ياكثر ماجاء على بالي طواري / حزمي فراج السبيعي

[حزمي السبيعي]

قصيدة لشاعر / حزمي فراج حزمي المجمعي السبيعي


ياكثر ماجاء على بالي طواري.. يعجز التعبير عنها في قصيده..

سارحً فكري مع الهاجس وساري.. وهاجسي مسراه لااحلامً بعيده..

مشغلن فكري بليلي مع نهاري.. و آتطرق لي مواضيعً عديده..

وكل ماجاء للغلاء والحب طاري..قامت الذكرى في بالي تستعيده..

واحدن في الطبع واسلوبه حضاري.. وفارقً جماله أوصافً فريده..

سج فكري وأنحرف قلبي أجباري.. وفي ضميري كل جرحً عاد عيده..

كن في صدري مثل طعن الشباري.. قطعت شريان قلبي مع وريده..

من كثر صبري ومن طول إنتظاري.. والله ان كني على حام الوقيده..

يامنى عمري ياحبي يا أختياري.. غيرك من الناس قلبي مايريده..

أنت عندي عارفن قدرك وداري.. لا تزيد الهم تكفي لا تزيده..

تم وصلك رد لي بعض أعتباري.. لا تضيع فرصة العمر السعيده..

[ابو راجس]

لاهنت وصح لسانك يا حزمي السبيعي

[حزمي السبيعي]

صح بدنك والله لا يهينك اخو ابو راجس

[ذرب الايمان]

لاهنت وصح الله لسانك

[ماجد الشماسي]

صح لسانك

[حزمي السبيعي]

أخوي ذرب الايمن وخوي ماجد الشماسي



مشكوورين وصحت ابدانكم ولا هنتووو