أقرب شاعر محاوره .. إطلع ميه [الأرشيف]

حمر عين

07 - 03 - 2004, 17:08

ياسلام الله على الشعار وأثني بالتحيه = للرجال اللي يشرفني ويسعدني لقاها
من يخاويني على الطاروق لاينقد عليّه = لين يمشي في أول الجره وياصل منتهاها

اخو شما

07 - 03 - 2004, 20:52

اجل خذ استلم الله لايهينك:mad::mad:

انت ياذا الرجال ياللي اسمك حمر عين
........................... وراك يالاقشر ماتروح تاكل شاورما:D
ولاتنسى الحساب علي انا
.......................... والله اني لو جيتك ماأسوي شي:(
انت ياذا الحمر عيونك وراها حمرا:eek:
......................... وش رايك اعزمك على كرنيش جده:rolleyes:
والله ان ماسكت ترا ماهو ازين لك
....................... لرسلك في جهازك فيروس انفلونزا الطيور:)

ااااااااااااااااااااااه
والله انه يتعب ذا الحمر عين
بس ان شاء الله بعد ماوريته العين الحمرا:mad:
انه ماعاد يتجرا:D:D

smart

07 - 03 - 2004, 21:45

لاهــــــــــــــــــــــــــــــــنت يـــــــــــــــــــــــــــاحمـــــــــــــــــــ ـــــــــــــــــــــــــر عــــــــــــــــــــــــــــــــــــــــــين

ننتظر حمــــــــــــــــــــــــــــــــــــــــــــر عــــــــــــــــــــــــــــــــــــــــــين ثاااااااااااني

وش قاااعد تسوووي ياااخوووشماااااا:)اشوووووووي وتصير قصيده نبطيه ممتاازه :)

اثرك شااعر حداااثي :(يعني من أهل الحداااثه

تحيااااااااااااااتي لكم

][ســ^ع^ــود][

07 - 03 - 2004, 21:55

ههههههههههههه الرجال قال اقرب شاعر ماقال اقرب راعي شورما وش بوفيته وشورما الله يهديك :d

نديم القوافي

08 - 03 - 2004, 00:21

وصلنا ولاندري ياويش القضيه= حمر عين مبداها وهو منتها
كتب في بدايتها بيوت قويه= وباقول لشعار يسعد مساها

مشعاب

08 - 03 - 2004, 00:42

أبـــــــــــــــــــــــــــــــوك إيـــــــــــــــــــــــــــــــــــــــه

حمر عين + نديم شدو حيلكم الليل طويل

بدون تلحيط يا اخو شما

تراني بحرق الأي سي عندك

خلك متلبد قبل اسكر المكتب كله

تراني عندي ام بي ياويييييييييييييلك

مشعاب اخو عجراء

اخو شما

08 - 03 - 2004, 01:09

شايفين كيف ردي على حمر عين حمّا المحاوره
فذلحين اترككم انتم والشاعر حمر عين
واطلع انا منها وانا سالم بدون اصابات:D:D

ياسلااااااااااام سلم
وين الصفوف:D:p:D:p

حمر عين

08 - 03 - 2004, 02:54

مرحبا ومسهلا
شرفتوا الماضوع بحضوركم

بعدين .. شف يا أخو شما
علشانك مشرف وأنا من عامة الشعب تقوم تحدني كلما شفتني على رصيف ..
ترى هذي مهيب طريقه
<------ واحد مرتفع ضغطه بس ذال من المراقبين .. ومسوي نفسه محترم :)

تراني بنادي لك صديقي .. أبوعمر

نديم القوافي :
كيف حالك ..
طيب.. أعطيك إختيارات وإلا مصمل على الإجابه

نديم القوافي

08 - 03 - 2004, 10:35

حمر عين
خو شما
ســـمارت
سعود
مشــعاب

الله يعطيكم العافية

اخو شما

09 - 03 - 2004, 08:07

يعني تهددني ياحمر عين بابو عمر:mad:

ترى البدر صديقي انا :D

وابو عمر يصير صديق للبدر

يعني صديق صديقي يصير صديقي:D:D

واذا انت صديق لصديق صديقي فتصير انت بعد صديقي:D:D:D

ابو مترك

09 - 03 - 2004, 08:13

استلم ياحمر عين بالنيابه عن عصابة راسي:

مرحبا بالشاعر الي يحترم رغبة خويه"= " لو طلب منه المخاوى نفسه القشرى عصاها
شاعرا له في ميادين الشعر وقفه قويه"= " مايخاف ولايهاب من ارضها ولا سماها

