طــاروق الـعــام الــجــديـــد [الأرشيف]

مشاهدة النسخة كاملة : طــاروق الـعــام الــجــديـــد

المسالم

31 - 12 - 2008, 21:00

ياسلام الله على الربع فالعام الجديد=لابتي الغلباالمسماه فالمارد سباع
ودنا ناخذ مع الربع طاروق جديد=مع خوي خوته تنشرا ماهي تباع

خالد الشماسي

01 - 01 - 2009, 00:07

مرحبا بك والمعارك تبي رجل شديد= ما يساق مع الهبايب كما سوق الشراع
كم رجال تارث العز والمجد المشيد = ثم تعود عشوة للحنادي والضباع

المسالم

01 - 01 - 2009, 11:04

هلابك يابو عبدالله وهذه الساعه المباركة
وانا انتظرت الى الحاديه عشر ونص ماحد رد وطلعت
ولا دخلت الا قبل شوي واسف على التاخير

والبقابك يامديرٍعسى عمره مديد=إرق للعليا ولامن ومرت امرك مطاع
كل رجل يحتمي كلمته من كل حيد= والرجل لاقال كلمه حماها يالشجاع

خالد الشماسي

01 - 01 - 2009, 12:57

الرجال اللي تشاور على الراي السديد = ويش فرق رايهم .. غير نبضات الصداع
وانت وش وداك لام السواقي والعبيد = كان جربت التلفون من قبل الوداع

المسالم

01 - 01 - 2009, 18:04

ماقطعنا امربليا مشورة مستفيد=رايهم واحدوفالطب كل الاختراع
مالنا فالسوق ماسوق غير اللي وكيد=لوحصلبه فايده مامشينا بالوساع

المسالم

01 - 01 - 2009, 19:39

وين الصفوف افا يالعلم
مابه تشجيع للشعار :xyxwave:

خالد الشماسي

01 - 01 - 2009, 23:39

لازم الأيام تدبك يالراس العنيد = وتصبح بلا زاد في طرقة وجيه المتاع
تحسب الدنيا قصيره وهي حبل مديد =كل ما تكبر تزيد وحبالك في انقطاع

ذيب الغراميل

02 - 01 - 2009, 01:33

الله الله

المسالم& خالد

صحت السنتكم ملياااااااااار

وكل عام وانتم بخير وصحه وعافيه

واصلوووووووووو

وازهلو الصفوف:(114):

المسالم

02 - 01 - 2009, 08:55

تدب الأيام من لايحافظ عالوعيد=واحسن النيه وربي يتكفل بالمتاع
الله المعبودأوجدعبادتستزيد=كل ماتخلص مع الله يحسن لك مساع

المسالم

02 - 01 - 2009, 09:01

الله الله

المسالم& خالد

صحت السنتكم ملياااااااااار

وكل عام وانتم بخير وصحه وعافيه

واصلوووووووووو

وازهلو الصفوف:(114):

هلا والله بذيب الغراميل الحق علي المدير افترسني
صح بدنك يالغالي وكل عام وانت طيب ولا اوصيك خلك في صفي
وزهل المدير يعينا الله عليه
سرني مرورك وتشجيعك

خالد الشماسي

02 - 01 - 2009, 14:56

هلا بك يا ذيب الغرامل

اسعدني مرورك

وصح لسانك يالمسالم

المسالم

03 - 01 - 2009, 11:16

صح بدنك يابو عبدالله
واسعدني اللعب معك
تحياتي لك

المحمدي رنيه

03 - 01 - 2009, 20:19

صحت السنتكم جميعا
وكل عام وانتم بخير

المسالم

22 - 01 - 2009, 20:40

صح بدنك يالمحمدي رنيه
سرتني هالطله

سهم

22 - 01 - 2009, 20:48

ما شاء الله لاهنتووووووووووووو جميعا ابداع

واضح انه عام ثقيل على الجميع :)

مع تحيات اخوكم سهم