الراعي
30 - 03 - 2004, 17:56
بسم الله الرحمن الرحيم
قصيدة مسنده من الشاعر / فراج بن مفرح الصميلي السبيعي
إلى الشاعر الكبير المعروف / حمود زامل بن قاسي المجمعي السبيعي
قال من صاغ المثايل بعد جاله مجال = ويترفع عن علومن تجيب المهزله
يفتخر بمراسل الطيبين من الرجال = ويترفع عن علومن تجيب المهزله
ون عطاء يعط الاجابة على قد السؤال = ولا تكلم في علومن مهيب محلله
والثقة فالنفس عندي تراها راس مال = والثقة عند الرياجيل كنز ومرجله
ما ورت العد من دون دلو ولا حبال = والرخيصه سوقها دايمن ما ننزله
لا ورت العد نشرب من الصافي زلال = والذهب سوقه نعرفه ونشري من هله
وعرف الدينار عمله وعملتنا الريال = والبنادم ما يحاسب على غير أعمله
عشت فالدنيا عرفت الحرام من الحلال = والغلط ماني بحبه ولاني بقبله
والتعلم فامر ديني طريقاً لا محال = واجبن من واجباتي ولاني بجهله
يا قلم سجل على الطرس من حلو المقال = دام أنا أختار لك زين الكلام وسجله
سجل الي فيه أخاطب كريمين السبال = أنت سجل والكلام اللسان يكمله
راكب الي ما بعد طلعوه من الظلال = من موديل ألفين وثنين وحروفه دله
ماخذن في معرضه خمسة أيام وليال = نزلوه من الترله ولاحدٍ شغله
زين صوته لا نقرته وتم الاشتغال = كل قلباً فيه همن اليا سمعه دله
دايم الفكسار منوت هل الطرق الطوال = منوت الي له لزوم وعلى شق أعجله
فل كامل ما يبا وصف لله الكمال = كاملاً بدي ومكينه وقيره ودبله
يا نديبي لا خذيته من المعرض تعال = وخذ خطاً كاتبينه نبيك توصله
وصله لحمود زامل وخبرني بحال = بعد ما ياصل صحيبي اكتاباً مرسله
وصله من يحرق البن في صفر الدلال = مجلسه كل الرجال النشاماء تدهله
من رجالاً فالمواقيف تشدي للجبال = هم هل الوادي هل الظرم ضلعه وسهله
هم هل الجذع المسماء عريبين الخوال = وهم هل المثلوثه الي كرمها تفعله
وبو زامل راع الطيب شيال الثقال = جعل يفدونه هل البغض وهل المنذله
يا رفيقي محزمي لا صفق جالاً بجال = من رضاي رضاه وزعل من الي يزعله
يا عشير الي خدوده مثل برق الخيال = ما بغت غير السنافي عشيراً تقبله
ودي أشكيلك زماناً تغير وستحال = وعتبار الثانية في محل الأوله
فيه ناساً جت على الشعر ذنباً لا يزال = شعرهم ما زال بعض الجرائد يحمله
بعض ناساً ما تعرف الجزال من الهزال = ودها بالشعر والشعر صعباً منهله
ورد وشعر الحداثه قليلين العيال = شعر لا معناً تحبه ولا فيه أذبله
ما درن للشعر شعار تضرب بالمثال = مثل ابن جدلان كلاً لساني مازله
ومثل خالي وابن جازع شعاعيراً جزال = كل منهم ينقض البيت نقض ويفتله
شعرهم معناه بالوصف من وفوق الخيال = يسبحون بحور شعر النوادر واجمله
لاكلبي شعره مثل شعر أبو زيد الهلال = وأبو ناصر صاغ صعب المثايل وعدله
وأبو فالح صيد فكره صعيبات المنال = كل صاحب ذوق لا سمع شعره فزله
وغير ذولاً فيه شعار ما فيها اجدال = لو أبذكر مقدر احصي عددهم بكمله
والختام بذكر رباً خلق كل الاجال = خالق ابن آدم من الطين خلقاً فضله
ويا صلاة الله على الهاشمي سيد بلال =والسلام عداد باذر نبات السنبله
هذه القصيدة للشاعر / حمود بن زامل السبيعي
رداً على قصيدة الشاعر / فراج بن مفرح الصميلي السبيعي
مرحبا في مرحبا عد ما هل الهلال = عد ما هل الهلال وتعلى منزله
وعدد ماهل وبل الصدوق من الخيال = عد ما خيل خياله وعد مخيله
بالكتاب ومن كتب في الكتاب احسن مقال= والثنى نثنيه لمسجله وموصله
فوق جيب دوبهم طلعوه من الظلال = مرسله فراج بكتابه اللي مرسله
حين ماجاني زهمت المقهوي للدلال= والخروف سلومنا بالثلاث نكمله
