غلاك خلاني امسح رقم جوالك / حزمي فراج السبيعي

[حزمي السبيعي]

قصيدة لشاعر / حزمي فراج حزمي المجمعي السبيعي

غلاك خلاني أمسح رقم جوالــــــك ........ لا جيت أكلم يعلق معي جوالي..

يقول لاتتصل باللي على بالـــــــــك ....... أحرقتني باأتصالاتك على الغالي..

وفاتورتك نار فال الله ولا فالــــــــك ....... لولا رقم صاحبك ماقطع الارسالي..

وأقول ياهاتفي باادور أبدالــــــــــك ....... لاصار ما انت بمقدر بعض الاحوالي..

لولا صاحب ذالرقم ماجيت مشتالك ...... ولا سقت فيك الثمن لاونه ريالي..

ياصاحبي والله اني ضاميً هالـــك ...... للوصل والشوق بغيابك برى حالي..

يانور عيني عساك بخير وش حالك ..... سولف وهات العلوم أنواع وأشكالي..

ترا سوالفك تطرب خافق" جالـــــك ...... والله إنها في الفؤاد أحلا من الحالي..

أغليك وآهواك وأشتاقلك وأضمالك ...... وآموت بك عشق وانت الاول التالي..

مليت من كل شي الا من وصالـــك ...... له آنتظر وآتشفق قدلي ليالي..

فرصة لقانا اللي كادت ما تهيالــــك ...... من قبلها ياكثر همي وغربالي..

يبطون غيرك ولا وصلوا لمنزالــــــك ...... هم فالثرى وانت نجمك بالسماء عالي..

ياليتني معك في حلك وترحالـــــك ...... ياغايتي في الحياه وكل الآمالي..

[ابو راجس]

لاهنت علي القصيدة الرائعة جدا وبيض الله وجهك يا حزمي السبيعي

[ماجد الشماسي]

صح لسانك

[حزمي السبيعي]

وجهك ابيض يا ابو راجس مشكوور على المروور

[حزمي السبيعي]

صح بدنك يا ماجد الشماسي