يالله يا حامل مفاتيح الارزاق

[بن شداد]

يالله ياحـامـل مفاتـيـح الارزاق = المعتني فـي رزق نفـس خلقهـا
إعن الخفايا ما علـى عينـك رواق = وإذنك عن الاسرار ماهـي بصقهـا
تجعل نفسي من غضب وجهك إعتاق = وبيديـك علـق الامـور ووفقـهـا
وأغسل قلوب أهل التباغض والاشقاق = وهـون مسالبها وريـح شفقهـا
سبَة مروجـة النمايـم بالاسـواق = اللي ما يملى الناس غيض شلقهـا
خيل النزاهة ما ورا الغايب سبـاق = وإن قابلـه فهـو عليهـا صفقهـا
وقام يتمذلق قدام وجهـك تمـذلاق = واليا نشدت في جنب غيره لصقهـا
مطيتـه مطـلاع تحـدى وتنسـاق = وتركب عرو وان شد حمله وثقهـا
ومعمر روض التسالي لـه ارفـاق = ترفـع كباريهـا ويحفـر نفقـهـا
سبّايـة الغـرات قطّاعـة السـاق = أعراض خلق الله ليا غابت هتقهـا
وعشّيق للروضة و مغـرم ومشتـاق = بئس العشيق وبئس باللي عشقهـا
مايلتهم لا التفـت السـاق بالسـاق = وتقـسـمت الارزاق والله فـرقـهـا
احـد يقـدم لـه حميـمً وغسـاق = واحد بروضـة سلسبيـل وغدقهـا
ما قالـه القايـل للابواب طقـاق = لا صكت ابواب العرب مـا طرقهـا
منقـاد للعالـم مقانيـص وسبـاق = ثـارت شوازنهـا وهـدت سلقهـا
أهديت باقة ورد من ضمن الابـواق = ولا أقول لحد خذها ولا أقـول ذقهـا
ودي بالانفس كلها اصحاب واصداق = ولا اخشى عقايبها ولا ارجي مذقها
الآدمي لـولا المكـارم والأخـلاق = كالحنظلة من عرقهـا ليـا ورقهـا


الشاعر : سعد بن جدلان الآكلبي .

[خالد الشماسي]

صح لسان الشاعر الكبير سعد بن جدلان


وسلمت يمينك على الاختيار والنقل



قصيدة راااااااائعة لا هنت

[خيَّال الغلباء]

صح لسان الشاعر الكبير / سعد بن جدلان الأكلبي وسلمت يمينك على النقل والذوق الراقي

[حزمي السبيعي]

مشكوووووووووووور على القصـــــــــــــــــــــــــــيدهـ


ولا هنـــــــــــــــــــــــــــــــــت اخووي ابن شداد

[بن شداد]

لاهنتوا جميعاً على المرور