بعدها واجب علينا نجاوب لامحال= والخروف سلومنا بالثلاث نكمله
راكب اللي مستسنه وزاويها الحيال = القصيده ردها ما يريض نعجله
كنها لاناحرت طامح تزهى الدلال = حرة من جيش ابن ثاني ومحيله
مزهب الراكب تشيله وغيره ما يشال = واحدٍ له مع هل العرف قدر ومنزله
لاعطت فج الخلا كنها وصف الغزال = في نهار العيد لا صحابها متغزله
يوم انجبها هوايه وامان من العطال = والشداد اللي يجمل وهي تجمله
يانديبي نصها وادي عنا شمال = وادي الخرمه لعل النصوب تسيله
وادي قلبي يحبه كما حب العيال = من غلى اللي محتمينه وحامين نخيله
لاوصلت لبيت فراج ثنلها العقال = لا وصلته حط عنها الشداد ونزله
ابشر بترحيبةٍ يوم تقبل بابتهال= والشحم يثعاه للضيف عقب مهيله
يارفيق رفقته مانبي عنها بدال= هو يلد لنا وحنا لزوم نلد له
طيبنا طيب لكم يا بعيدين المنال= نعم والله يالصميلي ليا قيل صمله
عزوتي يوم البلاوي يفكون الحلال= الخطر نزَّالةً فيه وانتو من هله
مع دروب اخوان ذيبه يسوقون الرحال= ينزلون الخوف لامن تعطر منزله
وان ذكرت الشعر للشعر عمَّان وخوال= الزلامي من هله والسديري من هله
وغيره دبيان راع الطواريق الطوال= ومرشد البذال صعب القصيد يعَّدله
ومن مطير الخس شعره يقامله احتفال= ومع جزا الحربي ثياب القصيد يفصله
وان ذكرت الحي والميتين الشرح طال= خايف لا نفتح الباب نزري نقفله
يا عشير الجادل اللي مع المذهب جمال= بنت شيخ وغير فراج عيّت تقبله
اترك اللي شعرهم للنشاما ما يقال= يكتبونه في المجلات كله بلبله
عالم داست على الشعر دوس بالنعال= من لقاله بيت غنَّى وراح يسجله
مرحبا في مرحبا عد ماهل الهلال= عد ماهل الهلال وتعلى منزله
سأكتب لاحقا عن شاعرنا واحد اعيان قبيلة سبيع الاخ الكبير حمود مع
ان شهادتي به مجروحه
قصيدة مسنده من الشاعر / فراج بن مفرح الصميلي السبيعي
إلى الشاعر الكبير المعروف / حمود زامل بن قاسي المجمعي السبيعي
قال من صاغ المثايل بعد جاله مجال = ويترفع عن علومن تجيب المهزله
يفتخر بمراسل الطيبين من الرجال = ويترفع عن علومن تجيب المهزله
ون عطاء يعط الاجابة على قد السؤال = ولا تكلم في علومن مهيب محلله
والثقة فالنفس عندي تراها راس مال = والثقة عند الرياجيل كنز ومرجله
ما ورت العد من دون دلو ولا حبال = والرخيصه سوقها دايمن ما ننزله
لا ورت العد نشرب من الصافي زلال = والذهب سوقه نعرفه ونشري من هله
وعرف الدينار عمله وعملتنا الريال = والبنادم ما يحاسب على غير أعمله
عشت فالدنيا عرفت الحرام من الحلال = والغلط ماني بحبه ولاني بقبله
والتعلم فامر ديني طريقاً لا محال = واجبن من واجباتي ولاني بجهله
يا قلم سجل على الطرس من حلو المقال = دام أنا أختار لك زين الكلام وسجله
سجل الي فيه أخاطب كريمين السبال = أنت سجل والكلام اللسان يكمله
راكب الي ما بعد طلعوه من الظلال = من موديل ألفين وثنين وحروفه دله
ماخذن في معرضه خمسة أيام وليال = نزلوه من الترله ولاحدٍ شغله
زين صوته لا نقرته وتم الاشتغال = كل قلباً فيه همن اليا سمعه دله
دايم الفكسار منوت هل الطرق الطوال = منوت الي له لزوم وعلى شق أعجله
فل كامل ما يبا وصف لله الكمال = كاملاً بدي ومكينه وقيره ودبله
يا نديبي لا خذيته من المعرض تعال = وخذ خطاً كاتبينه نبيك توصله
وصله لحمود زامل وخبرني بحال = بعد ما ياصل صحيبي اكتاباً مرسله
وصله من يحرق البن في صفر الدلال = مجلسه كل الرجال النشاماء تدهله
من رجالاً فالمواقيف تشدي للجبال = هم هل الوادي هل الظرم ضلعه وسهله
