أنـــــا و الشاعر / سفر بن نهار السبيعي

[مسعود الحويزي]

اخواني مشرفين وإعضاء وزوار منتدى قبيلة سبيع الغلبا

السلام عليكم ورحمة الله وبركاته :

اضع بين ايديكم هذه القصيده المتواضعه والموجهه الى الشاعر العلم
(((((((((( سفر بن نهار السبيعي ))))))))))




الشعر للشعار تعبـيـر وإدراك = ولا كل شـــاعر يمكن إنه يجيده

الشعر من قافه ولو كان سرّاك = تلقى الشقى فالقاف لحظه سعيده

الشعر لامن صار يأمر وينهاك = إعرف ترى كل المشاعر أكيده

للشاعر اللي لا كتب قاف عناك = كنه يخطه فالورق من وريده

متمكن ٍبالقاف من وين ماجاك = ماهوب يرجي واسطه فالجريده

ويبعد عن الأعلام ماهوب شكاك = في بنت فكره لابدعها وحيده

نظم القوافي كنها نظم الأفلاك = من عالم إبحور القصيد المجيده

هذا أنت ياسَفِرْ البعيجي وينصاك = قافي وقصدي وكل قصد القصيده

أشهد شهادة حق والحق عداك = عن الذي له بالخفاء لك مكيده

من لا يسوي فالقصايد سواياك = راح القصيد بدون جمله مفيده

يامروض ابيات النبط لا عدمناك = كل القصايد منك والله فريده

كن القوافي فالنبط من رعاياك = بأمرك تجيك وعند غيرك عنيده

والذي قام مشكوراً بالرد عليها :

يقول الشاعر : سفر بن نهار السبيعي




يامنير يوم إني زهمتك أبا انخاك = ياللي ملكت الصيت طيب وعقيده

لعل خبلان ٍ على الارض تفداك = ماغيرك اللي يوصل الخط ليده

وصل سلامي يم مسعود هذاك = ابو فهد عسى حياته مديده

واحذر ترى الأسماء تشربك تشرباك = وتضيعك بين الردي والوليده

قصدي الحويزي راعي الطيب شرواك = اللي فعوله والسجايا حميده

عطه جوابي في يمينه بيمناك = وقله ترى هذي رسالة عضيده

واشكره من عندي عدد خطت اخطاك = وقدام ترجع منه شكري تعيده

يابو فهد ماهاضني غير مبداك = وتشجيعك الدايم لشعري يزيده

شهادتك تاج ٍ لراسي وطرياك = يفتح لي ابواب القصيد وجديده

وكان الشعر به نادره من مزياك = وإن كان لأهل الطيب سيد انت سيده

يفداك من يبخل بجاهه والاملاك = واللي جحد وأهل القلوب البليده

واختامها يالقرم ابشر بسعداك = وعساك تسلم لي ليالي ً عديده


ولكم مني اجل التقدير والاحترام
اخوكم // ابـــو فــهـد

[عبدالله الحضبي]

ماأروعك يابو فهد
قصيده جزله ورائعه ومتزنه
من لا يسـوي فالقصايـد سوايـاك
راح القصيـد بـدون جملـه مفيـده

عز الله انك ماقصرت وابو عبدالله
يستاهل وانت تستاهل ياراعي الطيب

يفـداك مــن يبـخـل بجـاهـه والامــلاك
واللـي جـحـد وأهــل القـلـوب البلـيـده

قصائد جيده يفخر بها أهل المنتدى
ويفتخر بها الشعراء وباب الشعر
بيض الله وجهك يابو فهد وبيض الله وجه ابو عبدالله
لكما مني التحيه والتقدير

[alnadawi]

صح السانك يابو فهد

وصح السان شا عرنا سفر بن نهار

[عيسى السبيعي]

هذا أنت ياسَفِرْ البعيجي وينصاك =قافي وقصدي وكل قصد القصيـده


يـفـداك مــن يبـخـل بجـاهـه والامــلاك= والـلـي جـحـد وأهــل القـلـوب البلـيـده


الله الله ابو فهد

صح لسانك وصح لسان الشاعر سفر ملايييييييييييين ×ملايييييييييييين


ابو فهد وابو نهارنكهه خاصه عالية الجوده



تحياتي للجميع


الواسطه

[عيسى السبيعي]

