لغز من راسي

[نهار]

السلام عليكم ورحمة الله وبركاته

طيب ياخوان عندي لغز ودي ان يطلع فيكم واحد ذكي مع اني مستبعدها

ويحل لغزي

فية صميل حق حليب يبكي ليش ؟

[خالد الشماسي]

لأنه منكوس على راسه

[رنيه الأصل]

يمكنه مليان ,,,,,,,,,,,,,

[المثري]

لا تستبعد وجود الاذكيا ولكن استبعد ان في زمانا هذا لسه فيه صميل


الحل

لأن الناس هجروه وجابو بداله خضاضه كهربائيه



يسلم راسك يانهار دايم سباق وما تجيب الا الطيب ياطيب
هذي ترى رشوه عشان تقول كلامي صح

[نهار]

مرحباً أخوي خالد لاكن مع الاسف جوابك خطأ

حاول تشغل مخك شوي

[نهار]

رنيه الاصل

طيب دامه مليان وش علمه يبكي

يحمد ربه وشي لو ينشف وش بيسوي

بيشق الجيب

:biggrin:

[نهار]

أخوي المثري

كلامك صحيح

أعجبتني اجابتك

بس لها الحين لم نصل للجواب

[نهار]

وين بقية الاعضاء الكل يشغل مخه شوي

ويدلي بدلوه مثل الاخوان عافاهم الله

[المثري]

انا لو كنت صميل

افرح

واغطرف

وارقص

واهيجن

وما احد قدي

واكون اسعد من في الوجود

اذا عرفت ليه انت بطل يانهار

هيا عاد حلها يا ابو الافكار خلنا نطلع الي براسك

[نهار]

قاعد يبكي لانه

7


7


7


7

مدبوغ
:biggrin:

[المثري]

ممتاز ياعم نهار طيب حل اللغز الي حطيته لك عن الصميل يابطل

وراح تضحك من الحل لين تقول بس وتقول ياليتني صميل

[المثري]

ياشيخ خلتي احله لآنه ما راح تحله لو تجلس سنه وزياده











لأن




















كل


















فتاة






















تحط















فمها

















في














فمه















وبعدين




















تحطه


















على












فخذها


















وترقصه













ايش رايك ياعم نهار

[نهار]

كنت بقول الحل بس انت أالله يهداك أستعجلت عشان تطلعني دلخ


ماقول الا ياليتني صميل


:biggrin:

[المثري]

حشاك يابناخي
بس كم لغز انزله وما احد يحله
ويروح ولا عاد يرجع
قلنا نقول اللغز وبعد دقيقه
انحله اقلها الي يقراه يعرف حله ويستفيد

حل هذا طيب وحله موجود داخل المنتدى

ميت مات ببلشه00 جاه الحي ونكشه00 انقلب الميت على الحي وكمشه
هيا حله بعد دقيقه بحله انا

[نهار]

والله ان هاللغز لحسه

خلني افكر

:pic2:

يمكن مصيدة الفأران

[المثري]

ها ها ها ها يعني ما قريت الحل بالله باين من الهمزه الي على حرف الألف في كلمة فأران انك قريت الحل يابطل صح

[نهار]

خلاص اجل مصيدة الفئران

كذا أكون مالطشت الحل

[المثري]

يا عم نهار ادخل على سري للغايه بإستراحة المنتدى
وقولي ويش رايك ممكن بالمستقبل اتغلب على جحا وابو نواس
ولا ما يمكن
وباقي في جعبتي الكثير
بس الذاكره بطيئه ما تسترجع المعلومات بسرعه
ابغى اطالع ردك انا في انتظاره

[عوض السبيعي]

اخوي المثري اشغلتنا بلغزك في كل
قسم القاه خلاص المصيده فكنا
والاخ نهار على باله ماقرأ الحل
بالله اخوي خالد الشماسي علق لغز المثري في الرئيسة
وكتب عليه لغز المثري وخله يتأدب ماعاد يكرر الشي
خخخخخخخخخخخخخخخخخخخخخخخخخخخخخخخخخ

[ماجد الشماسي]

لغز المثري لو يحط له بنر فالصفحه الرئيسيه

مايمنع المثري من انه ينزل في كل فروع المنتدى

هذا المثري عسانا مانعدمه

[عوض السبيعي]

زين اخوي ماجد
قلبت علي انا شاك انك زعلان مني
لكن لاتشبها بيني وبين المثري
تراك سوسه وانا اشهد الاعضاء اذا صار بيني وبين المثري
مشاكل ترا السبة انت وشهدوا يالربع

[ماجد الشماسي]

ههههههههههههههههه

عوض وش فيك على ماجد نار مشتبه

الله لايفرق بينكم

انتم يالثنين مايفرق بينكم الا الموت

بعد عمر طويل طبعا

[المثري]

شحليلكم يازينكم بعيد الحسد عنكم الشر حوليكم ولا يجيكم
انا كذا احط اللغز محل ما ابغى
واحط الطرفه بمنتدى الوفيات
على كيفي يا عوض الخلف لا تخليني هالحين اشد بشعري
وذب نفسي من الطاقه
واذ ما هو معجبك اتصل على الدفاع المدني
واعلن اني ابا انتحر واوقف على كم بلكه
احطهم على الارض
واقولهم ابى ارمي نفسي
وانتحر خاف الله فيني يا عوض

[نهار]

وشلون ماحل هاللغز وانا القاه في كل قسم حتى قسم التوظيف !

