عضو جديد ... ووينك يابن بداح

[ابو تركي]

السلام عليكم ورحمة الله وبركاته

يسعدني كثيرا انضمامي لهذا الصرح الشامخ لخدمة تراثنا الشعبي



واتمنى ان اقدم ما يليق بهذا المنتدى الراقي واللي يمثل الجميع وبصفه خاصه قبيلة سبيع


وفقكم الله




ولدي مشاركه بسيطه وطاروق للاستفاده من الشاعر الكبير مفرح بن بداح



استلم يابو عبدالله


على منتدى ربعي هل الماقف المشهود
................................سلامي سلام ٍ ساع ما جات حزاته


الا يامفرح شد حيلك سواة حمود :)
...........................وابن ضاوي اللي تعرف القوم وقفاته

[اخو شما]

حياك الله يابو تركي
ونتشرف بأنضمامك الينا
وبودي ايها الكريم ان تذهب لمنتدى الترحيب والتهنئه
وتقدم نفسك هناك
ليتسنى لأخوانك وابناء عمك الترحيب بك
حياك الله مره اخرى
ودمت على خير
اخو شما

[ابو تركي]

الله يبقيك ياخو شما


الترحيب منك ومن شرواك ماهو غريب



شكرا لك



اخوك ابو تركي

[ابن بداح]

هلا مرحبا ترحيبه تدرك المقصود= عن الكل وابن بداح يهدي تحياته
انا والثنين اخوان ونقدم المجهود= عسى أسم القبيله ترتفع فوق راياته



هلا وغلا حيالله ابو تركي في منتديات ربعك والف مرحبا.

[المولع]

انا والثنين اخوان ونقدم المجهـود عسى أسم القبيله ترتفع فوق راياته
اللــــــــــــــــه اللــــــــــــــــه

ونعم يابن ابداح

ونعم يابو تركي
ومرحبا بك في محلك وبين اخوانك

استمرو وحنا علينا مسكة الصف

ونبي الاستمتاع

[ابو تركي]

هلالالابك اكثر يابو بداح .... والله الله :)




استلم لا هنت


يدوم البقا وانا اعرف النقص غير الزود

..............................كما ان البنادم حسب ظنه ونياته


صحيح انت جودك يامفرح من الماجود

............................ويهدر شعيل ولا احد ٍ شايف لهاته :)

[ابو تركي]

ما عليك زود يالمولع


متابعتك اسعدتنا ولازم تشد حيلك والصف لا يميل




كان ما قمتو ؟ بصفي كتبت الذله عليَه :d

[مروّض]

عاشوا الشعار...عاشوا....و لا هنتوا..

حياك الله يا بو تركي في منتداك و بين أخوانك..

و الأمور تراها و أنا أخوك أناسه..و خوة رجال طيبين شرواك...

طاروق طيب يا بو تركي ...و رد أطيب من ابن بداح

أنا أحسبوني في الصف...و شاد حيلي..و متحمس للأستماع..

و دمت أخي بو تركي...و دام الجميع..

[ابو تركي]

ابقاك الله يامروّض



متابعتك ومرورك يشرفنا



بدون شك ان المقصد تعارف واناسه واستفاده من شعار كبار



لا هنت

[ابن بداح]

سوالفك فيها ريحة أهل القلوب السود= وحق الضيافه لا يزل في بداياته
قطعنا الفيافي ما حسبنا سعد وسعود= ومن لا يعرف الصقربعتبره شواته

[ابو تركي]

الظاهر بتعوّد قريب :)


مع الله

لو انك عرفت النقد ما جيت في منقود

-------------------- لكن الشواوي نظرته دووم في شااته


حضرنا لكم والمعرفه حبلها مدود

....................... واشوف الصميلي ينفخ اليوم علباته

[عيسى السبيعي]

الله الله الله ابو عبدالله وابو تركي

السلام عليكم جميع

طاروق طيب

[ابو تركي]

عليكم السلام ...


مرررحبااا بك يالوااااسطه




الطاروق طيب بمتابعتكم




لا هنت

[ابن بداح]

هويتك وشهي لجل أطيبك طيب العود= وأعلمك قانون النشامى وجلساته
تبا تأخذ الكعبه بهقوتك يالنمرود=ياسبحان ربٍ يحمي البيت وحمّاته

[خالد الشماسي]

طاروق جميل وشعار أجمل

حياك الله يا ابو تركي ووداعتك لا تضيع حقوق الضيافه فإبن بداااح المعزب :)

[ابو تركي]

هلاااااااااااابك يابو عمر



متابعتك هي الأجمل ...



اما ابو عبدالله قدره كبير وانا في حكمته وافتخر في اللعب مع شرواه




هلابك مره ثانيه

[خالد الشماسي]

شكر لك يا ابو تركي


وهذا من طيبك ومن دماثة أخلاقك

مرة ثانية أهلا بك

[ابو تركي]

الله الله



عندك :)


سبيعي ولد عمك ودرب الردى مسدود

........................... وعلمك تراني عارف ٍ كل غاياته


خلطت الدعاوي كلها والعباد شهود

............................ وهذا طريق ٍ ما حسبنا مسافاته

[ابن بداح]

من أي الجهات الله يسلمك يابن العود= على شان تأخذ جائزة لعبة الكاته
سبحت الصحاري كيف يا عماد بن لحود= تعبثت فالطاروق وأحرقت لنباته

[ابو تركي]

يالطيف يالطيف


استلم لا هنت


تعودت لعب الكات يالشاعر المقرود

............................. يمر الزمن والوقت ما شاف هفواته

الا ياجمل والحمل في غاربك مشدود

............................. ترا الغصن الاخضر ما تجودت في لحاته :)

[ابن بداح]

ابو تركي



تشرفنا باللعب معك


تسلم طال عمرك على الطاروق الطيب



تقبل اجمل تحيه




أخوك / مفرح

[ابو تركي]

ابن بداح


صح بدنك والشرف لي طال عمرك



استمتعنا باللعب معك ونتمنى نراك في طواريق قادمه



راح انتظر المبداا:)



اخوك ابو تركي

[بحر الشوق]

صح لسانك يا ابو تركي
وصح لسانك يا ابو عبدالله