تحيااااااااااااااااااااااااااااااااااااااااااتي

حمر عين

09 - 03 - 2004, 13:26

البقا بك والنصيحه للخوي أغلى هديه = والنصيحه للعوارف ماتنقص مستواها
هو صحيح إن المطوّع هاتك عرض البنيه = يوم يفري ثوبها وإلا إحتماها من عداها

المولع

09 - 03 - 2004, 16:30

اللــه اللــه
هو صحيح إن المطوّع هاتك عرض البنيهيوم يفري ثوبها وإلا إحتماها من عداها
ننتظر الاجابه

سرى الليل

المهم انا ماسكٍ الصف

ابو مترك

09 - 03 - 2004, 16:52

النصيحه واجبه مير انت لاتنسى القضيه"="ليه تترك لوله واتجيب الاخرى من وراها
كان خايف من المطوع ليه تمنه العذيه"="وانت والله ياعميل الخيرماتلحق قضاها

حمر عين

09 - 03 - 2004, 17:39

توني في الأوله ..ماقلت لك غير الصبيه = ليه في تالي الزمن جوها عداها وأصدقاها
العدا يبونها توخذ من أهلها سبيه = وأهلها من حرها قامت تقطع في عضاها

طويق

12 - 03 - 2004, 13:12

عاشوا الشعار ... عاشوا

ابو مترك

12 - 03 - 2004, 17:17

مرحبا بك والمعاني بين هذيه وذيه"=" والبنيه حضها الاقشر على الرفقه رماها
ليتها ياصاحبي حطت على اشداد المطيه"="كان والله مايجيها من رفاقتها بلاها

حمر عين

12 - 03 - 2004, 19:15

العرب فيها حميه من عصور الجاهليه = مير صارت بندق الأجواد ترمي في خباها
والمطية لو تحرر من مجال الجاذبيه = كانت طارت فوق سطح الأرض وإحتلت سماها

ابو مترك

13 - 03 - 2004, 08:00

حمر عين!(سماها تراني قد سريتها لاكن لاعاد تعودها؟؟؟!!!

الحميه والشجاعه في العرب ماهي خفيه"="والسوالف لاستوت يازينها للي حكاها
والمطيه جو لها الاجناب بافكار اجنبيه "=" واخلفو ميرادها لعدودهم غصب وحدوها؟

حمر عين

13 - 03 - 2004, 10:14

أمرك :)

الحميه في العرب قدام ينسون الوصيه = وقبل جحر الضب تدخل داخله على عماها
وعقب حافتها االدول كل يبي منها حذيه = مالها غير المطوع لو عطاها ماعطاها

ابو مترك

13 - 03 - 2004, 10:44

سوقها ياصاحبي مادام فيها نار حيه"="ولا يعرف الجمره الا من برجلينه وطاها
الذبابه ماتجي ياكود به ريحة وريه"="والعرب دايم تجاهل بينها كثرة خطاها

روووووووح

مروّض

13 - 03 - 2004, 13:41

حمر عين....بو مترك

رديّه صخر...و طيبه بلحيل...و المعاني تعكس مستوى مبتدعها..

استمروا لا هنتوا...و الصفوف حيه..و الحضور يشجع..

و نحن ننتظر الى أين تتجه القافله؟..هل الى الشرق أم الى الغرب؟

لكن تكفون لا يكون نهايتها للسجن...احذروا المباحث

ترانا ما حنا ناقصين مشاكل...كافينا اللي فينا...

و دمتم اخوتي..

ابو مترك

13 - 03 - 2004, 13:53

الله يستر اخوي مروض.والله لايجيب الشر
تحيات اخوك ابو مترك

حمر عين

13 - 03 - 2004, 13:54

أخو شما .. سمارت..سعود..مشعاب..المولع..طويق..مروّض..
مرحبا ومسهلا
شرفتوا الماضوع .. وكاتب الماضوع .. بحضوركم المميز
يمال العافية

نديم القوافي :
تحية خاصة وتقدير ..لحضورك وسعة صدرك على أخوك ..
وأرجوا منك السموحه على التقصير

أبو مترك:
هلا .. وسهلا
ونعم .. وستين نعم باللي يحتمي ماقف عصابة رأسه
صح لسانك .. عزالله ماقصرت
تشرفت بمجاراتك واللعب معك طال عمرك