هداج تيماء قصيده مهداه للشيخ سلمان الفراج من راكـان بن بدن

[شافي بن عميش]

أضغط هنا للسماع القصيده (http://www.5ymah.org/upload/upload/wh_82445140.mp3)

http://www.5ymah.org/upload/upload/wh_82445140.mp3

.
.

للشعر في صدور الشواعير صولات ~ وكلن حسب شعره يحدد مساره
وأنا بعد عديت روس الطويلات ~ وحطيت لي في مرقب الشعر شاره
وجمعت بين العصر الأول مع الآت ~ لو كل نجمن يحترك في مداره
وحطيت لي في صفحة الشعر بصمات ~ حتى وصلت بما كتبت الصداره
وشاركت امثل موطني فالمهمات ~ الموطن اللي نفتخر في شعاره
دار الملوك اهل الطروق المخلاة ~ يوم ان كلن يفتخر في دياره
اهل الشريعه والعدل والمساوات ~ للشعب ريف وللمعادي دماره
هذا وأنا عندي هجوسن خفيات ~ لكن صدري ماتحمل زراره
للمال في يدين المناعير وقفات ~ واللاش لو كثرت فلوسه خساره
ومن لايسوي سواة سلمان بالذات ~ ماعز ضيفانه ولاسر جاره
هداج تيما فالليال العسيرات ~ ما جمع أمواله يدور تجاره
لو يملك الفراج بنك العقارات ~ كل بنا من طيب راسه عماره
ضاري على شيل الحمول الثقيلات ~ وكار الظفر والطيب والعز كاره
اليا وقف عداك روس المنيفات ~ يكفيك حزات المواقف قراره
ومن دون ربعه يعمل المستحيلات ~ من قو باس وقو عزم ونعاره
ولا ينثني عزمه ولا قال هيهات ~ ولجل الوفا والطيب يقدح شراره
سعيه لنيل الطايله والجميلات ~ مثل الذي يسعى لتحقيق ثاره
ولاهيب توفي حقه جزال الأبيات ~ ابخصترها في مجرد عباره :
لو يملك الفراج بنك العقارات ~ كلن بنا من طيب راسه عماره
.
.
.
.
..................لـ شاعر الأمه راكان بن بدن........................

[خيَّال الغلباء]

صح لسان الشاعر الكبير / راكان بن بدن ويستاهل الشيخ / سلمان الفراج

[خيال الصفراء]

لو يملك الفراج بنك العقارات ~ كلن بنا من طيب راسه عماره





بيض الله وجه الشاعر والله لا يهينك على النقل ويستاهل الفراج

[محمد التواما]

صح لسان الشاعر

ويستاهل ابن فراج

[عبيد ابو شيبه]

صح لسان الشاعر راكان بن بدن

والشيخ/ سلمان الفراج يفعل الطيب ويستاهله وكفو لها

ولاهنت اخوي شافي على النقل المميز

[خالد الشماسي]

صح لسان شاعرنا الكبير

راكان بن بدن على هذه الرائعة والجزلة في مدح


الشيخ سلمان الفراج أطال الله عمره


وابو احمد يستاهل القصيد والمدح