المنتدى لاصاروا أهله ....

[حمر عين]

ياهل المنتدى اللي عالي مستواه = في قلوب أهله اللي ودها ماتجيه
من يدور على أملا الكف يأخذ ملاه = لايعد العطا اللي مايملي يديه

[ابو تركي]

الله الله ياسلام



صباحك ورد واستلم ياحمر عين :


ياهل المنتدى اللي كلنا في ذراه

.................افطنو للكلام اللي يقال وووجيه


ياحمر عين نجم المعرفه في سماه

................ مير مد النظر واهرج وخلك نبيه :)

[مروّض]

أخويّ...حمر عين_أبو تركي

الله الله...بدايه طيبه..استمرا...فنحن معكم

في قلوب أهله اللي ودها ما تجيه...

ما شاء الله عليك يا بو تركي...قريحتك حاضره....سبقتني..

و سلمتم أخويّ..

[ابو تركي]

هلا هلا وغلا اخوي مروّض



لو داري ان لك نظر في الرد ما تعديت عليك :)





لكن متابعتك تسعدنا وتواصلك يشرفنا

[حمر عين]

ينتبه للكلام اللي يحب النجاه = يأخذ العلم لاجاه النصيح النزيه
البنا قد بناه اللي تعب في بناه = ولايهده على رأسه ياكود السفيه

[المولع]

الله الله

حمر عين ومروٌض

انا معكم متابع

الله الله بالطيب ولا اوصيكم في الـ..................

[مشعاب]

مروض ،،،،، ابو تركي




واصلو وامتعونا

[حمر عين]

مشعاب .. المولع


واصلوا .. عساكم على القوة
ترانا متابعين

[ابو تركي]

المولع ............... مشعاب



هلابكم وخلوووكم قريب والصف لا يطيح :)





جايك ياحمر عين :)

[مشعاب]

الظاهر عيونك حول يا حمر عين :confused:



حنا نترقب بيوتك ما لنا دخل يا طويل العمر :icon_bigg


وراك ما قلت شكرا لكم على المرور اسهل ولا ما طرت عليك:devious:

[ابو تركي]

مع الله




عندك ياحمر عين :)


من تبيّن يكمل لا يعوّد وراه

.................. العرب في طريقه كلها تحتريه


احمد الرب جالك فرصة ٍ في الحياه

.................. كل رجل ٍ يهمه ياحمر ما يليه

[المولع]

سرا الليل ياحمر عين

انا ماسك الصف

[حمر عين]

من يماري بملبوسه حفاة عراه = مثل شيخ الشباب الله يستر عليه
راوي فعله الطيب بليا رواه = كل مجلس يعد فعول يمناه فيه

[حمر عين]

مشعاب
الله يرجك .. جبتها


أنا كنت ناوي أسألك نفس السؤال .. أنت حول
بس قلت يهجم على الريس يقول إرهابي

هههههههههه
هجل تأخذ المكرفون علشان تنشد عن المفاتيح
كذا المشرفين وإلا بلاش

[ابن شطيط]

حمر عين مرحبا فيك

وابو تركي


واصلوا ونحن متابعين











.

[طويق]

ماشاء الله ولا حس ولا خبر زين لقيناكم الليلة




حلووووووووووة ماسك المكرفون ينشد عن المفاتيح

[ابو تركي]

ابن شطيط ...... طويق



مررحبابكم ووجودكم يسعدنا


مير انا جايك ياحمر عين :)


الله الله

بعض الاجواد وجهه صار كنه قفاه

............مثل هذا اللذي يركب كلامه عليه

عقب هاك الهدير الهرش نسمع رغاه

...........ياهل السوق من يقدر يجي يشتريه

[حمر عين]

لوزرى والله إنا ماحسبنا زراه = بعض الأجواد في الأجواد ماله شبيه
لاعب السرك يطمر من خلاه فخلاه = ويتلمع بنظرات الغضب في الوجيه

[ابو تركي]

جااااااااااااك




اسف على التأخير الخارج عن الاراده




يالطيف :)


اشهد انك من الشعار تبغى زكاه

.................. من جهل بالنداوي يحمر يشتويه


بيتك اللي سكنته ما يذري ذراه

.................. ليه تخطي طريقك وانت ناويه ليه؟؟؟؟؟؟




صح لسانك ياحمر عين ولا هنت

[حمر عين]

قلت وش بعد لفة ثرمدا عن مراه = قال تلقى قهاوي ظلم دون المويه
جيت أعالج قضيه وألفت الإنتباه = ورحت بلشان بين المسعري والفقيه