ياساااااااااااااااامع المضطر

[ابو مترك]

يالله يالله يـاغـافـر ذنـــوب الـعـبــاد"="يامرسـي الارض يامنشـي مـزون السحـاب
يالله يالله تجـعـل فــي طريـقـي ســداد"="وتغفـر ذنوبـي وتنجينـي نهـار الحـسـاب
البارحـه عينـي القشـرى حربهـا الـرقـاد "=كنها مـن الشَـبّ تغسـل عقـب زود التهـاب
قمـت اتقلـب تقـل تحتـي هشيـم الـكـداد"="ليلٍ طوانـي كمـا طـي الـورق فـي الكتـاب
والصـدر كنـه حقـل زرعٍ بوقـت الحـصـاد"="كن الحصاصيـد تسهـج بـه قـدوم وذهـاب
واسبـاب مابـي هنوفـاً عايشـه فـي حـداد"="امست على اغلى القيم واضحت على اكبر خراب
من عقب ماهي كريمـه فـوق ظهـر الشـداد"="تهابهـا الخلـق والـي فـي كنفهـا يُـهـاب
تأخـذ مطاليبهـا واتحقـق اصـعـب مــراد"="واقرابهـا حولهـا تهـرف هريـف الـذيـاب
صـارت علـى الـذل مرميـه وتحـت الهـداد"="كـل الكواسـر عليهـا حاضـرات وغـيـاب
تنخى القرايـب علـى الفزعـه وفـك الطـراد"="يـوم القرايـب تـردوا مـن كهـول وشبـاب
يـوم انهـا فـي شمـوخ وعزهـا بـازديـاد"="كـلٍ يقـول ابشـري يابنـت باغلـى الثيـاب
واليـوم قفـوا وخلـوهـا بـوضـع الحـيـاد"="ثـم حملوهـا نتـايـج ضعفـهـم والهـيـاب
يالله ياسـامـع المضـطـر وقــت الهـجـاد"="يامالـك الملـك يامرسـي ثقـيـل الهـضـاب
انـك تقـوم لهـا عـز وشـمـوخ وجـهـاد"="واتعيـد الامجـاد يامنـزل عظـيـم الكـتـاب


مع تحيات اخوكم ابو مترك

[ابن جـــــــراح]

ابو مترك

صح لسانك ملايين وعسى الله ان يقبل دعائك وقنوت المسلمين انه سميع مجيب


الدعوى مقفيه يا ابو مترك مير عسى الله يعدلها

صح لسانك مره ثانيه وقصيدتك والله انها توقف شعر الراس بيض الله عليها

وتقبل خالص تحياتي

[السيف]

ابو تركي

صح الله السانك على هذه القصيده

يالله ياسامـع المضـطـر وقــت الهـجـاد"
"يامالـك الملـك يامرسـي ثقيـل الهـضـاب

انـك تقـوم لهـا عـز وشـمـوخ وجـهـاد"
"واتعيـد الامجـاد يامنـزل عظيـم الكـتـاب

وعسى الله ان يعين على الدينا بخير

تحياتي

[البدر]

يالله ياسامـع المضـطـر وقــت الهـجـاد"
"يامالـك الملـك يامرسـي ثقيـل الهـضـاب

لاهنت يابو مترك

صح لساااااااااانك ملاااااااااااااااين

قصيدة رائعة بالفعل لك كل الشكر على اتحافنا بها والله يعين على الدنيا بخير .

اخوك البدر

[ابو مترك]

الاخوه الاعزاء ابن جراح/السيف/ البدر .
اشكركم على مروركم الغالي يالغالين والله يسمع منا جميعا وينصر الاسلام والمسلمين.


تقبلوا تحيات اخوكم ابو مترك

[المولع]

ابو مترك

صح لسانك ملايين وعسى الله ان يقبل دعائك وقنوت المسلمين انه سميع مجيب


الدعوى مقفيه يا ابو مترك مير عسى الله يعدلها

صح لسانك مره ثانيه وقصيدتك والله انها توقف شعر الراس بيض الله عليها

وتقبل خالص تحياتي

اخوك/المولع

[ابو مترك]

اخي العزيز المولع اشكرك يالغالي على مرورك الغالي.


تحيات اخوك ابو مترك

[مروّض]

أبو مترك...

صح لسانك على القصيدة الرائعة....

دائما....ديدنك التجديد...و روائعك مزيد في مزيد...

و الله يتقبل دعاؤكم....و دعاء المسلمين...

مشاركاتك...كلها متميزة بدون مجامله....و تستاهل....و نحن أيضا نستاهل الأستماع...

و عشت أخي العزيز...

[ابو مترك]

اخي العزيز مروض تأكد اخي العزيز انه اذا كان هناك تميز في مشاركاتي فالسبب في ذلك تشجيع الطيبين والغالين الذي اعتز بشهادتهم ويهمني رأيهم للغايه شرواك.

الله لا يهينك اخي العزيز على مرورك الغالي.


تقبل تحيات اخوك ابو مترك.

[طويق]

لافُض فوك
































عطني خشيمك

























في أمان الله

[ابو مترك]

طووووويق والله انك الي تستاهل حبة الخشم.



























تقبل تحيات اخوك ابو مترك

[محمد الزعيري]

ابومــــــــــــترك صح لســــــــــــــــــانك


دائم وانت مبـــــــــــــدع

تقبـــــــــــــل تحياتـــــــــ واعجاب
اخوك /الزعيـــــــــــــــــــــــــــري














f

[المزاح]

ابو مترك صح لسانك وبيض الله وجهك ولاهنت على ماتقدمه لنا من قصائد جزله جداْ وليست غريبه عليك هذه الجزاله ...

تقبل تحياتي

[ابو مترك]

الاخ محمد الزعيري مشكور على المرور يالغالي .

تحيااااااااااااات اخوك /ابومترك