في دولة سبيع وسط العرق ركز العلم

[مشعاب]

في دولة سبيع وسط العرق ركز العلم= سادت ولا بادت الحكمة ومن قالها

والسيف يشرح على سبورته بالقلم= في عطفت العرق حال السيف يرثالها

[اخو شما]

وش رايك نخلي التدريس ونرعى الغنم
.........................ونطرد ورى الذيدان بالوانها واشكالها
اخير من تدريسٍ مايجي منه الا الندم
.........................ونرتاح من خلق الله واطفالها واعيالها

ياسلام سلم
وين الشعار الليله يلعبون مع سعادة السلطان مشعاب
هذه بيتين من اجل التنشيط ولاتعتمدون علي لأن فيه من افضل مني

[خالد الشماسي]

ما شاء الله طاروق جميل بين الشاعرين

مشعاب واخو شما


أوووووووو اثرك شاعر يا أخو شما ولا تعلمنا نلعب معك :)

ما تلعب الا مع الريس مشعاب اخو عجراء


ولكم أطيب التحايا

أبو عمر

[شامان]

السلام عليكم

الله الله يالريس بادي بقوة كعادتك يا مشعااااب

وين السيف ما يرد احيو الليل يا اعضاء مدرسة عرق سبيع ولا لكم هم التقييم كله مية في المية

أخو شما والله اني اذا قريت ردودك اني اضحك من قلب مدري ليش


شااامااان

[اخو شما]

ابو عمر
وشلون ماتبيني العب مع مشعاب
انت خابر هو رئيس الدوله ولازم العب معه واخليه يفوز بعد:D:D
شامان
الله يرجك عدوك:D:D
اضحك الله سنك;)

[مروّض]

حياك الله يا مشعاب...


في دولة سبيع يحلى دوم سج القدم=يبهج عقيد الجزيره شوف خيالها
يطلب وزير القصر كثر الخدم و الحشم=لكن مال الكوايد غير شيالها
و دمت..

[الواضح]

ههههههههههههه
اثر مانسمعه صحيح عن اللي يلعبون مع الرؤساء او الامراء يخلونهم يفوزون
يقال فيه خوي يلعب مع امير بلوت قال الاخير سرى قال الاول خمسين عندما اراد الامير انزال سراه قال سراي ولد قال الخوي سرى الامير اكبر من خمسين الخوي تفضل طال عمرك

[مشعاب]

ما شاء الله عليك يا مروض رد جميل جدا


وتقبل تحيات اخوك مشعاب اخو عجراء