يالمسالم ودنا نعلب معك لو كان ساعه

[مشعاب]

وين المسالم نبا ناخذ من علومه=
وش شاف يومه نزل في البحر بهدومه=
ولا هاب من لجة المحيط ما لومه =
والملعبة ملعبتنا والقمر ساري =

يالمسالم ودنا نعلب معك لو كان ساعه = والمساري تقطع الدرب الطويل اليا مشيته
الرجل ما ينفعه يا كود شربه من ذراعه = شد بيتك يا زعيم القوم لامنك بنيته

[المسالم]

جاك المسالم ليامن وصله النابي=
فالمنزل اللي بنيته فالنبا النابي=
يالذيب ياللي عويت وشامخ النابي=
والملعبه ملعبتنا والقمر ساري=

ياهلابك ياخو عجرا بين ربعك والجماعه=مايهيبني جهام الليل لامني نويته

رفقة الطيب تسر اللي يدور للطماعه=والله اللي يعطي المخلوق وانا ماعطيته

[مشعاب]

والنعم والنعم والمشوار يا طوله=
كانك تبينا نفوز ونكسب الجوله=
خلك معي وانتبه والدار ماهوله=
والملعبه ملعبتنا والقمر ساري =

كل يوم انشوف ماركتٍ جديدة في البضاعه = والدنيماركين لو ورد ذهب لي ما شريته

والقيام بقدرة المسلم ليامنه استطاعه = والكتاب تشوف عنوانه ليامنك قريته

[المسالم]

ماهمني هالطريق ان طال والا قصر=
يوم المسافر يصلي جمع وايضا قصر=
وانكان يسكن عشاش انا سكنا قصر=
والملعبه ملعبتنا والقمر ساري=
كلها ياصاحبي قرطاس لزاق وشماعه=قبل مده ياعميل الخير شاريه وقنيته
ازدياد الخير قبل ذراع عرض وطول باعه=والكتاب اعرف مضمونه ليا مني فليته

[المسالم]

اخي مشعاب اسعدني اللعب معك والوقت عندي متاخر وياليت تسمحلي لأني مرتبط بمراجعه بكره قصدي اليوم
ولك مني جزيل الشكر والتقدير
تلميذك المسالم

[مشعاب]

متى بتكبر عقول جوفها فاضي=
وتفكر بروح حاضرها مع الماضي=
ولانيب زعلان مالقصه ولا راضي=
والملعبه ملعبتنا والقمر ساري =

كل ماجييت اتمشى شفت لي حفلة مجاعه = يرتجون اصحون ضباع يمليها فتيته
كل ربان يبا يسبح بعقله في شراعه =وانت وينك من سفينة نوح والمرسى حميته

[مشعاب]

صح بدنك

والله يوفقك دنيا وآخره

ما قصرت دايم كبير

بشعرك و معانيك

[المسالم]

الليل هرف وغابت فالسما انجومي=
ياذيب ياللي عوا في عالي ارجومي=
والطير من فوق عشتهم بدا يحومي=
والملعبه ملعبتنا والقمرساري=
ديرة لاشفت فارسها الى قلبه رعاعه=ياعسا مانيب شمات ٍ باهل دار مقيته
كل ماطبيت سوق المشترى ماشفت باعه=قايد البابورواناالمعتدي لاجا رميته

[المسالم]

تصبح على خير

[خالد الشماسي]

صح لسان مشعاب

صح لسان المسالم


بصراحه طاروق مميز كاصحابه

[خيال الصفراء]

الله لا يهينكم ماقصرتو



يلموني في منتداء سبيع

[عيسى السبيعي]

الله الله اخوعجراء والمسالم
صح لسان مشعاب وصح لسان المسالم
طاروق طيب ومنتاز ونادر الوجود في هذا الوقت
فالنت .
لاهنتوا على هذا المستوى الرفيع في كل شي
تحياتي للجميع

[شبيه الذيب]

الله الله

مشعاب تخو عجرا

والمسالم


صحت السنتكم ولاهنتم على الطاروق الحماسي

ليش ماكملتو


لازم مواحهه جديده وطاروق جديد

[ذيب الغراميل]

صح السانك يامشعاب وصح السانك المسالم
وبيض الله وجيهكم


طاروقكم ممتاز جدا

[البدر]

مشعاب

والمسالم


صحت السنتكم ولاهنتم على الطاروق الحماسي



اخوكم البدر

[مشعاب]

هلا والله بكم



مروركم يحفزنا على الاستمرار في العطاء

[شاعر المعنى]

صحت ألسنتكم ياشعار والله يعطيكم العافية

[المسالم]

الله الله المدير شافنا
عطوني البشت والمحزم الريس فيه
الف شكر يابو عمر على المرور والمتابعه
تحياتي لك

[المسالم]

الف شكر ياخيال الصفرا
على المرور والمتابعه
تحياتي لك

[المسالم]

الف شكر ياعيسى السبيعي
على المرور والمتابعه
تحياتي لك

[المسالم]

الف شكر ياشبيه الذيب
على المرور والمتابعه
تحياتي لك

[المسالم]

الف شكر ياذيب الغراميل
على المرور والمتابعه
تحياتي لك

[المسالم]

الف شكر يالبدر حي هالطله انت حي
على المرور والمتابعه
تحياتي لك

[المسالم]

الف شكر ياشاعر المعنى
على المرور والمتابعه
تحياتي لك