هذا أنت ياسَفِرْ البعيجي وينصاك=قافي وقصدي وكل قصد القصيـده


يـفـداك مــن يبـخـل بجـاهـه والامــلاك=والـلـي جـحـد وأهــل القـلـوب البلـيـده


الله الله ابو فهد

صح لسانك وصح لسان الشاعر سفر ملايييييييييييين ×ملايييييييييييين


ابو فهد وابو نهارنكهه خاصه عالية الجوده



تحياتي للجميع


الواسطه

[ابن جـــــــراح]

ابو فهد

صح لسانك ملايين

وصح لسان سفر بن نهار

شعار كبار كبار
ولا هنت يا ابو فهد على اتحافنا بهالرائعتين
ولا نزال نطالبك بالمزيد
فاهلا بك وبعودتك يا ابو فهد افتقدناك في المنتدى ولكن لم تذهب من قلوبنا يا ابو فهد
لك خالص تحياتي وتقديري

[بعيد النظر]

الف شكر لك يالقرم
على اتحافنا بهالرائعتين

[مروّض]

أخي...أبو فهد

صح لسانك و صح لسان أخينا الشاعر..سفر

أنت أنرت الطريق...و هو أسفر المعنى...

قصائد جميله...معانيها جزله...

و هكذا الشعر...و الا فلا...

و لا تبخل علينا يا أخي...بجديدك

[ابو تركي]

صح لسانك ولا هنت يابو فهد




وصح لسان الشاعر سفر بن نهار




صوت وصدى وجزاله





لا هنتوااااااااااااااااااا

[البارع 2000]

لا هنت يابو فهد وصح لسانك

(( سألنا عنك وينك ؟؟؟ ))

ما عاد شفناك

وش اخبار الصورة ؟؟؟؟؟

وصح لسان الشاعر سفر بن نهار

لكما مني تحية وسلام

[ابن شطيط]

متمكـن ٍبالقـاف مـن ويـن ماجـاك=ماهوب يرجي واسطـه فالجريـده

ويبعد عن الأعلام ماهوب شكـاك=فـي بنـت فكـره لابدعـهـا وحـيـده

نظـم القوافـي كنهـا نظـم الأفـلاك=من عالم إبحور القصيـد المجيـده

هذا أنت ياسَفِرْ البعيجي وينصاك=قافي وقصدي وكل قصد القصيده

أشهد شهـادة حـق والحـق عـداك=عن الذي لـه بالخفـاء لـك مكيـده

صح لسااااااااااانك يابو فهد وصدقت واشهد انك ابدعت

قصيده فعلا تعانق السماء بروعتها ونضمها



يـابـو فـهـد ماهـاضـنـي غـيــر مـبــداك=وتشجـيـعـك الـدايــم لـشـعـري يـزيــده

شـهـادتـك تـــاج ٍ لــراســي وطــريــاك=يفـتـح لــي ابــواب القـصـيـد وجـديــده

وكـان الشعـر بــه نــادره مــن مـزيـاك=وإن كان لأهل الطيب سيـد انـت سيـده

يـفـداك مــن يبـخـل بجـاهـه والامـــلاك=والـلـي جـحـد وأهــل القـلـوب البلـيـده
وصح لسان الشاعر العلم سفر ابن نهار

رد رائع وشافي وقصيدتين من اجمل القصايد وابيات من اروع ماقيل

لك التحايا يابو فهد

ومرحبا فيك وبعودتك ياراعي القافله وسعدن بتواجدك معنا

ولك حضور متميز

اخوك

ابن شطيط

[المولع]

صح لسااااااااااااااااااااااااااانك يابوفهد ولسااااااااااااااااااااااااااااااان سفر البعيجي

قصايد مامثلها شي

كلها جزله ومن جزلين

بس اشوف الواسطه يردف في الردود

لك تحياتي يابوفهد

[مسعود الحويزي]

الاخ والا ستاذ الفاضل (( تين ))

اشكر ك على الاطراء الجميل وعلى تشجيك الدايم لنا

ومرورك بحد ذاته على هذه المشاركه شرف وفخر لنا

ولك مني كل التقدير ولا حترام

ابو فهد

[الحضبي]

صح لسانك يا ابو فهد و صح لسان ابو عبدالله ...

شعار متمكنين و أجدتو ...


و ألف شكر لك يابو فهد لنشر القصائد هنا ...


