مالنا مصلوح في رحلة في غار حاباني
والله لو ما تيسهم ماذبوح ما جي لو العزام قد جاني
ازريت من مشي الفلا والصوح وقت ومعاصير ورقاني
لو ان عشبه والرياض اتفوح بدلت الامريكي بياباني
لكن قلبي في الفلا مشفوح يمشي على كيفه وعناني

[الهريظمي]

ابن جراح ماشاءالله عليك شاعر مبدع تكملتك للقصيده رائعه جدً وأتمنى لك التوفيق /أخوك الهريظمي

[ابن جـــــــراح]

اولا نشكر البدر على وضع هالموضوع

بعدين اقول يا الهريظمي لا تطيرني بالعجه والله اني مامن شعر :D :D

هي لا جت بيتين ثلاثه خذ ولد اما ازود لا والله نمسك الارض

لاهنت يا الذيب على الاطراء الجميل و بيض الله وجهك

[البدر]

يابن جراح انت شاعر وشعرك مافيه كلام وبيوتك كلها ممتازه ماينرد منها شي

[الراوي]

لا تحزن على الشعب العراقي..
بل إفرح لاخواننا العراقيين..
بزوال الطاغيه صدام ..

وصح لسانك على القصيده الرائعه

[محمد الزعيري]

احزن على بعدك مثل حزن صدام *** على العراق اللي خذوه العلوجي
يا حي راس الرووس لا قال قدام *** نقـدم ولا نخشـى جميـع اللـحوجي
نقدم على الكفــار عبــاد الاصنام *** وانقفل الدعوى بكــل الــدروجــي
يا صاحبي والحظ لا طاح ما قـام *** كــل غــــدا يحتـــاج حـنا و روجي
لكن ترى هالوقت يحتاج حجـــام *** حتى يبين اللي بوسط البــروجـــي

حزني عليك ايزود عام\ن\ بعدعام ||||| وفيك انت ماسمع خايعات الهروجي

وصدام راح ورحته مثل الاحلام |||||| راحوا به الكفار في وسط بوجي

وان رحت مثلةرحت تايه ومنضام|||||| دايم مع الذكرى لحالي وادوجي]

اخوي البدر[/size]

اسعد الله ايامك ولياليك
الله اعلم اني بغيت اكحلها وعميتها مير لك مطلق الحريه
في تغيير البيت اوتغيير موقعه في القصيدة او حتى حذفها كلها اذا ماتصلح

وتقـــــــــــــــــــــــــــــــبل تحيــــــــــــــــــــــــــات واشـــــــــــــــــــــواق
اخـــــــــــــــوك / الزعــــــــــــــــــــــــــــــــــــــــــــــ ـــــــــــــــــــــــــــــــيري

[محمد بن سلطان]

صح لسانكم يا اخوان ...

[نديم القوافي]

احزن على بعدك مثل حزن صدام *** على العراق اللي خذوه العلوجي


احزن على بعدك مثل حزن صدام= على العراق اللي خذوه العلوجي
مابين قدراوت ومابين ول كام = ظاقت على صدام كل الفجوجي
لاونه اقوا من تماثيل الاهرام = طيارتن تقصف ولاخرى تروجي
يوم اوصفك في مثل هل وضع مالام=لانك ذهبت وفي ضميري تلوجي
احوم مثل الطير فال جو لاحام= وحن لك مثل حنين الخلوجي

[ولدالوجيرب]

احزن على بعدك مثل حزن صدام*******على العراق اللي خذوه العلوجي

خذوه بعد ماكان يمشي بالاعدام*******روس الرياجيل حطها في الخروجي

اصبح ورى الجدران ومحكوم بعدام******وحنو عليه الناس حنين الخلوجي

قامت عليه الكلاب تدوس بالاقدام*******من عقب ماكان امره فوق الدروجي

منولا يآمر على العبيد والخدام*******واليوم يآمر عليه خوجي وسلوجي

قامت اسرئيل تنادي قدام قدام*****هذولا العرب مافيهم احدا يدوجي

ويهني من صلى الفروض وصام****وخذله بعد من قيام الليل روجي


تسلم يالبدر على الموضوع الجميل


وترى ماني بشاعر

ولكن نحاول لعل وعسى تعجبكم:o;)

اخوي اخذ الي عجبك وترك الباقي:icon_eek:

[البدر]

ابو حمود

لاهنت على المرور طال عمرك وعلى الابيات الجميله التي كتبتها وانت شاعر وقصيدك كله درر ما ينحذف منه اي شي .


ابو مشعي

لاهنت على المرور طال عمرك وعلى الابيات الجميله وسعداء بهذا التواصل الجميل


ولد الوجيرب

لاهنت على المرور يالغالي وعلى الابيات الجميله وبصراحه كلها ممتازه ما ينحذف منها شي سعداء بهذا التواصل الجميل .