[المثري]

خطاء اللغز نفسه في مكان ثاني حله مصيدة الفئران لكن هنا حله غير يا بطل دور على الحل ياشاطر

[ماجد الشماسي]

شحليلكم يازينكم بعيد الحسد عنكم الشر حوليكم ولا يجيكم
انا كذا احط اللغز محل ما ابغى
واحط الطرفه بمنتدى الوفيات
على كيفي يا عوض الخلف لا تخليني هالحين اشد بشعري
وذب نفسي من الطاقه
واذ ما هو معجبك اتصل على الدفاع المدني
واعلن اني ابا انتحر واوقف على كم بلكه
احطهم على الارض
واقولهم ابى ارمي نفسي
وانتحر خاف الله فيني يا عوض

الله يعيني يالمثري على مطاردة مواضيعك بالمنتدى

ونقلها لقسمها الصحيح

[المثري]

الله يديمك يا استاذ ماجد تاج على راسي
ما انحرم منك ياطيب
ترى انا حتى اشارة المرور عندي كلها خضرا
عشان الاسهم كلها حمرا
بسبب تلاعب كبار رؤوس الاموال
حتى ان واحد منهم اول حرف من اسمه الوليد بن طلال
اشترى اسهم بعشرة مليارات ريال
وبعد يومين طاحو الناس بالاسم
وارتفعت راح باعها بثلاثة عشر مليار
مسكين ما كسب نتفان ثلاث مليارات بيومين او ثلاث
وراحو فيها الضعاف ونقول ادارة سوق الاسهم الا ضيعة سوق الاسهم
الخروج عن النص طبعي 0000 فلا تزعلوا يربعي

[عوض السبيعي]

اخوي المثري انت خاف الله فيني :arabiyat-y:
حاط لغزك في كل مكان :(112):
تصدقون ياجماعة صليت العصر لقيت واحد يتسول :(110): ومعه صك
اخذت الصك وقريته وتخيلوا طلع لغز المثري :26_f:
ارجوك اخوي المثري خاف الله فيني صرت اشوف لغزك فالاحلام :33_f:

[ماجد الشماسي]

عوض الخلف ههههههههههههههههه

انا لقيت عامل البقاله ابي منه اغراض وعطاني لغز عجيب فعلا

قلت وش هاللغز الصعب

قال ماخذه من واحد اسمه المثري ؟

يامثري ارفق علينا والا اقول حط موضوع بقسم الالغاز خاص فيك وبالغازك

والله فحمت من الطردي وراك خخخخخخخخخخ

[عوض السبيعي]

ازودك من الشعر بيت
اخوي ماجد ذاك اليوم مريت المحطة وقلت للعامل
عب بنزين تدري وشقال لي ؟؟؟؟؟؟؟؟؟؟؟؟؟؟؟؟؟
بابا 91 او 95 او لغز المثري

[المثري]

والله من قهركم يا مرزوق وسمعه اقصد يا ماجد وعوض
انا اعرف انكم تدخلون عليه وما تعرفون الحل تطلعون تدورون الغاز سهله
قلت وراهم وراهم الارض ارض الله والشارع ممر
الين غصب عنهم يقرونه ولا يقولون ما قريناه
عرفتم هالحين بس دورو غيرها خلاص
ابا اجيب لكم لغز عشان تفرحون وتحلونه
وما تلقونه لا بالمحطات ولا بالبقالات ياشطار
وش الشي الي نشربه وماله لا طعم ولا لون ولا رائحه واول حرف من سمه ماء وفيه ناس يقولوله مويه وجمع اسمه مياه هيا حلوه ياشطار

ممنوع الاستعانه بصديق
وما احد يقولي بنزين اخضر ولا احمر
ولا قارورة شطه انتبهو حلوه ياشطار

[عوض السبيعي]

اخوي المثري الحل سهل وهذا ثاني لغز احله
الجواب مكرونه

[المثري]

وش هاللغز الي حله المكرونه
الله يصلحك انت كل ما شفت لغز تحسبه انا الي كاتبه
ارجع وحل اللغز بمكانه تقول علي
والحين انت تنقز مثل ام العروس

[ماجد المهندس]

صراحه اللغز مررررررررررره صعب


تخيلو سألت كل الناس ولا أحد عرف إجابته



بس انا الحين جالس افكر:pic2:


:xyxwave:

[ماجد المهندس]

عرفته عرفته


بس مو قايله لكم

( قالي أدلع )


:xyxwave: