موال قديم (اقرب شاعر)

[بحر الشوق]

سلامي سلامن يحج الرجالي
سلامن ما يقصر طوال الحبالي
ادور ياربعي قروم العيالي
والايام يومين والشك زايل










دورولي شاعر ن فالملاقاء عن ثنين=....او ثلاثه او اربع ولاني هايبه


الضعيف نتركه مانبي غير السمين=..من يجيب الطيبه ما يجيب الخايبه

[المتوهج]

الاخ بحر الشوق

فرصه العب معك على هالطاروق



هلا مرحبا فيك والليل توه=عسى معك يالقرم حيلن وقوه
تراني تراني شجاع وفتوه=والايام يومين والشك زايل



جاك شاعر جاك شاعر وراسه مايلين=والله يعينك عليه وعلى مصايبه
يابحر كانك محنك ولك قلبن فطين=لاتسيبها سوات الجمال السايبه

[بحر الشوق]

يدوم البقا وانت وهج ووهج
وانا خايف ان طول اللليل اتهج
شجاع وفتوه على غير منهج
والايام يومين والشك زايل



والنعم يا شاعرٍ جا ومعه مصيبتين.....والمصايب فوق راسه تراها صايبه
يامتوهج خابرك انت من قرن وقرين....لو تكبر في علومك تراها عايبه

[المتوهج]

انا خصم مالك بشرواي حيله=وابا حملك بالحمول الثقيله
ولاكل حملن تبي ترتكيله=والايام يومين والشك زايل


راحت الاولى والاخرى تمرك هالحين=وانت قلبك زين والسوق من جلايبه
لو تلف ولو تدور وتعكس السايدين=ثلجتك من ناري اللي توقد ذايبه

[بحر الشوق]

ترى خصمكم يشرب السم الاحمر
ترى خصمنا دوم نسقية مالمر
ورى شاشتٍ انت يا اخوي عنتر
والايام يومين والشك زايل


انا قلبي زين قلبك مملا بالضغين.....والحسد والبغض هوه ترى سبايبه
ناركم ترجع رماده ياذيب ابا الحصين....مير طع شوري وهون وخض الرايبه

[المتوهج]

على طاري السم سميت حالك=وزودة همك وضيقت بالك
تناطح طويق الجبل من هبالك=والايام يومين والشك زايل


يرحم الله صاحبي صاحبي عبدالمعين=ينطق لسانه واحاسيس فكره غايبه
ماني مهون وبدحمك بالجنب المتين=انت تبغى الموت والموت لجلك جايبه

[بحر الشوق]

ترى منتب طويق لا يالقصير
شبوهك تماثل شبوه الخضير
ولنتب كفو سمنا يالصغير
والايام يومين والشك زايل

افقد احساسي ليا شفت وصفك يازوين.....مير نفسي عنك يا خوي والله طايبه
لو ماتهون علومك ترى تصبح فطين.....ماني اهاب المنايا وانتا هايبه

[المتوهج]

للتذكير
..
..
.
( هايبه ) سرت وانت اللي مسريها

كسرتك كسر ساق ماهوب جابر=مثل كسر صدام للشيخ جابر
ولكن خلك على الغبن صابر=والايام يومين والشك زايل


اسمعوا وش قال هذا الولد يامسلمين=آه وآعزاه لمه وضيعة شايبه
اذكر المتوهج اللي عطاك الجمرتين=وانتبه لاعاد ينشبك في نشايبه

[بحر الشوق]

ههههههههه

سريتها عليك



ابحفر بيدي قبر كل حيه
ياصدام انهاك نتاف لحيه
ودارت عليكم من الحرب رحيه
والايام يومين والشك زايل


انت لامن شفتني انتطقت العين غين.....انت قوسٍ ربربت للعرب ربايبه
واذكر البحر الذي ساقكم سوقات قين...وانشبك في روحته وانشبك في ايبه

[المتوهج]

ذكرتني بالمثل اللي يقول ( تسلى بالمنفوشه لين الله يجيب المنقوشه )

احدك واردك وامدك واسوقك=وبضاعتك يابحر في وسط سوقك
ولو اذبحك ذبح والله مااسوقك=والايام يومين والشك زايل


يوم اطالع في العرب فيك الد بنصف عين=بس اباجاريك لو ان بيوتك شايبه
آتسلى بك وانا نظرتي للغايبين=كان فيهم يابحر من يسد النايبه

[smart]

بحر الشوووووووووووق

المتوووووووووووووهج


لاهنتوووووووووووا

محاااااااااااوره قوووويه وجميله


الصف جاااهز ازهلوووووووووه

لكم تحيااااااااتي

[ولدالوجيرب]

بحر الشوق



المتوهج


محاوره رائعه


:|:|:|:|:|:|:|


:|:|:|:|:|:|:|

تسلمون يالنشامى

[مروّض]

يا أهل الموال القديم...

محاورتكم قويه...ليتها تستمر...تكفون لا تطفون ناركم...

أبياتك كلها متوهجه يا المتوهج...حاطها على نار...و لا شكلها دايم كذا...

ترى السما فيه غيوم...و لا كل أرض يبلّها المطر...انتبه...أمامك منحنى خطر..

ثقتك تعجبني يا بحر الشوق...لكن ليا زادت تمشكلك...

[المتوهج]

الاخ سمارت

من قال مايهون ،، اضبط الصف !!!

الاخ ولد الاوجيرب

الرائع هو حضورك

وصفوفك اشعلت روح الحماس فينا

الاخ مروض

حياك يامروض
انا ودي ان المحاوره تستمر لكن زميلنا بدأ يتوارى عن الانظار
عسى الله يعقله،، وانا ماعندي الا الصالي وشعاري ( لارحمه ولا شفقه على احد )
واذا في السماء غيوم ماشفنا شي ويمكن هبت عليها الشمال وراحت بأمرالله !!!
والسؤال اين المنحنى الخطر ؟ كانه انت الله يحييك لاتذخر شي ،،،،.

لكم سلامي

[المتوهج]

اسأل الله الكريم رب العرش العظيم ان يرد غايبنا
ويبعث في نفسه الطمانينه آآآآآمين آآآآآمين :cry::classic::lick:::

[بحر الشوق]

بسم الله الرحمن الرحيم
اعذروني يالربع كنت مسافر ولا دخلت النت
وابشرو بالرد


استلم لو انها متأخره



ختام الحكي انت عاقب وخاسي
خسيس ن تجمع علومن خساسي
ومثلك ترى تحت رجلي يداسي
ولايام.................................


يوم اطالع فالعرب اترك المجننين......امتوهج هبهبت ياعرب هبايبه

[بحر الشوق]

اخوي سمارت
ولد الوجيرب

لاهنتوا على مسكت الصف


اخوي مروض


تعرفني ما تمشكل من ويدي علم جابه.......يامروض او مروض في دروج ام العضاضي

[المتوهج]

الحمد لله على السلامه يابحر الشوق
فقدناك طال عمرك
ولكن مسموح على ردك الاخير
واحب اهمس في اذنك واقول لك
شعر المحاوره يبي له راسٍ صليب وصدرٍ وسيع
ولايزعل الا اللي محاضيبه قريبه
،،
،
استلم الرد

بحر حطه الله هنيا وشاله=ولاهوب معشوق لباس شاله
يبي ديس لجل يحلب من وشاله=والايام يومين والشك زايل

انت تبغى وزنة بلوف والا دعستين=كود يصفي كربريترك من شوايبه
رح وقل للناس من فضلكم يامحسنين=معسر وكلن بيعطيك من وهايبه

[طويق]

المتوهج تبي الجد

شاعر وكفى وعسى الأيام أن تجمعنا عن قريب
لازلت في السفر وبعد العودة نلتقي .
تحياتي / طويق خط220 فولت

[المتوهج]

اخوي طويق

ترجع بالسلامه ان شاء الله

ولنا لقاء

المتوهج دائمآ في الخدمه

[بحر الشوق]

ههههههههههههه


الله يسلمك


وانا ما زعلت
محدن يزعل منك وانا اخوك


بحر حطه الله لمثلك بلاوي
ولا يعشق الا بنيت حلاوي
واباحلبا نياقك ياهذا الخلاوي
ولايام..............................



وانت ما تحتاج الا دقوق وفتحتين.....ثم يكسر كمبراسرك من لاهايبه
رح وقل لربوعنا من فضلكم ختمتين...ضاع اصلك من يلاقيه في زرايبه

[المتوهج]

الاخ بحر الشوق

صح لسانك وشكرآ لك على هذه المحاوره

وقد استمتعت معك واستفدت

وشكرآ لكل من تابعنا


تحياتي
المتوهج

[بحر الشوق]

عفوا اخوي المتوهج
اشكرك على اخلاقك العاليه والعذر والسموحه ان كنت اخطأت عليك فالانسان قد يكتب البيت وهو غضبان واحيانا يكون مروق وهكذا


واشكر خاااااااااااااااااااااااااااااااص

للاخوين العزيزين
مروض وطويق

وشكر لجميع من من قراء او رد على هذه المحاورة
اخوكم بحر الشوق

[ناصر المديري]

صح لسانكم يالشعار ومحاورة جميلة

تحياتي لكم