اتحقنا بمواقفك الطريفه وتابع المشاركة يوميا

[المثري]

نريد في هذا الموضوع الجديد ان يرصد كل واحد فينا موقف تعرض له او شاهده
اما ان يكون طريف او غريب بعيدا عن الحزن
وعلى كل عضو بعث موقف واحد يوميا اذا تسنى له ذلك وحسب ضروف الاعضاء يمكن ان يكون اسبوعي او حتى شهري
المهم ان الموضوع يستمر لرصد المواقف الطريفه 0 علما بأنه لامانع ان تكون باللهجة العاميه0
وسأبدء انا هنا اول المواقف0
هذا موقف وفيه موعضه0
جاء ابني في ساعة الغداء وقبل وضع اللقمة في فمه سألني ما يعني يا مخنث ( اجاركم الله ) على الفور طلبت منه ان يغسل فمه لأن الكلمة هذه لا الله ولا رسوله يحبانها 0
قام وغسل فمه ثم عاد وأكل وإذا بطعم الصابون في فمه
وقال الاكل ما هو زين قلت له ماهو الاكل الي ما هو زين الكلام اللي قلته ولسع ما نظف فمك رح اغسل فمك وتعال
راح غسل فمه ورجع تغير طعم الاكل لأن الصابون انغسل0
والله يابوي صحيح الاكل صار حلو قلت له الان ربي سامحك لااعاد تقول كلام ماهو حلو 0
الشاهد هنا الطفل سمع الكلمة من شباب اثناء ذهابه للمسجد بعده اذا تعدى من عند الشباب الي قالو هالكلمه سار يطبق اذنه بيده عشان ما يسمع كلام ماهو طيب 0
ارجو ان يكون في هذا الموقف دروس وعبر وشكرا 0

[خيال الصفراء]

جزاك الله خير وفعلن اخوي انت ماء شاء الله عليك ذكي وعرفت كيف تتعامل مع الموقف.

أما بالنسبه لي انا طال عمرك ولا يهنون الربع حصلي مواقف واجد بذكر واحد منها الانه دايم يطري علي هذ1 الموقف:



يوم من الايام وانا جاي من مدينة رماح حوالي الساعه 2 اخر الليل قبل ما اصل الخط السريع الرياض - الدمام

بحوالي 25 كلم. قبل المحطه الجديده اللي على اليسار.. صاري لي حادث انقلاب<< قدر الله وما شاء فعل..

المهم انا جتني عدة اصابات بالراس وكسر باليد والرجل وكم رضه.. المهم بعد انقلابي انا طرت من السياره

والحمد لله طيب واعي بفكري وادرك اللي حولي المهم توقفت عندي سياره وفيها ثلاثه اشخاص الله لا يوفقهم

حيث قلون وجييههم يارب...<< تقلون وش السالفه.. اقولكم السالفه<< وقفو عندي وقالت ميدهم تكفون

يارجال ساعدوني قالو ابشر << المهم قام يفتشون في السياره وحصلو البوك واخذو فلوسي حوالي 5000

ريال توني ماتهنيت فيها حسبي الله عليهم وبعد مافتشو السياره >> جوني انا قلت يمكن شفوني صاحي

راحو يدورون بالسياره يشفون فيه احد غيري واثر نيتهم شينه يسرقوني بس.. جوني الله لا يوفقهم تخيلو انا

مكسوره يدي ورجلي وكم فلقه براسي وحالتي يرثالها ولا همهم .. والله ماتصدقون قامو يفتشون ماخبي

يدورون باقي فلوس واخذو جوالي قالت يارياجيل استحو .. قال لا تخف معك عيال ... حسبي الله عليهم اعتزو

بقبيله مشهوره بس ماتوقع يسون بي زي كذا... المهم راحو من عندي قالت يارياجيل لا تتركوني تكفون والله

مشو ولا كانهم يسموعوني ركبو سيارتهم وراحو الله لا يوفقهم يارب.... تخيلو مع كذا مافيه منهم رجال واتصل على

الهلال الاحمر يساعدني.. راحو وتركوني انا قاعدت على هذا الوضع مدة يمكن ساعه وبعدها فقدت الوعي

كل السيارت تمر ولا توقف لان سيارتي صارت بعيد عن الخط.... المهم ماصحيت لا وانا بمستشفى الملك فهد بالحرس الوطني

وين النخوه وين المرجله وين الحميه وين الشهامه << للأسف هذا يصدر من ابناء الجزيره العربيه

تخيلو انحرمت من وظيفه كنت مواعد عليه ومعطيهم رقم جووالي ولا قدرت اطلع بدل فاقد لانه مو باسمي..؟

يعني مع كل اللي سووه في احرموني من وظيفه يمكن تكون بناء مستقبلي.......................!

كل اللي اقدر اقوله : حسبي الله ونعم الوكيل

[المثري]

الحمد لله على سلامتك والي يروح بالدنيا يجي بالاخرة وعوضك على الله بس الحمد لله على السلامة موقف جدا مؤلم ويقهر ووووو بس هذا بتلاء والحمد لله على قضائه وقدره

[سهم الدوسري]

حسبي الله ونعم الوكيل والحمد لله على سلامتك اهم شي والا الفلوس ماتسوى والوظيفة بيجيب الله لك اطيب منها لكن انا ماالومك الحاجة ماتستاهل بس القهر انك بها الوضع والكلاب ينشلونك وانت تشوف والله قهر

اتمنى لك التوفيق والحمدلله على السلامة

[خيال الصفراء]

الله يسلمكم من كل شر

[نواف السراد]

الحمدلله على سلامتك ويمكن ان وظيفتك هذي ما كانت بخير لك لكن قل اللهم اجعله خير

اما عن الفلوس وسرقة الجوال هؤلاء ضعاف نفوس والمرجله وشيم القبائل بعيده عنهم

لكن الله ينصرك عليهم نصر عزيز مقتدر

وان شاء الله يحصلهم موقف مثل ما سووا معك

[al-sary]

بارك الله بك , شكراً أخي الكريم

[المثري]

وبارك الله فيك كمان نبغى مشاركه منك اتحفنا بما لديك