هم هل الجذع المسماء عريبين الخوال = وهم هل المثلوثه الي كرمها تفعله
وبو زامل راع الطيب شيال الثقال = جعل يفدونه هل البغض وهل المنذله
يا رفيقي محزمي لا صفق جالاً بجال = من رضاي رضاه وزعل من الي يزعله
يا عشير الي خدوده مثل برق الخيال = ما بغت غير السنافي عشيراً تقبله
ودي أشكيلك زماناً تغير وستحال = وعتبار الثانية في محل الأوله
فيه ناساً جت على الشعر ذنباً لا يزال = شعرهم ما زال بعض الجرائد يحمله
بعض ناساً ما تعرف الجزال من الهزال = ودها بالشعر والشعر صعباً منهله
ورد وشعر الحداثه قليلين العيال = شعر لا معناً تحبه ولا فيه أذبله
ما درن للشعر شعار تضرب بالمثال = مثل ابن جدلان كلاً لساني مازله
ومثل خالي وابن جازع شعاعيراً جزال = كل منهم ينقض البيت نقض ويفتله
شعرهم معناه بالوصف من وفوق الخيال = يسبحون بحور شعر النوادر واجمله
لاكلبي شعره مثل شعر أبو زيد الهلال = وأبو ناصر صاغ صعب المثايل وعدله
وأبو فالح صيد فكره صعيبات المنال = كل صاحب ذوق لا سمع شعره فزله
وغير ذولاً فيه شعار ما فيها اجدال = لو أبذكر مقدر احصي عددهم بكمله
والختام بذكر رباً خلق كل الاجال = خالق ابن آدم من الطين خلقاً فضله
ويا صلاة الله على الهاشمي سيد بلال =والسلام عداد باذر نبات السنبله
هذه القصيدة للشاعر / حمود بن زامل السبيعي
رداً على قصيدة الشاعر / فراج بن مفرح الصميلي السبيعي
مرحبا في مرحبا عد ما هل الهلال = عد ما هل الهلال وتعلى منزله
وعدد ماهل وبل الصدوق من الخيال = عد ما خيل خياله وعد مخيله
بالكتاب ومن كتب في الكتاب احسن مقال= والثنى نثنيه لمسجله وموصله
فوق جيب دوبهم طلعوه من الظلال = مرسله فراج بكتابه اللي مرسله
حين ماجاني زهمت المقهوي للدلال= والخروف سلومنا بالثلاث نكمله
بعدها واجب علينا نجاوب لامحال= والخروف سلومنا بالثلاث نكمله
راكب اللي مستسنه وزاويها الحيال = القصيده ردها ما يريض نعجله
كنها لاناحرت طامح تزهى الدلال = حرة من جيش ابن ثاني ومحيله
مزهب الراكب تشيله وغيره ما يشال = واحدٍ له مع هل العرف قدر ومنزله
لاعطت فج الخلا كنها وصف الغزال = في نهار العيد لا صحابها متغزله
يوم انجبها هوايه وامان من العطال = والشداد اللي يجمل وهي تجمله
يانديبي نصها وادي عنا شمال = وادي الخرمه لعل النصوب تسيله
وادي قلبي يحبه كما حب العيال = من غلى اللي محتمينه وحامين نخيله
لاوصلت لبيت فراج ثنلها العقال = لا وصلته حط عنها الشداد ونزله
ابشر بترحيبةٍ يوم تقبل بابتهال= والشحم يثعاه للضيف عقب مهيله
يارفيق رفقته مانبي عنها بدال= هو يلد لنا وحنا لزوم نلد له
طيبنا طيب لكم يا بعيدين المنال= نعم والله يالصميلي ليا قيل صمله
عزوتي يوم البلاوي يفكون الحلال= الخطر نزَّالةً فيه وانتو من هله
مع دروب اخوان ذيبه يسوقون الرحال= ينزلون الخوف لامن تعطر منزله
وان ذكرت الشعر للشعر عمَّان وخوال= الزلامي من هله والسديري من هله
وغيره دبيان راع الطواريق الطوال= ومرشد البذال صعب القصيد يعَّدله
ومن مطير الخس شعره يقامله احتفال= ومع جزا الحربي ثياب القصيد يفصله
وان ذكرت الحي والميتين الشرح طال= خايف لا نفتح الباب نزري نقفله
يا عشير الجادل اللي مع المذهب جمال= بنت شيخ وغير فراج عيّت تقبله
اترك اللي شعرهم للنشاما ما يقال= يكتبونه في المجلات كله بلبله
عالم داست على الشعر دوس بالنعال= من لقاله بيت غنَّى وراح يسجله
مرحبا في مرحبا عد ماهل الهلال= عد ماهل الهلال وتعلى منزله
سأكتب لاحقا عن شاعرنا واحد اعيان قبيلة سبيع الاخ الكبير حمود مع
ان شهادتي به مجروحه