قصيدة حزمي فراج السبيعي

[حزمي السبيعي]

بسم الله الرحمن الرحيم


هذي القصيدة لشاعر حزمي فراج حزمي المجمعي السبيعي

ياصاحبي في بعدك تشين الاخلاق..
ما للسعاده في غيابك مجالي..

من ليلة إفراقك علي الفضا ضاق..
وجتني إهمومي من جنوب وشمالي..

هم المفارق بين الاضلاع حراق..
ويصلاه من نار الهواجيس صالي..

لا غبت عني ساعه آحن وأشتاق..
وشلون وانته غايب" لك ليالي..

صبري على فرقاك ماعاد ينطاق..
لو شفت حالي كان تأسف لحالي..

يامطول الغيبات ياكثر الاشواق..
تسوقني لك مثل سوق الجمالي..

من دون شوفك ماهدا بالي وراق..
ليتك تحس بغيبتك وش جرالي..

أنت الوحيد اللي له القلب تواق..
يامشغلن عقلي وفكري وبالي..

بيني وبينك عهد صادق وميثاق..
واليوم أشوفك صرت داله وسالي..

وأنا من المغرب الى وقت الاشراق..
ومن الصباح الين وقت الزوالي..

عايش بضيق وهم وأحزان وأرهاق..
ولاشي بعدك في حياتي صفالي..

[حزمي السبيعي]

أتمنا ان تحوز على رضاكم

[ابو راجس]

لاهنت علي القصيدة

[حزمي السبيعي]

الله لا يهينك مشكور علا المرور

[ماجد الشماسي]

صح لسانك

[حزمي السبيعي]

صح بدنك ولا هنت

[ذرب الايمان]

صح السانك ولاهنت على القصيدة

[حزمي السبيعي]

مشكوور اخووي على المروور اخوي ذرب الايمان

[حزمي السبيعي]

الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين
«®°·.¸.•°°·.¸¸.•°°·.¸.•°®»حـــــــــــــــــزمــــ ـــــــــي «®°·.¸.•°°·.¸¸.•°°·.¸.•°®»مـــــــــــــــــــشـــ ــكور عــــلــــــــــي الــــــــــقــــــــــصــــيده بارك الله بك , شكراً أخي الكريم

[سفير المجامعه]

شـــــــــــاعـــــــــــر ياحزمي والله يوفقك

[مجري مسند حشر]

هذه القصيده للشاعر / غانم بن نوار السبييعي مدح في 00 مجري بن مسند بن حشر البسبيعي


سلام للي يرفع الراس طاريه
اللي لنا من طاري اسمه مهابه
شيخ" علا العليا تسوقه هقاويه
ذيب" تسلسل من عرين الذيابه
يامن به الصاحب ويشبع بناخيه
ومن رافقه مامل رفقة جنابه
ان كان به للطيب راعي فراعيه
مجري ولد مسند نعم لا غرابه
راع الكرم فالطيب محد" يجاريه
له مجلس" للضيف ماصك بابه
اليا عطا مامن ماكان معطيه
يوم ان بعض الناس رزقه هبابه
والياحماالموقف وشانت به وجيه
يقدم له مجري بعزم وصلابه
شجيع راس وباس محد" يحاليه
اخو حشر عساه ياكل شبابه
حقه علي المدح واجب وباديه
وراع العمل يجزا بقدره ثوابه
وانا افتخربه يوم تحمد مساعيه
وغيري بعد تفخر قبيله ولابه
تشهد له الاجناب واللي مخاويه
غير الكرم والطيب خلق وذرابه
هذا بعض مانذكره من حسانيه
ومحاسنه ماتنحصر بالكتابه
الشعر في شرواه تعلو معانيه
لانه علو وكل عالي رقابه
وختامها يالله ياربي تخليه
للي ليا صكت عليه التوابه

[سفير المجامعه]

[ كفو والله يامجري يااخو حشر ويكفي انك من المجامعه]

[سمح آلمحيآ]

صح السانك وبيض الله وجهك

قصيده مايلحقها كلام


والله لايهينك ياخوي

[الله يجيب الخير]

صح لسان الشاعر حزمي ابن فراج المجمعي على القصيدة الجميلة
وصح لسان الشاعر غانم بن نوار على القصيدة
ويستاهل ابو سلمان

[فراج الفراعنه]

الشاعر غانم بن نوار السبيعي صح لسانك علا القصيد الجزله

ويستاهل الشيخ مجري بن مسند المجامعه كل خير ولاهو غريب عليه فعل الطيب




تقبلو تحياتي.

[راعي المشاهيب]

السلام عليكم ورحمة الله وبركاته مشكور يابن فراج علي هذه الابيات الجزله وعزالله انها قصيده تفرج عن الخاطر

[راعي المشاهيب]

سلام عليكم اشهد بالله انها قصيدة جزله وصح لسامك يابو فراج ولاهنت ؟؟؟؟؟

[راعي المشاهيب]

شـــــــــاعر ياحزمــــــــي وصـــــــــــح لســـــــــانك علي هالابيـــــــات اللي اوقــــــــدت شـــــــــرارة مدفـــــــــــونه بين الاظــــــــــــــلاع والله ان النـــــــــوم حـــــــــارب العـــــــــــــين مـــــن بــــــعد قرائتـــــــــــها مما حــــــــداني علـــــــي مســـــــــك الــــــــــقلم والـــــــــدواه لتـــــــفريغ مـــــــافي الـــــــــقلب لست في مـــــــقامك ولاكـــــــن احـــــاول اتــــــعلم مـــــنك ؟؟؟

[مطنوووخ سبيع]

صحح الله لسانه
والله لايهينك