الملك يستقبل محافظ رماح والمسؤولين في المحافظة

[راعي الجوفا]

http://www.spa.gov.sa/galupload/normal/30867_SA27.JPG
الملك يستقبل في روضة خريم محافظ رماح ورؤساء الادارات الحكومية وجمعا من المواطنين




روضة خريم 15 ذو الحجة 1429هـ الموافق 13 ديسمبر 2008م واس
استقبل خادم الحرمين الشريفين الملك عبدالله بن عبدالعزيز آل سعود حفظه الله في مقر إقامته بروضة خريم مساء اليوم محافظ رماح سويد بن علي السويد ورؤساء الإدارات الحكومية ورؤساء مراكز المحافظة وجمعاً من المواطنين الذين قدموا للسلام عليه رعاه الله وتهنئته بسلامة الوصول .
حضر الاستقبال صاحب السمو الملكي الأمير مقرن بن عبدالعزيز رئيس الاستخبارات العامة وصاحب السمو الأمير فيصل بن عبدالله بن محمد آل سعود مساعد رئيس الاستخبارات العامة وصاحب السمو الملكي الفريق أول ركن متعب بن عبدالله بن عبدالعزيز نائب رئيس الحرس الوطني المساعد للشؤون العسكرية وصاحب السمو الملكي الأمير الوليد بن طلال بن عبدالعزيز وصاحب السمو الملكي الأمير عبدالعزيز بن عبدالله بن عبدالعزيز مستشار خادم الحرمين الشريفين وصاحب السمو الملكي الأمير منصور بن ناصر بن عبدالعزيز مستشار خادم الحرمين الشريفين وصاحب السمو الأمير الدكتور بندر بن سلمان بن محمد آل سعود مستشار خادم الحرمين الشريفين وصاحب السمو الملكي الأمير الدكتور عبدالعزيز بن سطام بن عبدالعزيز وصاحب السمو الملكي الأمير سعود بن مساعد بن سعود بن عبدالعزيز وصاحب السمو الملكي الأمير محمد بن عبدالله بن عبدالعزيز وصاحب السمو الملكي الأمير ماجد بن عبدالله بن عبدالعزيز وصاحب السمو الأمير بدر بن سعود بن سعد بن محمد وعدد من المسؤولين .
وقد تناول الجميع طعام العشاء على مائدة خادم الحرمين الشريفين

[محمد التواما]

لاهنت على نقل الخبر

[سعد الجبري]

وبس هذا الي سووة

وراهم ماراحو وشافو مستشفى رماح

الي كل اسبوع يموت واحد بسبب الاخطاء الطبيه فيه

اجل واحد جايهم مرتفع عنده الظغط يعطونه ابرة ترفع الظغط

ولا ناصر ولدعمي الي توفى واللي اسمه هنا في المنتدى ذيب الرمحية

صاير عليه الحادث الساعه 9:35 الصبح ومانقلوة الا الساعه 6المغرب

وطول المده الي هو فيها في المستشفى ما سوو له اشعه ولا سوو له شئ

بس معطينه بخار اكسجين ومخلينه

ليـه هذي مهيب ارواح مسؤله عنها الحكومه بأهمالها

وينهم ما يحطون فيه دكاترة زي العالم

حاطين هندي عامل نظافه في المشرحه وماعندهم الأ علاجين بندول وفيفادول شوشراب حرارة

هذا يسمى مستشفى

محافظه جامع اكثر من عشر قرى واخر شئ


هذا مستشفاهم

ولا مركز الهلال الاحمر

معندهم سيارات اسعاف

بالله هذي دبره

وين المسؤلين خلهم يردون وين اهمالهم

وين محافظ رماح

وانا اتحدا اذا احد من رماح يقول كلامك خطا

او فيه غلط على

احد

السسترات شغالات سيرلنكيات عشانهن رخاص ب400ريال

ودكاترة بنقاليه ياخذون على 1000ريال

وهذا تراه الدكتور عندهم

حتى حق المشرحه هندي كان حق بويه وحطوه دكتور حق التشريح

امحق مستشفى وامحق عيشه


انا قلت كلامي ذا عشان اذا جاء الملك ثاني مرة

يكلمونه وليش ثاني مرة

وين محافظ رماح ليـه مايكلم وزارة الصحه تصرف عليهم وهم جالسين

وانا ودي ان كل واحد

صارت له معانات من مستشفى الفشل مستشفى رماح

يكتبها

ومشكور والله لا يهينك

[افخري ياسبيع]

اخوي ذيب الجبور

والله ماعندك احد انا قسم بالله صادفت بالمستشفى اشياء غريبه ودليل على اهمال واضح

ومن اللي صادفته انا ولد خالي عمره 12 صدمه واحد بالسياره وهو على رجليه نقلناه لمستشفى رماح دخلوه

غرفة الملاحظه وجلسو يناظرون ببعض مااعرفو وش يسوون له المهم قال خالي ببنقله للرياض لمستشفى دله قالو لازم تدقون عليهم والا اي واحد يروح هناك ويخليهم يرسلون فاكس لنا بانه لامانع عندهم باستقبال الحاله المهم دقينا على خالي الصغير بالرياض وراح لمستشفى دله وضبط الامور وارسلو الفاكس لمستشفى رماح بعد الواسطات
اللي يقهر بالسالفه انه مع انا استغرقنا وقت كبير عشان ارسال الفاكس من الظهر اللى المغرب
ومع كل هذا قامو يستعدون الدكاتره عشان يركبونه الاسعاف
الا سيارة الاسعاف مافيها ديزل وراحو للمحطه وعبو الديزل وجوو بعد عناء طويل
المهم يعني افرضو انا فيه حاله اخطر من هالحاله ورجال بين الحياه والموت والاسعاف بهالوضع يكون مافيه ديزل بذمتكم هذا مو شي يقهر

مع العلم ان سيارة الاسعاف ومشاكلها من ان مافيه ديزل او البطاريه ضعيفه صادفت معي اكثر من 3 مرات

لا وبعد فيه حاله بذكرها لكم عمي تعب مره تعب شديد ووديناه لمستشفى رماح ونفس الوضع بعد ان تم ارسال الفاكس بقبول النقل لمستشفى اخر بالرياض
واخذو الاستعدات لنقله الى سيارة الاسعاف الا السائق حق سيارة الاسعاف مو موجود بالمستشفى ارسلو له ناس يجيونه من البيت حقه مع العلم ان السائق من الواجب ان يتوفر له سكن بالمستشفى لوجود اي حاله طارئه

[افخري ياسبيع]

العفو اخوي سعد الجبري غلطت بالاسم

[راعي الجوفا]

مشكورين على مروركم الكريم
والله لا يهينكم كان موضوعا مثيرا
والمحافظات والقرى في حاجة للكثير

[ابن غرير]

مساء الخير اخوي سعد ومشكور على هاذا الكلام
وعداك العيب مافيه كلمه من الي قلته ماهي صحيحه
ولازم يشوفون حل
ومثل الشايب اللي جاهم مرتفع الظغط عنده
قاموا وعطوه ابرة طلـــق وتوفى الله يرحمه

[عيسى السبيعي]

الف شكر يارعي الجوفا على نقل الخبر
ولكن عند ناس موظفين ودكاترة بالأسماء
لابالمهن نتمنى ان يلفت النظر في هذا المستشفى ومماثليه
فالتعامل من المستشفيات الأخرى فهي كثر فالمواطن ثروة..
تحياتي للجميع