تحياتي ,,, الحضبي.

[محمد الزعيري]

صح لسانك اخوي ابوفهد على هذه القصيدة الاكثر من رائعه

والتي تعودنا دائما من شاعرها مثلها واجزل منها.


كما لا يفوتني ان اشكر الشاعر المبدع سفر بن نهار

على هذا الرد الاكثر من رائع

والذي يعكس لنا مدى قوته الشعريه .

صح لسانك اخوي ابو عبدالله
وبيض الله وجيه الجميع

وتقبلوا اعجاب وتحيات
اخوكم / الزعيري

[مسعود الحويزي]

اخوي

alnadawi

اشكرك على مرورك الجميل الذي اضفى على المشاركه

طابع خاص من الجمال

ولك مني كل الشكر والتقدير

ابو فهد

[smart]

ابو فهد
صح لسانك مليووووون

وصح لسان سفر بن نهار

قصااااااائد جزله

تحيااااااااااتي

[مسعود الحويزي]

اخواني :

الواسطه
هذا من طيبك طال عمرك انك رديت على الموضوع مرتين

مره لي ومره لسفر بن نهار ...:) الله لا يهينك على المرور

الجميل ياذيبان


ابن جـــــــراح

هلا فيك ولاهنت على كل حال والقلب يشهد انك من العزيزين
لدي ولك مني كل التقدير والاحترام

بعيد النظر


مشكور اخوي على اطلاعك واطرائك

مروّض


مرحبااااا مليون ولنا كل الشرف والفخر بما خطت اناملك

ولك جزيل الشكر والتقدير


ابو تركي

الله لايهينك وصح بدنك طال عمرك
وتقبل مني فائق التقدير


البارع 2000

هلا ومرحبااااااااااااااا ياراع الامانه ومثلك كفو لها ولحملها

واشكرك من الاعماق على مرورك على المشاركه


ابن شطيط

مرحبااااا ولنا كل الفخر بمرورك ,,, واطرائك الذي نفخر به ونعتبره
وساماً على صدر هذه المشاركه . لا تكتمل جمالاً الى بذكر
ماقلته انت عنها ....
ولك مني ومن الشاعر سفر كل التقدير وجزيل الشكر


المولع
هلا اخوي المولع صح بدنك ولاهنت على كل حال

واما من ناحية ارداف الواسطه فالرد فهذا من طيبه

ولك من فائق الاحترام


الحضبي

صح بدنك وفخرنا بهذه المشاركه لا يكتمل الا بمرورك الكريم

واما بالنسبه لهذا المنتدى فهو مجلس للنشاما شرواك

لايذكر فيه الا كل ماهو جميل وجزل وموفيد



محمد الزعيري

يكفني ان اقول لك شكرا على مرورك لان مافي

القلب يعجز عن ترجمته اللسان تجاهك ... تحياتي



smart

هلا ومرحبااااااااااااااااا صح بدنك

ولاهنت على مرورك الكريم


ولكم مني جميعاً كل التقدير والشكر ولك من اطلع على هذه
المشاركه
ابو فــــــــــــــهد

[البدر]

ارحب يابو فهد ارحب

صح لسااااااانك ملاييييييييين يابو فهد

وصح لسان سفر بن نهار ملايييييييييين

اطلاله رائعة جدا بعد غيبة بقصيدتين من اجمل القصائد فلك الشكر يابو فهد على اتحافنا بها ونتمنى ان يستمر هذا التواصل الجميل .

اخوك البدر

[مسعود الحويزي]

الله يبقيك اخوي


البــــــــــــــــدر

واكتمال هذه المشاركه بوجود ردك الرائع واطرائك الجميل


ولقد غبت عن المنتدى مثل ماقلت ولكن أنه لم يغيب

من ذاكرتي وذلك راجع الى من فيه من النشاما

مثلك وشرواك


ولك مني فائق التقدير والاحترام

اخوك

ابو فـــــــــهد

[سعد بن جراش]

بسم الله الرحمن الرحيم

ابو فهد

وسفر بن نهار

وجهان لعمله واحده هي الابداع والروعه

سلمت يمينك ياذيبان على اتحافنا بهذا الصوت والصدى العذب من العذبين

من لا يسـوي فالقصايـد سوايـاك ))((راح القصيـد بـدون جملـه مفيـده

تقبلوا تحياتي جميعا ً