صحيح حنا عرب ضاعت عروبتنـا

[عايض ابوشيبه]

صحيح حنا عرب ضاعت عروبتنـا=فـي ردة الفعـل نستغـرب ونتبكـا
في ضل شهواتنـا ضاعـت عقيدتنـا=صرنا هدف شعب لاصلـى ولازكـا
نشري رضى الغرب في تفريق وحدتنا=نزعل لو الغرب منـا صـار يتشكـا
صرنا نعزي بعض في مـوت همتنـا=وحصوننا دكها جيـش العـدى دكـا
القدس تصرخ خساره وين نصرتنـا=واليوم غزه غزاها من غـزى عكـا
نحرص مع الغرب مانخسر علاقتنـا=وإنا مـن افعالهـم نصلـب ونتذكـا
ماهمنـا لـو نفـرط فـي كرامتنـا=وارواحنا جالها عنـد العـدى سفكـا
الغرب يغـرس نظامـه فـي ثقافتنـا=نستغبي الناس مانـدري مـن الأذكـا
المـال وحـده تحكـم فـي سعادتنـا=صرنا على شنطة ألأمـوال نتمركـا
صحيح حنا عرب ضاعت عروبتنـا=فـي ردة الفعـل نستغـرب ونتبكـا

[خالد الشماسي]

صح لسانك يا مبدع


قصيدة ولا أروع .. وكلمات ولا أجمل


غزة ... مسكينه كل الناس ضدها حتى العرب وعباس



تسلم يمينك

[خيَّال الغلباء]

أخي الكريم الشاعر / عايض أبو شيبه السلام عليكم ورحمة الله وبركاته وبعد : شكرا جزيلا لك على هذه القصيدة المعبرة عن واقع الحال وصح لسانك وسلم نبضك وبنانك وإعتلا شانك وجعلها الله في ميزان حسناتك يوم لا ينفع مال ولا بنون إلا من أتى الله بقلب سليم ونصر الله إخواننا المجاهدين المرابطين الصابرين المحتسبين في غزة واللهم ابعث لهذه الأمة أمر رشد يعز فيه أهل طاعتك ويذل فيه أهل معصيتك ونحن قوم أعزنا الله بالإسلام فمن ابتغى العزة بغيره أذله الله والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه والله يحفظكم ويرعاكم مع خالص التحية وأطيب الأمنيات واسلم وسلم والسلام .

[عيسى السبيعي]

صح لسانك اخي عايض على هذه الرايعه
والعزا للجميع لكن البلى فالعيبه
تحياتي للجميع

[ابن هتام]

صح السانك ابو شيبه

قصيده رائعه


وفقك الله


اخوك
ابو ماجد

[عايض ابوشيبه]

صح لسانك يا مبدع


قصيدة ولا أروع .. وكلمات ولا أجمل


غزة ... مسكينه كل الناس ضدها حتى العرب وعباس



تسلم يمينك

الغالي خالد الشماسي

مشكور على مرورك

والله يصلح الحال

[عايض ابوشيبه]

أخي الكريم الشاعر / عايض أبو شيبه السلام عليكم ورحمة الله وبركاته وبعد : شكرا جزيلا لك على هذه القصيدة المعبرة عن واقع الحال وصح لسانك وسلم نبضك وبنانك وإعتلا شانك وجعلها الله في ميزان حسناتك يوم لا ينفع مال ولا بنون إلا من أتى الله بقلب سليم ونصر الله إخواننا المجاهدين المرابطين الصابرين المحتسبين في غزة واللهم ابعث لهذه الأمة أمر رشد يعز فيه أهل طاعتك ويذل فيه أهل معصيتك ونحن قوم أعزنا الله بالإسلام فمن ابتغى العزة بغيره أذله الله والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه والله يحفظكم ويرعاكم مع خالص التحية وأطيب الأمنيات واسلم وسلم والسلام .

اخوي خيال الغلباء

شرفني حضورك

والله يتقبل دعائك

تقبل تحياتي

[عايض ابوشيبه]

صح لسانك اخي عايض على هذه الرايعه
والعزا للجميع لكن البلى فالعيبه
تحياتي للجميع


ارحب ياعيسى

وشكرآ لحضورك

والله يصلح الحال

[عايض ابوشيبه]

صح السانك ابو شيبه

قصيده رائعه


وفقك الله


اخوك
ابو ماجد


ارحب ياخوي ابوماجد ملايين ماهو مليون واحد

ومرورك الكريم شرف لي

ومثلك وشرواك نسعد بمروره

وصح بدنك

وتقبل تحياتي

[ابونااااصر]

في ضل شهواتنـا ضاعـت عقيدتنـا=صرنا هدف شعب لاصلـى ولازكـا
نشري رضى الغرب في تفريق وحدتنا=نزعل لو الغرب منـا صـار يتشكـا
صرنا نعزي بعض في مـوت همتنـا=وحصوننا دكها جيـش العـدى دكـا
القدس تصرخ خساره وين نصرتنـا=واليوم غزه غزاها من غـزى عكـا
نحرص مع الغرب مانخسر علاقتنـا=وإنا مـن افعالهـم نصلـب ونتذكـا


هذا الصحيح يا عايض والله يعطيك العافيه

[عايض ابوشيبه]

والله انا اسف اني دخلت ورديت على قصيدتك

مادام انك رديت على الجميع ماعاد انا فهاذى شي لاارضى به

من احترم الناس احترموه

وخير الكلام ماقل ودل


والشرهه علي؟؟؟؟؟؟؟؟؟؟؟

الغالي ابو ماجد لأن اتجاهل ردك هذا رغم قساوته

ولكن من اجل توضيح الصوره

مرورك الكريم شرف لي

وعتبك على العين والراس

واللذي نفسي بيده ماتأخرت في ردي عليك تجاهل لك

بالعكس مثلك وشرواك يشرفنا مروره

ولو تعديت ردك ورديت على من بعدك لك الحق

لكن رديت على من سبقك بالرد

وانشغلت وعدت للرد على مداخلتك

فأتمنى ان يتسع قلبك لكلماتي

لأنني اكن لك ولمن في المنتدى كل التقدير وألأحترام

ويشهد الله انني لا اكن لأحد حقد اوماشابه ولست مجبور على الحلف ولا كن من اجل توضيح الصوره

فأتمنا منك قبول اعتذاري

وتقبل تحياتي