علموا ابن بداح...

[مروّض]

مرحبا يا أخي...ابن بداح

مبطين عنك ...و حابين نسمع صوتك..

استلم..


لا شفت مفرح بن بداح يلعب مع ربع مستور=أبذبحله قعود حق و أعشي هل الديره

يقولون القضيه ما نفع فيها شهود الزور=عجز عنها محاميها و ضيعته تدابيرهاستمر و أنا معك..

[ابو تركي]

الله الله ياسلام يامرّوض





بداية طاروق جيد وفتل خطير :)





في انتظار شاعرنا الكبير ابن بداح




مع الله :)

[المولع]

الله الله

وينك يابوعبدالله ؟

الليل سرا

[ابن بداح]

لعبنا ثم لعبنا ثم لعبنا والخبر منشور= لكن المشكله ماهيب منا يالله الخيره
قبيلتنا تحاسد بينها وتهدم المعمور= وتترك صامل الميقاف وتصفق مع غيره

[ابو تركي]

الله الله يابو عبدالله




ياسلام ياسلام



وتترك صامل الميقاف وتصفق معا غيره :)




واصلوووووو وحنا متابعين




مع الله

[مروّض]

عاشوا المشجعين...ابو تركي_المولع

لا هنتوا على تواجدكم...و حنا منكم..و فيكم..

شد حيلك يا عميلي...و استلم..


ترى من كبر بطنه ما قدر يوقف مع الطابور=خسر مكسبه بالجمله و تاليته طمت بيره
لو ان العود يفرض سطوته بالعدل و الدستور=كثير الناس تصبح حيلته موته و تدميره
و الشكر للجميع..

[طويق]

عاشوا الشعار

ابن بداح بصراحة بصراحة إنك ماقلت غير الحق

[ابن بداح]

كبر بطن الرجل من نعمة الله وانت مالك دور= لاتهرج بالكلام وتبتلش لا جبت تفسيره
تركد يا مروض وانت عبدٍ منهيٍ مأمور=يلعمك الزمان اللي تنكر مع مشاهيره

[مروّض]

هلا بك ...يا طويق

مرورك أسعدنا...استلم يا بن بداح..


ألا وا فرحة ابنا سام يومنه وعد بلفور=طلع من همها بعد كثرت عنده دنانيره
ألا يا طير وش رسمك ليا جا في سماك طيور=تطير مع السما و للا تلافح بك معاصيره

[طويق]

تطير مع السما والا تلافحبك معاصيره


هيهيهيهيهيهيهيهيهيهيهيهيهي

[المولع]

الله الله عاشو شعارنا

بيض الله وجيهكم

الصف لايميل

[ابن شطيط]

طاروق رائع

بين شاعرين كبار

وابن بداح

ماعديت الا الحق

لا عدمتك

[نديم القوافي]

لعبنا ثم لعبنا ثم لعبنا والخبـر منشـور=لكن المشكله ماهيـب منـا يالله الخيـره
قبيلتنا تحاسد بينهـا وتهـدم المعمـور=وتترك صامل الميقاف وتصفق مع غيره

الله الله

ابن بداح صح الســـــاااااااانك والله يكثر من امثالك يالغالي

مروّض صح الســـــانك والله يعطيكم العافيه


تحياتي

[خالد الشماسي]

ما شاء الله عليكم


لو إنها مباشرة كان ما مثلها



لكم تحياتي

[ابن بداح]

لا تخرجنا من الموضوع والموضوع فيه جسور= أبا اعبرها وأثير شجونها وأفضها سيّره
يطير الصقرويعشيه مخلابه ومعه صقور= لكنك يا مروض روض العش وعصافيره

[ابن بداح]

الاخوان الكرام
ابو تركي

طويق

ابن شطيط

المولع


أبو عمر



لاهنتوا على المتابعه والمرور الذي أسعدنا كثيراً لكم جميعاً التحيه والتقدير .




أبو عمر الله يعينك بماذكرت ابدا المباشره وأزهم اللي تبي .........!!

[مروّض]

أخوتي...طويق_نديم القوافي_ابن شطيط_المولع_ابو عمر

الله لا يهينكم....يا متابعينا...

أسعدني...و الله مروركم...و سيزيد الحماس...و ان كنت لا أعلم من منكم في صفي...

و أنا صفي...و صف ابن بداح واحد....

فعلا...لو كانت مباشره...لكانت أفضل...و لكن الجود...من الموجود..


يضيعن الهقاوي عند رجل(ن) ما يطيع الشور=ليا عدّى الطويله قام يشبرها بأشابيره
تركته من ورى صنعاء و أشوفه عند ميناء الزور=غريبه ينتقل طول السنه من دون تأشيره

[ابن بداح]

يضيعن الهقاوي فالردي وإلإ الوفي منصور= نصرهه الله ويرفع هامته فكره وتعبيره
انا ماخلفت وعدك وانت لا تشهد شهادة زور=سواة اللي ليا قلط يقوم بدون تشكيره

[بحر الشوق]

الله لايهينك



محاوره


جميله

ممتعه

وواصلو

[خالد الشماسي]

ابن بداح


عندما ترى اسمي اطلبني وابشر



لك تحياتي

[مروّض]

بحر الشوق...مشكور على مرورك

أبو عمر...انتبه..ما لك حق تشغل ابن بداح عنا...الا بعد ما يرد..

استلم يا مفرح..


يجي للطيب بقلوب الرجال أهل المكارم نور=كما السلعه لها فالسوق عند الناس تسعيره
ليا زاد الحطب لهيب النار فاحن القدور=و لا ينفع كسير العظم تطبيبه و تجبيره
و سلم المنتدى و أهله..

[ابن بداح]

أختمها بذكر الله واقول لصاحبي مشكور=رفيقٍ مجتهد والحرف من صنعه وتحريره
ترا ما فيه داعي للحطب رح ولع الدافور=تمدن فالحضاره وأشرب من الببس والبيره

[مروّض]

أخي...ابن بداح

لا هنت على الطاروق....و الملتقى قريبا باذن الله..

يا خي...يا زين الحضاره..ملا الكوره...ما أحبها...

و البداوه...ميزتها ...يغسل بها الرجل قلبه من الدنيا

ابو عمر...يالله..طال عمرك..شد حيلك...ابن بداح يمك...

[ابن بداح]

لاهنت ومشكور يا مروض

تشرفنا باللعب معك طال عمرك


استأذنك في التعديل الذي طراء على أخر البيتين كان عندي خطاء غير مقصود


تقبل تحياتي وتقديري .

[بحر الشوق]

عجيب!!!!!!!!!!!!!!







وش قلت عشان تمسحون كلام؟؟؟؟؟؟



واكرر السؤال لابن بداح



يقول مروض
يقولون القضيه ما نفع فيها شهـود الـزور...عجز عنهـا محاميهـا و ضيعتـه تدابيـره



وانت قول في احد ابياتك

انا ماخلفت وعدك وانت لا تشهد شهادة زور....سواة اللي ليا قلـط يقـوم بـدون تشكيـره



كلمة (زور) مكرره



هل يجوز هذا في شعر المحاورة؟؟؟؟؟؟؟؟




وعندي سؤال ثاني وش معنى القاف شاب؟؟؟؟؟؟


والله لا يهينك



واتمنى استفيد من خبرتك


ويا مشرفين لا تمسحون كلامي

ترى ما غلطت

[طويق]

لاهنتوا على اللعب الطيب


ابن بداح ..... وش رايك ... ياللاله ياللاله في أي وقت شئت